تعالوا قولولي شالحل مع أم زوجي

[*mint*]

مساءالخير

حبيت ا ستشيركم شنو افضل طريقة اتعامل فيها مع خالتي أم زوجي صارلها مدة شايشة علي مني و الدرب

انا مستغربة منها مع ان و الله و بالله ما بدرمني اي شي دايما بحالي و احشمها و اجاملها على حساب راحتي و دوم اخاف الله فيها

اقول يابنية ترى الدنيا دوارة لابد بيوم بنحط مكانها و بصير خالة بس و الله احس اني بديت انغث احيانا افكر اني بعد ما ازورهم بس

ماحب اصير من بد جناتهم قاطعة

شنو الحل ياربي

 

[بسكاتي اذلهم]

رد : تعالوا قولولي شالحل مع أم زوجي

امكن احد قايل عنك شي انا ام زوجي كانت طيبه من بعد بنتها تتطلقت تغيرت وعرفت انها تحرشها علي بس تعبت وانا اجامل وكل مااجي عندهم يدقوني بالهرح بس قمت ازورهم مره بالشهر تعبت وانا اجامل عاى احساب نفسيتي بس ماقول غير حسبي الله ونعم الوكيل

 

[◇◇◆»RyoOoma]

رد : تعالوا قولولي شالحل مع أم زوجي

حبيبتي وايد ناس جذي ماعليه انتي صبري

جامليه اكثر حبيبيها فيج اتنقصيلها شي ساحليها

 

[◇◇◆»RyoOoma]

رد : تعالوا قولولي شالحل مع أم زوجي

جاملييييها *

 

[انا مو هني]

رد : تعالوا قولولي شالحل مع أم زوجي

عادي مو لازم اتحبج وجبيها ولاتطولين قعدي اشويا وطلعي

 

[نور زوجها]

مرحبا أختي

نصيحتي لج لو تقدرين كلميها وشوفي شاللي مغيرها عليج يمكن حد موصل لها شي ويا كثر اللي يحبون ينقلون الكلام :jumpon:

دعواتج​

 

[غير كل الناس]

الله يجزاج خير

جاملي علشان ابو العيال والطيب اخير من الردي وانا اختج

 

[كرز حالي.]

رد : تعالوا قولولي شالحل مع أم زوجي

يمكن اهي غيوره على ولدها وايد
يعني حاولي جدامها لاتطالعينه وايد وتبوسمين وتضحكين علشان ماتحس بالغيره
وبداركم كيفكم سوو اللي تبون
وهم بكل مناسبه اذكريها بهديه حلوه
ومهما تقول اذا ضايقتج سكتي وامشي عنها مهما كان هذي مره كبيره واحنا ماجربنا شعورها ومانعرف راح نسوي نفسها ولا لا
والله يوفقج حبيبتي

 

[فوفو22]

رايي دايما في الحيره من الطرف الثاني

هو المصارحه

مافيها شي لو قلتي لها

خالتي عسى ماشر اشوفج مضايقه هاليومين

او

خالتي عسى مو متضايقة مني اشوفج هالايام متغيره شوي


او

خالتي يا بعد عمري اذا احد مضايقج بالبيت او بره قولي لي فضفضي

مليوووووووووووون طريقة

الذكية تطلع الضيقة من الطرف الثاني

بس اخذي نفس عميق واسترخي وتوكلي على الله

وباشري المصارحه

فوفو

 

[ولــــيـــنـــا]

رد : رد: تعالوا قولولي شالحل مع أم زوجي

رايي دايما في الحيره من الطرف الثاني

هو المصارحه

مافيها شي لو قلتي لها

خالتي عسى ماشر اشوفج مضايقه هاليومين

او

خالتي عسى مو متضايقة مني اشوفج هالايام متغيره شوي


او

خالتي يا بعد عمري اذا احد مضايقج بالبيت او بره قولي لي فضفضي

مليوووووووووووون طريقة

الذكية تطلع الضيقة من الطرف الثاني

بس اخذي نفس عميق واسترخي وتوكلي على الله

وباشري المصارحه

فوفو

أأيد كلامج

واحتسبي الاجر اختي ربي يوفقج

 

[لوازم العائلة]

رد : تعالوا قولولي شالحل مع أم زوجي

الله يهديها لج

 

[بدوره 22]

رايي من راي فوفو

 

[chanel N22]

الله يعين ارضاء الناس غايه لاتدرك
بس ماعليه خالتج ام ريلج تستاهل سأليها عسى ماشر
والله يهدي النفوس

 

[سيدة الذوق]

فوفو ماقصرت

 

[iLLuMinaTion]

يمكن تغار منج على ولدها بس دلعيها وسايسيها وشاوريها لو بالجذب بالاشياء السطحيه