تعالوا شوفي اول ايام العيد عندي

[ام زهقانه]

السلام عليكم ورحمة الله وبركاته
عيدكم مبارك
عساكم من عواده
تالوا شوفي شنو صار فيني
في اول ايام العيد
الفطر
وحكموا
اقسم بالله الي اقول صج
علشان لاتقولون جذابه
الاخ زوجي سب وتلعن اذا فاته الصلاة العيد
ياولك مني
طبعا اهو المتخره مو انا كان يسبح
وانا مانمت سهرانه
قاعده اقول ترا انت راح تتاخر


هذا الموقف الثاني
عمي عطا مرت حماي العيديه وانا لا
بتقولون اشلون عرفتي ربي اكشفهم امام عيني عمي ما يدري اني عرفت

وضاق خلقي حيل اليش جذي الحمد الله حتي انا ثاني وحدهه معايدته
ليش يسوي تفرقه بينا
الصراحه حيل حز بخاطري
الموقف الثالث
جت ناس انفوسهم بخشموهم والحمد الله والشكر اشفيهم الناس
كلش تقولون بايقه حلالهم
ضاقخلقي حيل بالعيد
اشفيهم علي

الصراحه ابي ارائكم يا كويتيات الان عندكم خبره وحكم لمستها فيكم
تكفون قول لي اذا انا غلطانه
ما راح ازعل راح اقبل كلامكم
اختكم بالله ام زهقانه

 

[ام الحلوه والمزيون]

والله من وجه نظري طنش تعش من طاب لنفسها ومن تردا عليها

 

[غداً القاك]

عادي طنشي
واذا ماعطاك عيديه الحمد لله اهم شي قايمه بواجبك وسويتي الحق وعايدتيه
اما السب والهواش عادي هذا بكل مناسبه ههههه تعودنا
خلي روحك رياضيه والا بتتعبين

 

[حبي لله اشد]

حبيبتي انتي شدراج عمج معطيها عيديه ؟

 

[موج-البحر]

الله يعينج اختي

بالنسبة لعمج اذا تقدرين تكلمينه على جنب كلميه وفهميه ان غلط اللي سواه وان انتي

مو ناطرة عيديته

الناس اللي زاروكم مممم على قولة البنات طنش تعش

وريلج مادري والله اذا الكلام ينفع معاه تكلمي واذا ماينفع حقريه علشان يحس بغلطته​

 

[حدى عنيده]

انا ردي نفس رد الاخت ( غدا اللقاك)

 

[كويتيه فرنسيه]

بالنسبه لعمك اكيد اهي تتقرب منه حماتج يعني بالهدايا والاكلات الطيبه والسنع ترا الشياب يحبون جذي

انتي بعد روحي اشتري له هديه ودايم واصليه وشوفي المردود بالعيد الجاي اذا صار خوش عم وعايدج فمعناها يبين بعينه الطيب واذا لا خلاص الشكوى لله خلي علاقتج سطحيه يعني سلام واخباركم وبس


ترا وايد حريم علاقتهم بالحموله سطحيه ويبعدون عن المشاكل وعوار الراس ويمكن تكون مرت حماج بعيده مو من جماعتهم وانتي قريبه ودايم البعيد له معزه

بالنسبه للناس الي يجون ونفسيات ماعليج منهم طااف اكشخي واستانسي واضحكي وعيدي وحريهم هالنوعيات كلنا نعاني منها

واهم شي زوجج وعيالج ماعليج من احد

 

[سكوتي بذوقي]

طنشي اختي

ولاتحطين بخاطرك انتي سويتي الواجب لأنك بنت أصول وراعية واجب

لاتنتظرين منهم شي

موفقه يارب

 

[شباصـه فرنسيــه]

طنشــي لانك رااااح تعبيييييين نفسك على الفااااضي
دااايم تصيـر هالمواقف بس وش نسوي الله يعين

 

[نعومه حدي]

لا تهتمين وايد راح تتعبين
عطاها عيديه ولا ماعطاها عادي المهم سوي للي عليج وعايديه
ثاني شي اللي منفسين حقريهم ولاتعطينهم ويه مايبيلها شي
اما زوجج فكلميه بانفراد وقوليله ياولد الحلال الكلمة الطيبه صدقه واترك عنك الكلام اللي يغث هذا
الوجدة بالعيد تنطر من يعايدها يقولها الكلمة الحلوة
ولا تدققين وايد علي فلان وفلانة لانج م راح تستفيدين شي
خلي روحج رياضيه واخذي لامور سهالااتت

 

[a7la-elbanat]

لاتنطرين شي من احد وقولي الحمدلله
وعادي قطي ورا ظهرج الانسان يبتلى بما يحب وشوفي انتي قاعده تبتلين بمن حولج
فقولي الحمدلله وهذي امور دنيا مالها اهميه