تعالوا قولولي انتوا بعد عيالكم جذييي؟؟:((

[cheese cake 84]

بدخل سييييييييييده بالموضووع لان راسي بينفجر انا عندي ياهلين الكبيره 4 سنين والصغير سنه بس تعبااااااااانه من صيييحتهم يقوومون الصبح الساعه 8 لان بنتي متعوده تنام مبجر وتقعد مبجر حق المدرسه بس هالقعده تكون بالعطله تقعد 8 ولدي وياها وهاااات صيييييحه ولوووويه وصرااااح وحنننننننننننه خلصنا من الريووووق يا وقت الغدااا ونفسس الموااال والعصررر ااااااه من العصررر ركضه وحوسه وصراخ:lololoe::RoadRunner: اسمالله عليهم الله يحفظهم والله ان عيوني بس تتلاقط وخري عن المطبخ لاتركضين لا اطيحين وااااي وتقعد اسئله ماما ليش جذي وشحقه جذي والله ان من تصير الساعه 6 راااسي بينفجر خلاااااص صييييحه ولووويه والله ان اعشيييهم و8 نايمين بس انا حزتها هلكاااااااااااااااااااااااااااااانه راااسي بينفجر منهم يمكن لان من صغري تعودت عالهدوووء بيت اهلي:bbbiu: استغفر الله مرات اقول لو عندي 5 شسوي وياهم :eh_s(10): اسمالله عليهم الله يحفظهم ويخليهم لي بس انتوا بعد عيالكم جذي طول اليوم

 

[ام نشامى]

شرايك حبيبتي مايكبر راس الا يشيب راس للحين ماشفتي شي
حاولي تشتري لهم العاب تركيبات - كراسة والوان واشتري لهم الخيمة الي فيها كور
والطفل كلما صرختي عليه كلما زاد بلقافته حاولي تصيرين طبيعية عشان ابو سنه مايمسك
درب اخته باللقافه حطيلهم قنوات طيور الجنة وكراميش مناسبه حق اعمارهم واخيراا
مافي مثل الدعاء بسجود ان الله يصلحهم ومااااتشوفون شر

 

[مرايــــــــم]

خليهــم يطالعـون التلفزيـون
واشتريلهـم العــاب حاولــي تلهينهـم باي شي


انـا بناتـي هابين بطيـور الجنـه

 

[بدوره الموره]

اسم الله عليهم يا رب ويخليهم لج
ربي يحفظهم
عادي حبوبه كل اليهال جذي يعني طاقه ولعب
مثل حالتج الله يخلي لي عيالي يا رب اسم الله عليهم عندي اربعه الله يحفضهم ويخليهم
الكبير 4 سنين وتوم بعد ما كملو 3 سنين وعندي بنوته 5 شهور الله يحفظهم
تدري صبيان وعلى روس بعض وشوفوي الشطااااااااااااااااااانه اسم الله عليهم طقني واطقك
وانا بس سهر بالليل مع الصغيرة اسم الله عليهم وماكو نوم والصبح هيلة اليهال
مع اني اسوي لهم برنامج الصبح بعد الريوق لعب .. بس وين اللعب يقلب طق وبجي وصراخ
وبعد الغدا بالحوش سكوترات
والمغرب طلعه
والله الحمدالله هذي النعمه من الله نحمدالله ونشكرة عليها
ولازم الام يكون سدرها وسيع طبعا بمساعده الابوو>>>>>>>>>> اي هين لوووول
الله يخلي عيالج لج وربي يخليج لهم يا رب

 

[*ماي الورد*]

رد : تعالوا قولولي انتوا بعد عيالكم جذييي؟؟(

حالتج جدا عادية

اهم شي انج تقفلين المطبخ و تحطين حماية على الدرايش و تشيلين عنهم الاشياء الخطرة

و الله يهدي عيالنا

 

[دانة بعين بحاري]

رد : تعالوا قولولي انتوا بعد عيالكم جذييي؟؟(

ماشالله ربي يخليهم لج عادي الكل جذي الياهل صيحه وحنه ماتقدرين عليهم
انا عندي ولد واحد بس بسم الله عليه مينني
الله يهديهم

 

[ام نيوفي]

عندج و عندنا خير انا الحين نفاس بس شوفي الازعاج بنتي 4 سنوات و ولدي 2 و نص بس شوفي الازعاج في البيت جاتهم فتره عالطول كراميش و طيور الجنه و براعم الحين لا اظاهر زهقوا من هالقنوات بس صج نفاسي هالمره تعب و ازعاج ما اصدق على الله متى ينامون عشان ارتاح
واالله يهدي لنا عيالنا و يبرون فينا لكبرنا

 

[مواصله]

رد : تعالوا قولولي انتوا بعد عيالكم جذييي؟؟(

انا اللي عندي توم وجيري الله يحفظهم هلكوني

 

[ام^تبوله]

اي حبيبتي تشيز كيك أنا بنتي نفس بنتج ماشاءالله عيهم حنه ورنه وأسئله تبطط الراس بس أنا بنتي 3 سنين وانا ماخذه أمومه لان ولدي صغير بعده 4 أشهر فصج ماتقعد من الصبح لان أنا معاها نسهر على التلفزيون بس ماتنام مبجر جربت معاها كل شي ألعاب دفاتر تلوين ماشاءالله عليها فيها طاقه زايده مرات أوديها بيت عمي (يدها) عشان تلعب مع عيال عمها بالحوش عشان اطلع كل طاقتها وترد البيت ادوخ وتنام علطول وقبل لما كنت حامل كنت أوديها العاب ماكدونالدز وليتل سيزرز السره بس عشان اطلع طاقتها بس الحين الوضع مايساعد الجو واااااااااايد بارد بس لما يدفى انشاءالله برد أسوي جذي شنسوي بعد بس ندعيلهم بالهدايه والله يحفظهم لنا وبيني وبينج مثل ما أذينا أمهاتنا الحين الدور على عيالنا يأذونا

 

[love love]

اسم الله علييهم

عااااااادي كلنا جذيه

بس قسمي وقتهم يعني وقت تلفزيون ووقت نشاط مثل رسم وقص ولزق وغير العاب وغير العاب حركيه
ودا ينامون امبجر خل يطلعون طاقتهم عادي

 

[cheese cake 84]

عيل الظاااهر كل الامهات جذي:/ والابو عالراحه ايي يلاقيهم نايمين ومتعشييين اييييييييييه هذي ضريبه الامومه

 

[n-h-m]

الله يعين بس

 

[رضاهم جنه]

بنتج اشتري لها سبوره وكراسات والوان وراح تندمج مع هالاشياء وبهالعمر اسئلتهم واجد وحركتهم والله يخليهم لج يارب

 

[أوكسجين]

قلتيها هاذي ضريبة الامومه

 

[ام اغلى الناس]

كل الجهال جذي
انا واحد وادوخ من كثر ما الاحقه
اول شي حطي ادوات الحمايه على البيبان و الكبات من سنتر بوينت
اشتري الخيمه الكبيره اللي فيها 100 كوره صغيره : تعتبر حباسه
طلعيهم يطلعون طاقة بالركض و اللعب

 

[لومية]

انا عندي وااحد وصغير ومن الحين احاتي شلون بييب يهال
اسم الله عليهم الله يخليهم ماااتوقعت ان الامومة صعب جذي

 

[أحلى الألماس]

كللللللللللل الجهال جذي والله يعينا على تربيتهم
ازعاج وحنه وماتصير الساعه تسع بالليل الا واهم
هلكانين ويجي ابو الشباب يلقى الوضع مستتب
ويبي بعد عياااااااااال

 

[مسك وطيب]

رد : تعالوا قولولي انتوا بعد عيالكم جذييي؟؟(

الله يهديهم ويخليهم لنا ,,, ويرزق كل محرومه ياررب ,,
البنات امرهم هيييين يحبون التلوين وسوالف القص واللزق ..
بس الصبيان حاله خاصه ما اتوقع يفيد معاهم التلوين يبيلهم ملعب كره قدم والا قواري وبلي ستيشن يالله يطخووون

 

[أميرة طفولتي]

رد : تعالوا قولولي انتوا بعد عيالكم جذييي؟؟(

مشالله عليهم الله يخليلج اياهم
اغلب اليهال بهالعمر ماشالله عليهم جذي كلهم طاقه وحيويه ويبون يتحركون ويلعبون
الله يعينج بس حاولي مثلا تعرفين شنو يحبون اذا العاب معينه اشتريلهم خل يلهون فيها اذا يحبون الالوان والتلوين
اشتري رول كبير ورق ولصقيه على الطوفه خلي الطوفه كلها تتغطى وفرشي على الارض نايلون واشتريلهم كذا نوع من الالوان شينيه خشبيه
مائيه اغلب اليهال يموتون على المائيه وخليهم يرسمون على الطوفه بتشوفينهم بيلهون ومره سويلهم مسابقه انتي رسمي وخليهم يلونون الرسمه
وقوليلها اذا لوني وانتي ساكته وهاديه راح تاخذين جائزه واخوها الصغير بشوفها ساكته وتلعب بيسكت ويهدا واهوا بعد يلون
انشالله تكون فكرره ناجحه

 

[Om Hessa]

كلهم جذيه صحيح احنا نتحلطم ونتافف منهم ومرات نطق بس صج حلاتهم بصيحتهم لاشفناهم ساكتين استغربنا ولما يتكلمون ويحنون ويسالون مالنا خلق لهم ربي لايحرمنا منهم غصب نتحملهم مو طيب غريزة من داخل تخليج تحملين سبحان الله الجنه تحت اقدام الامهات مو من شي هين حمال 9 شهور وتربيه وسهر ومناحاة كل هذا يبي مجهود وقوه وصبر ممزوج بحب وحنان ودفا <<<<<<<<<روووووووووووح ياللباقه


ربي يرزق كل محرومه ياااااااااااااااارب