تعالوا نسولف شوي ....

[amert zmany]

صباح الخير على الجميع

شلونكم ؟؟

ابي اسولف مع الايفونيات .. وطبعا مع الكل بس خصوصا اهما

...


بنات خخخ تبون الصراحه تعقدت !!:eh_s(4):
ههههه

اي صج تعقدت !
الحين كل ماننزل برنامج او شي قالوا يبوق ومادري شنو !؟

عيل ليش ننزل ؟
شحقه شارينه !؟

والله جد اتكلم ! نرجع ع النوكيا وبتاعه يمكن اضمن يعني ؟؟


انتوا شرايكم بالموضوع ؟؟
شنو البرامج اللي صج فيها بوق او كشف مكان !!؟؟

والله صرت احاتي !!

وبتقولون لاتصورون اوكي مابنصور .. بس لاحد ينزل برنامج ملوت الصور ولعب بالصور وحركات صح ولالا
يعني احب عالم التصوير والفن ! شلون ؟؟

ابي نتشارك بهالموضوع .. واي وحده صار معاها اي تجربة وواثقة منها تقولنا

والله يستر علينا جميعا ...

:yaaaaaarb:


ثاني شغله

بغيت طلب للي يعرفون
الحين انا موعارفه انزل مثلا اغنية وادزها بالواتس اب شلون ؟ ولا مايصير ؟؟

الي تعرف يليت تفيدني ..

للعلم انا iphone 4s

وشكرا 0 اتمنى التفاعل .. والله يحفظنا

 

[Om eLkakawiya]

صباح الخير والصحه ^_^
تمام الحمدلله.. انتي شلونج : )

شوفي حبوبه حتى الاجانب ما يرضون الا بالخصوصيه بأجهزتهم و خاصه الفون فيه ارقام ناس مو بس شي خاص فينا احنا.

بس حبوبه اخذيها مني ...
كل البرامج اللي موجوده بالاب ستور كلها ضمني انها آمان .. لانه ابل حريصه على هالشي وماتنزل البرنامج الا بعد ما تشخله شخال لانها ماتبي تخرب سمعتها اكيد .. ومو بس ابل كل شركات الفونات .. و في مره احذفت برنامج من الاب ستور لانه مافيه خصوصيه ولما عدلوه ردته وشكثر احذفت برامج جذي واذا ماتعدل ماترده.
انا اتكلم عن اللي مو مسوين جلبريك .

اما انه يعرفون مكانج.. اقولج صح في برامج جذي .. يعني انتي لما تحطين برنامج تاكدي منه وسئلي وجذي .. ومحد يقدر يشوف مكانج الا من البرنامج اللي انتي حاطته وفيه تحديد موقع و اهما حاطين نفس البرنامج.. طبعا اغلب البرامج انتي تحددين تبين تفتحين تحديد موقعج ولا لا .. وفي برامج ناادره واحد ولا اثنين اهما شغلتهم بس تحديد موقع .

بعدين حبيبتي ترا في ناس بس بتخرب سمعة الشركات .. اعطيج مثال
الحين لما طلعو اشاعه انه في رقابه ع الواتس اب وحطو فيديو .. انا كلش مادشت بالي .. تخيلي جم واحد قاعد يسولف بالواتس اب بالكويت ومنو اللي براقبونه ومنو اللي بخلونه وشبلحقون عليه !!!...
هذي ماصارت عند الاجانب بتصير عندنا .. خل يعدلون شبكاتنا عشان يسوون جذي .. والفيديو اللي شفته عنه امبين انه الفون اللي شاف كتابته مسوين بينهم مزامنه او معرفينهم على بعض يعني مو مني والدرب .. بس بخرعون الناس عشان ما تتحجى بالسياسه خاصه الفتره اللي قبل الانتخابات.

وصوري ولا يهمج ههه .. بس مو تصورين نفسج وجذي بس للحرص يعني لا غير .. انا ولا فون صورت فيه واذا صورت ما اقط الجهاز ابد حتى لو اخترب .

الجلبريك اهو اللي خطر.. وخاصه في هكرز ينزلون برامج عندهم فيها اختراق للجهاز.. حيل اخاف من الجلبريك مع انه ميزاته عجيبه .

و والله لو في شك انه الايفون مافي خصوصيه انا اول وحده اقطه ^_*

هذا كلامي عن تجارب واخبار وخبره بسيطه إنْ شآء الله الكل ياخذ بكلامي.

وسوري ع القرقه .. وتمتعو بالايفون ؛ )

 

[Om eLkakawiya]

وي نسيت لا ارد على طلبج هههه

شسمونه .. دشي صفحه ثمانيه بالكاتلوج
http://www.q8yat.com/t810369.html

هذي طريقه تاخذين من اليوتيوب ...

 

[amert zmany]

وااااااي فديتج والله كلامج يرييييييييح
انا شوفي من زمان خاطري فيه من الاجيال اللي قبل بس كنت للحين متخوفه
بس لمن قلت شنو الحين الدنيا كلها ايفون وهالطقه بقعت علي يعني خخخ

ولا الحين الناس اذا فونج غير تطالعج بنظره انه انتي بييييه قديمه !! ههههه حتى لو كان فونج اخر اصدار من نوع ثاني !
المهم ماعلينا هذي حرية شخصية

خذيته والله حبيته ومن اول كنت استخدم مال امي بالالعاب والبرامج
بس والله كلامج بالنسبة للامان انه ابل حريصة ع هالشي وايد ريحني الحمدلله

اما الاماكن لا انا اساسا صح لاحظت لمن انزل جم برنامج يقولي عن تحديد الموقع اسويله الغاء

بس محيرني مال الطقس مو مبطل عادي ؟؟

لانه اساسا مسكره تحديد الموقع انا وهذا وياه خخخ

واي انا بعد مو ناويه ع الجل بريك ولاطقته اقط فلس وفلسين احسن واظمن الحمدلله

فديتج والله انتي وقرقتج ماقصرتي :**

ومشكورة عالراببط :$

 

[amert zmany]

شاركونا بنات شدعوه :$

 

[Om eLkakawiya]

الحمدلله انج ارتحتي هههه

ايه والله الناس كلها ايفونات .. و انا صراحه كلش ما احب اخذ اي جهاز .. ابي شي يدش مخي لو كان شنو .. عاد كنت بشتري بلاك بيري بس انصحوني اجرب الايفون قالولي يصلحلج وجربته وعشقته : *

حبوبه عادي فتي مال تحديد المواقع وفتحي بس اللي تبينه وسكري اللي ما تبينه .. لانه في برامج لازم تحدد موقعج عشان تشتغل بس اهي تحدد موقعج مو احد ثاني .. يعني بس البرنامج نفسه وما يعرضه على احد .. مثل برنامج عندي اسمه دروب بوكس انا حاطته بالايفون واللاب ولازم افتح تحديد موقع عشان يقدر يدزلي الملفات اللي حطيتهم فيه من اللاب .

يعني تحديد الموقع مو انه يشوفون الناس موقعج .. لا .. عشان يشتغل البرنامج ع اللي تبينه .

في العاب تحدد مواقع وهذي احس مالها داعي .. بس اذا كانت اون لاين .

ايه زين تسوين لا تروحين صوب الجلبريك .. كا الحين ابل حيل مشدده من ناحيته .. و ان شا ءالله يطورون الايفون بالاصدارات الثانيه .

العفو حبيبتي .. حاضرين ^_^

 

[amert zmany]

عيل انا من الاساس ماكان فبالي بلاك بيري كلش مافكرت فيه حده ماحبيته خخخخ
حبيت الايفون لانه متعوده على التش من قبل بجهازي الاولاني

اهاا !! زين قلتيلي خخخ حسيت روحي مفهيه وجني مخشوشه تحت طاوله هههههههه

ياربي مادري ليش معني ما اسوي غلط وماخذه حذري بس همن احاتي يمكن لاني يديدة خخخخ

واي فديتج والله وايد حبيييييييتج ;*****

 

[قَلبيْ صُويبكْ !]

،





بَ العكس برامج أبل آمنه خصوصا سوالف الفوتو والتصوير
ماحببني فيه الا هو ،

وبَ خصوص الجيلبرك شكثر متخوفين منه
بس ماشوف له مضار

اللي تستخدمه صح ماراح يضر الجهاز
وبَ الاساس سالفة الاختراق صعبه الواحد يوصل له

من هالناحيه تطمني

 

[amert zmany]

قلبي صويبك

مشكووووره على مشاركتج

بالنسبة لبرامج الفوتو سكتي ووخري عني انا مينوونة هالبرامج �������� هههه

بالنسبة للجيلبريك لا اساسا انا شايلته من بالي
وعدل الكل لو يستخدم صح ومايخووره بيكون بامان

بس ماننسى انه همن في ناس فيها حب التعبث وممكن تغلبنا بهالاشياء

والله يحفظنا ويبعد عنا كل شر بكل مكان ياارب ��