تعالوا شوفوا شنو يصير بالمساج

[العبيدان tenuta]

السلام عليكم ويسعدلي ايامكم انشالله
باختصار هل يعقل وحده تدخل زوجها مساج الخاص للحريم علشان يتطمن علي سلامه المكان علشان خاطر عيون الست هانم وحضرت جنابه جاي بيدخل بكل همه جنه داخل ارض معركه جاي بشوف ويتفقد المكان وانتووووووا عارفين الوضع بالمساج وضع الحريم هناك :nocommint:
وهل يعقل وحده لما تروح المساج تمسك تلفون المحل وتهذر واشكرررررره تحاجي رفيجها وتتميلح وتتميع بالساعات مومعطيه اعتبار حق البنات اللي قاعدين بالرسبشن
وهل يعقل ان
وحده تجي المساج وتجيب ولدها عمره 3سنوات ماادري اربع وتتفصخ فقط بالملابس الداخليه وتضحك بصوووووووت عالي جنها هندرستم ايام عزها وتقول له لا تطالع لا تطالع :eh_s(3):

الحكم لكم انتوا صح ولا غلط
​

 

[عيش و مرق]

شنو هذه صج يعنى وله سامعه عنه

 

[كلي ثقه و سنع]

رد : تعالوا شوفوا شنو يصير بالمساج

للاسف عقليات بعض الناس مالها حل الا التطنيش

 

[أمـونة]

رد : تعالوا شوفوا شنو يصير بالمساج

اول مره اسمع بهالشي وين صار !

عاد انا طفارتي المره اللي تييب اعيالها - خصوصاً الأولاد - صالون نسائي بشكل عام

اللي كاشفه ريولها علشان الشيره او المنيكير واللي لاابسه تي شيرت علاق او حفر علشان صبغ ولا حمام زيت

واييج هذا بو 7 - 8 سنين ويخز فيج صج تلوووع جبدج انتي يا امه ماتستحين كيفج بس ترا في حريم مايرضون

انا مااروح لصالون او مساج الا بروحي حتى اخذ راحتي والموبايل موجود اطمن عاليهال في البيت


يسلمووو

 

[العبيدان tenuta]

رد : تعالوا شوفوا شنو يصير بالمساج

والله وقسما بالله ان صج وهذه المواقف انا اللي تعرضت لها بس كل موقف وله حسابه
الاول صاحبنا الجندي المغوار اللي دخل انا كنت اصلي العشا اصلا تدودهت ماادري شنو قلت بصلاتي استفرالله يوم خلصت واطير واروح مالحقت عليهم مسكت صاحبه المكان بربعه ورصيتها بس اهي المسكينه مالها ذنب الشرهه علي البهيمه اللي درعم انا اتفكر يعني لو زوجته داخل يرضي ريال يدخل

اما موقف الام مع ولدها ماعبرت اسكت طقيت الباب عليها وكلمتها قلت لها اختي حرام عليج ومايصير ولد صغير مدخلته معاج وانت باسوأ حالاتج علي بو صغير مايفهم تري اكو اشياء صارت لنا واحنا صغار للحين مانسيناها تري باجر محد يبتلش بتربيته الا انت ردت علي بعصبيه يجزاج خير يجزاج خير بس اهو مو قاعد يطالع انا معطيته تلفوني يلعب فيه ااااااااااااي شي وليش يايبته هالمكان
اما جولييت اللي نايمه علي التلفون الله يرحم حالها قعدت اخزها باي مدخل ادخل عليها واقول لها سكري التلفون بكل وقاحه عطتني ظهرها وقامت تكمل واهي مجابله الطوفه
يعني مثل هالشكوله اشلون تتصرفين :gr4uu:​

 

[سندبادة]

اذا خايف عليها حيل خله هو يسوي لها مساج بالبيت ماله داعي تروح وبجذي يتطمن اكثر !!!

 

[law love]

روحي مكان راقي ما تشوفين هالاشكال

و الريال الي دخل ما دخل الا انه شاك باللي يايبها

 

[hello1]

رد : تعالوا شوفوا شنو يصير بالمساج

ايه المغازل صار اشكره جدام الناس صج ما يستحون اخر شي الحبيب يقطها على صخر

 

[أمـونة]

رد : تعالوا شوفوا شنو يصير بالمساج

اقول خلف الله على هالاشكال

يعني رامبو مااستحى وهو داخل عالحريم !!

هالحريم اللي داخل مو حلايل رياييل غيره لهم هيبتهم وغيرتهم ولا بس هو صاحب الغيره

انا مكانج ادق تلفون على الشرطه واخليهم بالعجرات يطلعونه عديم الغيره ،، لأن هذي مو غيره


واللي مدخله ولدها معاها وهي مفصخه تلقين عادي تغير ملابسها بالبيت جدامه وايد ناس جذي الله يغفرلهم


والعاشقه اللي معطيتج ظهرها تسولف مع صاحبها هذي تكلمين صاحبة الصالون او المعهد تمنع الاتصالات الطويله باي شكل

يعني المدام مو حاطه تلفون بصالونها للمغازل ،، حاطته علشان رزقها علشان زباينها تمشي شغلها مو حق غراميات زباينها

ورايي تغيرين مكانج في اماكن انظف من جذي و مايدخلون اي احد الا بموعد



سامحيني بس والله احتريت من حرتج

 

[العبيدان tenuta]

رد : تعالوا شوفوا شنو يصير بالمساج

السموحه ياحبيبتي ولا تهقين اني اتشيحط والله اني اقط الفلوس اليهد علشان ابي احسن شي
وماارضي بالرخيص وخاصه حقي وحق جسمي بس شنو تسووووين بالناس الهمج
واذا علي الفلوس كل من عنده وكل مكان تشوفين الزين والشين
واذا علي اليهال اللي يودونهم هالاماكن لي طلعت قمت بس اتهاوش مع الاوادم

​

 

[روانتي 12]

رد : تعالوا شوفوا شنو يصير بالمساج

ناس ماتستحي,

 

[ScarletteO'Hara]

و هذا الريال لازم يخلي برنسيسته تسوي مساج؟؟
جبح ويه لاعت جبدي شكو داش يجيك المكان؟
الشرهة على مرته الي يابته معاها
جانه طلب منها هالطلب افضل لها انها تنثبر ببيتهم و لا تأذي الحريم
لو انا منج اشتكي عليه ماله حق يدش مكان مخصص للحريم

 

[كريستال]

رد : تعالوا شوفوا شنو يصير بالمساج

الله يهدي الجميع

 

[لهفة المشتاقه]

الله يهديها امه
عقلها صغير الولد يعرف كل شي

 

[سكريمزا]

رد : تعالوا شوفوا شنو يصير بالمساج

اللهم لا شماته شهلعقليييات!!!!!!!!!!!!

 

[monmon12]

حبيتي

صج لما يقولون ان لم تستح ففعل ما شئت

تدريين شنو غلطتي فيه؟؟

انج ما شخلتي الريسبشن لما دش هذا الريال

بكيف منو يدش والمكان حريم؟ والله وقح لأبعد درجه ما يستحي يعين ايهو حلال يدش يجيك على المكان


وهم حبيتي تكلمينهم تقوليهم شنو يعني صبي يدش المساج هذا واحنا حريم ندش قوليلهم انا ابي فلوسي كلها ترجعلي وراح أشتكي عليكم

عمري غلطانه ما تكلمين الادارة لازم ما تسكتين عن هالحريم

 

[احساس قباني]

رد : تعالوا شوفوا شنو يصير بالمساج

استغفر الله ...!

شي مو طبيعي...

 

[جوري الغرام]

رد : تعالوا شوفوا شنو يصير بالمساج

أستغفر الله شهالأشكال

 

[يـاسمينا]

رد : تعالوا شوفوا شنو يصير بالمساج

«الفتنة نائمة.. لعن الله من أيقظها»





اللي صج شايفتا بعيني وحداااااا ينرفز ,
تدخل وحدا ومعاها صبي عمرا 7 سنين ويقعد الياهل يخزز بالحريم
امبيييييييه جد جد اتنرفز بس شتقولين حق الاشكال اللي ماتفهم ..

موفقه ..

 

[.]

شهالسبا اللي بيدخلون ريال عادي..!!

قولي اسمه عشان مانروح له ..

اما باجي الموقف هذي حريته الشخصيه مو احنا اللي نربيهم :\