تعالوا شوفوا شنو سويت بجارتى قطعتها

[حدى عنيده]

السلام اشلونكم حبيباتى انا عندى مشكله انا اعتبر حليتها بس حلى كان صح او خطا انا عندى بيت بمدينة سعد العبدالله وقلت حق زوجى انا مابى اسكن فى البيت لانى انا ماعرف احد هناك ومرتاحه فى بيت حمولتى وشقتى كبيره الحمدالله المهم انا اجرت الشقتين اللى فوق حق عايله صغيره الشقه رقم (1) ناس ماسمع صوتهم الا وقت الاجار بس تعالول اخذو الاجار واللى يدق الزوج اما الشقه(2) ساكنه وحده مع زوجها وبنتها وهاذى المره اهى اللى تدق على زوجى عمرى ماسمعت زوجى قال ان زوجها دق انا قلت بينى وبين نفسي يمكن المره اهى شايله البيت وزوجها محملها المسئوليه اول الايام زوجى كان يقولى ان المؤجره (2) تدق علشان صيانه علشان التكييف علشان الاجار فجاه ماقام يجيبلى طارى ها يابوفلان فلانه ماتدق ماتبى شي يقولى لا قلت زين مره جا باليل وكنت ادق وكله خط ثانى المهم رد البيت سالته منو تكلم قالى كنت اكلم واحد من الربع طافلى المهم عمرى ماتعبثت بتلفونه مادرى شلى خلانى افتح تلفونه واروح للرسايل ولا الرسايل شنو حوار بينه بينها حوار كانهم يعرفون بعض من سنين اهنى انا عصبت دقيت عليها من تلفونه طبعا اهو نايم ردت هلا والله ابو فلان طبعا انا عطيتها ماعطاها جدى ماخليت كلمه ماقلته باختصار اهى اقعدت تبرر الموقف انا مابينى وبين زوجج شي انا وانا المهم خذيت رقم زوجها وسجلته عندى ، طبعا كان ودى اقعده من النوم واقطعه تعوذت من بليس والله ماشفت النوم هذيج الليله صار الصبح نطرت لين راح الدوام وعقبها خذيت سيارتى ورحت بيتى بالجهرا وطقيت الباب عليها وشرشحتها لين قاالت الله حق جان تقولى انت امرينى شنو تبين قتلها عندج نهاية الاسبوع وابيج تطلعين ولا والله ادق على زوجج جان تقولى خلاص عطينى مهمله اسبوعين واطلع المهم بنات اهى اطلعت وانا ماجبت طارى لزوجى حتى اهى ماجابت طارى له بس وانا اساله اقوله شخبار الماجرين يقولى الشقه (2) اطلعوا ومادرى بدون سبب مع انهم مرتاحين المهم يابنات انا افتكيت منها بس اتهقون بعدين تدق عليه او اهو يدق عليها يسال ليش طلعتى من الشقه وترد علاقتهم عفيه حطوا نفسكم مكانى هل انا غلطانه انى دقيت عليها ورحت بيتها انا مرتاحه نفسيتى احسن من قبل كنت حيل تعبانه لانى كنت افكر انها ماراح تطلع انا كلامى كله مومرتب مادرى شقول بس انا اللى سةيته صح مشكورين ياقلبى

 

[الاميره وبس]

الى سويتيه عيين العقل
بس ممكن احتمال بيعرف شنو الى خلاهم يطلعوون اكيييدد

 

[m&ms2]

ممممم رووحي دقي عليها بعد فتره
قوليلها جنج تدرين ليش داقه ومن هالحجي قوليلها رقم ريلج عندي صدقيني وبالله العظيم ترا اقوله
وادا خربتي بيتي لافضحج واعلمج شلون تخربين بيتي
الها المخفر يطلع برنت علا التلفونات وخلصت السالفه وثبت عليكم

 

[أسيرة إنسآن]

زييين تسويين والله يلووم االي يلوومج لو وحده مكاانج علقتهم من افااهم وفظحتهم بالفرييج
وبعدين اذا عرف ريلح انج مسويه جذي وكلمج صراحه يعني اعذريني راح يكون بقمه الوقاحه وقله الدب لان يكلم مره ثانيه ومتزوجه واهو متزوج يعني مو حاط اعتباار حق اي احد باايعها واذا اهو عارف انا غلطان ماراح يكلمج وراح ستحي ع ويها
الله يهدي سركم وانشالله ما تكرر
تحياتي

 

[حجيه هيونه]

والله ماتدرين عنها

يمكن اتفقوا من وراج وطلعت على اساس انتهى الموضوع بس تكون مستمره معاه


عموما الله يهديه لج ان شاء الله والله السالفه تحر بصراحه

 

[انوثة مراهقه]

احسن زيييين سويتي صج ما تستحي وهذا عندها زوج وياهل قطيعه !!!
ولا تنكر اتقول مابيني وبينه شي....سمله عليج يمه !!
اهو في احتمال يسألها ويقول لها ليش طلعتي بس انتي خلي رقم ريلها عندج...للضروره
عشان لي شفتي مسج منها ولا اتصال دقي وقولي لها خلاااص خراب بيتج على ايدي لانج مو كفو نعمه وانا انذرتج فقد اعذر من انذر
وفوق هذا رديتي له...خوفيها وهدديها..قولي لها تره مسجاتج عندي عاااااادي سهلات اروح حق ريلج واوري رقم المرسل!!عشان يقطج قطة الجلب
(بس انشالله انشالله ما يصير شي يديد)
والله يهدي زوجج ويبعده عنها

 

[DooLy88]

الحين هالمرة قليلة ادب وحاجت لها متزوج
وانتي ادبتيها

انزين .. زوجج ؟؟ ليش ماحاجيتيه ؟؟؟؟؟؟؟؟؟؟؟؟؟ والا الذنب بس عالمرة ؟؟؟ واهو عادي
كل مابيكلم وحده بتروحين تشرشحينها واهو اللي عليه يكلم وبس - لايتحاسب ولا يتعاقب !!

كفو عليج والله
اللي سويتيه خوش حل ويمكن غيرج مايسويه / لكن ماتدرين يمكن تحاجيه وتقول له السبب
انا اقول خبري زوجج وفهميه انج مفتحة وعارفة كل شي مو غبية وقاص عليج


انا جذي لو اني مكانج اخليه يعرف انه متزوج وماله شغل بأي مرة غير زوجته وكرامتي ماتسمح ان اخلي زوجي يحاجي فلانة وعلانة بدون لا احاسبه
عشان لايستحلي الفكرة ويكررها

 

[om deaj]

تصرفج سليم وعفية عليج

هذول الحريم ولا بلاش

 

[engnera]

انتي هدديها ادق على زوجج اذا قربتي يم زوجي

 

[بعثرة مشاعر]

اشهد انج ذيبة


وبعدين زوجج لاز تواجهينه وتحاسبينه على غلطته لان راح يكررها

 

[حلوه ولمآحه]

الحين هالمرة قليلة ادب وحاجت لها متزوج
وانتي ادبتيها

انزين .. زوجج ؟؟ ليش ماحاجيتيه ؟؟؟؟؟؟؟؟؟؟؟؟؟ والا الذنب بس عالمرة ؟؟؟ واهو عادي
كل مابيكلم وحده بتروحين تشرشحينها واهو اللي عليه يكلم وبس - لايتحاسب ولا يتعاقب !!

>>لازم تكلمينه ،،

كفو عليج والله
اللي سويتيه خوش حل ويمكن غيرج مايسويه / لكن ماتدرين يمكن تحاجيه وتقول له السبب
انا اقول خبري زوجج وفهميه انج مفتحة وعارفة كل شي مو غبية وقاص عليج


انا جذي لو اني مكانج اخليه يعرف انه متزوج وماله شغل بأي مرة غير زوجته وكرامتي ماتسمح ان اخلي زوجي يحاجي فلانة وعلانة بدون لا احاسبه
عشان لايستحلي الفكرة ويكررها

نفس الي ابي اقوووله

 

[^^المهره^^]

الحين هالمرة قليلة ادب وحاجت لها متزوج
وانتي ادبتيها

انزين .. زوجج ؟؟ ليش ماحاجيتيه ؟؟؟؟؟؟؟؟؟؟؟؟؟ والا الذنب بس عالمرة ؟؟؟ واهو عادي
كل مابيكلم وحده بتروحين تشرشحينها واهو اللي عليه يكلم وبس - لايتحاسب ولا يتعاقب !!

كفو عليج والله
اللي سويتيه خوش حل ويمكن غيرج مايسويه / لكن ماتدرين يمكن تحاجيه وتقول له السبب
انا اقول خبري زوجج وفهميه انج مفتحة وعارفة كل شي مو غبية وقاص عليج


انا جذي لو اني مكانج اخليه يعرف انه متزوج وماله شغل بأي مرة غير زوجته وكرامتي ماتسمح ان اخلي زوجي يحاجي فلانة وعلانة بدون لا احاسبه
عشان لايستحلي الفكرة ويكررها

لا حبيبتي اكبر غلط انها تبين حق ريلها انها درت
اول شي راح يبهذلها ليش ماسكه تلفونه و متعبثه
2 شي لو فعلا مابينهم شي راح تكبرها براسه وبياخذها مسألة تحدي لانها بينها وبين نفسها حاسه انها انتصرت عليها وان خلته يمشي على اللي اهيا تبيه و هالشعور يكرهها الريال يحب دايما يحس ان اهوا الي مسيطر واهوا اللي بيده كل شي مو ان المرا خططت علشان توصل حق نتيجه معينه معاه
اصلا اذكى الحريم اهما اللي يخلون راييلهم يسوولهم الي يبونه بطريق غير مباشر
بدون ماتوجله كلام مباشر او طلبات ماباشره
ادري انه شي متعب بس اهما الرياييل يحبون جذي شنسوي

حبيبتي صاحبة الموضوع
انتي يمكن تكونين تسرعتي
بس خوف المرا وقبولها انها تغير البيت بهالسهوله وبهالسرعه هذا اكبر دليل على خباثتها وسوء نيتها
فا انتي الحين خلاص سويتي اللي سويتيه
انسي الحين ولا توسوسين ماتوقع انها بتجرأ تسوي شي عقب مادرت انج بهالقوه وان عندج رقم زوجها
وبعدين ماتدرين يمكن ريلج ماله شغل وعلى نياته ويوم جذب عليج وقالج يكلم مادري منو عشان مايبيج تعصبين او يروح فكرج بعيد
بس من ناحيتها اهيا انا مو مرتاحتلها كلش
لان لو بريئه ليش تانتقل من البيت و تثبت التهمه عليها؟؟

 

[بنت عطا]

انا اقول واجهي رجلج ليش اهو من الاساس يراسلها؟؟؟؟؟

ماله عذر وانت معاج كل الحق

 

[غمآزهـ]

واجهــــــــــي ريلــــــــــــــــــج واهـــــــــــــي هدديهـــــــــــــــا بريلهـــــــــــا

ســــــــــآعتهاا بتخــــــــــــاف وتووخر عنه الخاينــــــــــــــــــــــــــه

 

[عقارية]

والزوج ما يتعاقب ؟

 

[أستر البنفسج]

بصرااااااحه عجبتيييييني وزين سويتي فيها الهيليقيه
ونصييييييييحه لاااااااتجيبين طااااااري عند زوجج ولاااااتدقييين عليييها
حااولي تشوووووفييين مؤجرين بسرعه علشان زوجج ينشغل بالمؤجرييين

 

[قلبي سلومي]

كفووووووووووووووووو والله

 

[قلبي ابيض]

لا حبيبتي اكبر غلط انها تبين حق ريلها انها درت
اول شي راح يبهذلها ليش ماسكه تلفونه و متعبثه
2 شي لو فعلا مابينهم شي راح تكبرها براسه وبياخذها مسألة تحدي لانها بينها وبين نفسها حاسه انها انتصرت عليها وان خلته يمشي على اللي اهيا تبيه و هالشعور يكرهها الريال يحب دايما يحس ان اهوا الي مسيطر واهوا اللي بيده كل شي مو ان المرا خططت علشان توصل حق نتيجه معينه معاه
اصلا اذكى الحريم اهما اللي يخلون راييلهم يسوولهم الي يبونه بطريق غير مباشر
بدون ماتوجله كلام مباشر او طلبات ماباشره
ادري انه شي متعب بس اهما الرياييل يحبون جذي شنسوي

حبيبتي صاحبة الموضوع
انتي يمكن تكونين تسرعتي
بس خوف المرا وقبولها انها تغير البيت بهالسهوله وبهالسرعه هذا اكبر دليل على خباثتها وسوء نيتها
فا انتي الحين خلاص سويتي اللي سويتيه
انسي الحين ولا توسوسين ماتوقع انها بتجرأ تسوي شي عقب مادرت انج بهالقوه وان عندج رقم زوجها
وبعدين ماتدرين يمكن ريلج ماله شغل وعلى نياته ويوم جذب عليج وقالج يكلم مادري منو عشان مايبيج تعصبين او يروح فكرج بعيد
بس من ناحيتها اهيا انا مو مرتاحتلها كلش
لان لو بريئه ليش تانتقل من البيت و تثبت التهمه عليها؟؟

يبهذلها ؟؟؟؟

ليش عشان سوالفه العوية ؟؟

غريبة والله تحاسب المرة وتخلي زوجها !!!!!!!!!!!؟؟؟؟؟؟؟؟؟؟

وبعدين بينهم مسجات مطيحين الميانه عدل معقولة ماقالت له عنج انج يتيها وزفيتيها ؟؟!!

اكيد قالت له واهو سكااااااتي عشان لاتواجهينه بالمسجات

 

[السهم الصويب]

والله شوفي
ليش ماكلمتيه اهوا
العيب منه اهوا شكو معطيها وجه
لو مو معطيها وجه جان ماتمادت
وبعدين وان راحت هذي شنو يعني ؟
في غيرها وبدالها
اذا اهوا جذيه خفيف
وشدراج ماتستمر العلاقة ؟

والصراحه انا ما اعرف اسوي جذيه واروح ازف واهواش
اصلا ما احب البعارة

احل المشكلة مع زوجي
وان ماكو فايده لكل حادث حديث

 

[q8_pearls]

زين سويتي

ولازم تكلمينه