تعالوا شوفوا تخطيطي لسفرة ماليزيا ساعدوني يالخبيرات

[قمورهـ]

السلام عليكم ورحمة الله وبركاته

لاول مره اسافر لماليزيا ( ماشاء الله )

راح تكون اول سفره لي مع زوجي

فابيها روحه حلوه عشان مايحرم يسافر معاي

طبعا اعتمد علي في كل شي حجز التذاكر والفنادق والتخطيط للرحله

سويت هالمخطط وقولولي شنو التعديلات اخذوا راحتكم لان محتاجه رايكم

يلا نبلش

اول شي

مدة السفره : 15 يوم

اول المدن اللي ابي اوصلها سلانجور عشان الصن واي لاقون وابي اسكن بهالفندق

بروح ماينز بنفس يوم الوصول بالليل طبعا اليوم الثاني بيكون ان شالله بالصن واي لاقون

بعدها ابي لانكاوي

بسكن بلنكاوي لاقون

بروح الاكواريا ( عالم تحت البحار )

بعدين التلفريك والمانغروف

ودي بعد اروح حديقه التماسيح والفواكه

بعدها بينانغ

بس ماححدت بالضبط الاماكن اللي بزورها فيها

اخر محطه راح تكون لكوالا

ابي فيها على الاقل 6 ايام

راح اسكن في الملينيوم لانه بشارع العرب

وابي اروح افاموسا

وجنتنغ

وباجي الايام بتسوق واتمشى


الخطوط الجويه:

لقيت عرض روعه عند طيران الخليج

روحه ورده لشخصين بـ 400 دينار شامل الضرايب

بس المشكله انه راح ننزل بمطار البحرين وانتوا عارفين الاحداث مايحتاج اشرح لول


الكويتيه تقريبا 500 دينار

وابي بنات اركب البراشوت اللي بالماي باي جزيره؟؟


شرايكم بمخطط رحلتي

بسرعه عطوني رايكم لاني بمشي بتاريخ 8 او 9

هل احتاج فيزا؟؟

وهل احول فلوسي من الكويت والا بماليزيا

وانا راح احجز الفنادق بالنت من موقع اسيا اير

هل يقبل الدفع عن فيزا الخير من التمويل ..

وبالنهايه ريلي يقول خل ناخذ قروب احسن انا قلت نو واي راح يحكرونه وماكو خصوصيه

قال خلاص نحجز بالسفريات تذاكر واقامه

بس السفريات تحدنا بمناطق معينه مو مثل ما انا ابي :bbbiu:

عطوني ارائكم بليز

للعلم انا اول مره اخطط واحجز لرحله

 

[قمورهـ]

سوري بنات الموقع اسيا ترافل مو اير

 

[حربيه وبس]

اول شي سفره موفقه حبيبتي
تخطيطج حلو
البارشوت تلاقينه ابينانغ وااااااااااااي يهبل يهبل
والفلوس حوليها من الكويت احسن لج بدال ماتروحين هناك وحوسة الصرافين ويقعدون يجذبون عليج
على الاقل هني تقدرين تفترين على الصرافين وتقارنين الااسعار
انا الصراحه حجزت التذاكر والفنادق كلها بنفسي الفنادق من موقع بوكنج
والتذكر من موقع القطريه نفسه
وماانصحج بالقروب صدقيني هني بماليزيا كل شي سهالات
مايحتاج قروب لا تخافين ماراح اضيعين هههههههه

على الفكره شوفي واسالي عن طيران القطريه الصراحه يهبل طبينا ترانزيت بدوحه وماطولنا يادوب من طياره لي طياره
عن نفسي انصحج فيه

واي شي تبينه اسالي يا قلبي
وموفقه

 

[قمورهـ]

ياهلا

حسيت اني خبره الصراحه عقب مدحج لووووووووووووووووول

بس شكلي راح الغي بينانغ مابي تكلفني وايد بخش للعيد

ماكو امل القى البراشوت بلنكاوي

انا يا اخذ بينانغ او لنكاوي

لان بخلي وحده منهم لسفرة ثانيه

 

[قمورهـ]

الفنادق اللي قررت

بسلانقور راح اسكن بالجولدن هورس

بلنكاوي ..لنكاوي لاقون

بكوالا الميلينيوم

وضروري اروح العاب جنتنغ محتاره اخليلها يوم او يومين

وافاموسا ودي اخليلها كذا يوم

يوم لاسفاري

ويوم للطائرات الشراعيه مع عروض الحيوانات

 

[قمورهـ]

اب

اب

 

[طبعي مزاجيه]

عجيبه خطتج عساج تتهنين يارب
انا ما سمحت لي الميزانيه اسكن بلنكاوي فقررت اخلي يوم لها اروح لها الصبح وارجع بالليل
انا خطتي سلانجور-بينانج-كوالالمبور
بس وانا بكوالالمبور راح اخلي يوم حق لنكاوي ويوم حق جنتج ويوم بروح الافاموسا
وبجذي اكون فريت ماليزيا كلها ههههههههههههه
موفقه حياتي

 

[حربيه وبس]

البراشوت انا سمعت الصراحه انه هم فيه بلنكاوي بس ماقدر ااكد لج
والجنتنغ كافي عليها يوم واحد لانج باليوم هذا بتكونين فارتها كلها
والافاموسا مثلا يومين بس عشان تستغلين الايام الباجيه بامكان اكثر

 

[قمورهـ]

عجيبه خطتج عساج تتهنين يارب
انا ما سمحت لي الميزانيه اسكن بلنكاوي فقررت اخلي يوم لها اروح لها الصبح وارجع بالليل
انا خطتي سلانجور-بينانج-كوالالمبور
بس وانا بكوالالمبور راح اخلي يوم حق لنكاوي ويوم حق جنتج ويوم بروح الافاموسا
وبجذي اكون فريت ماليزيا كلها ههههههههههههه
موفقه حياتي

وياج حبيبتي ماقصرتي

تصدقين اول ماقررت اروح لماليزيا افتر راسي ماعرفت شي حسيت اني ضايعه

بس في موقعين فادوني الله يوفق اللي فيهم دنيا واخره

موقع سفاري وموقع العرب المسافرون

وسفاري فادني اكثر ليش

واحد اسمه النهدي حط كل جزيره وشنو الاماكن اللي تستحق تزورينها فيها

عاد انا حددت الجزيره والاماكن بس

يعني سهلها علي الله يوفقه

بس انصحج بلنكاوي فيها اشياء احلى من بينانج انا لغيت بينانغ

 

[قمورهـ]

ودامج تبين تروحين منتزه صن واي لاتنسين المظله لان ممكن يطق مطر وتخترب عليج الروحه

انا بخلي المظله بايدي دايما