تعالوا سمعوا قصتي

[كويتيه مزاجيه]

​

حبيباتي
شلونكم​

ابي اقولكم قصتي​

انا وحده حيل تعبانه من اهل زوجي بختصار​

اول ما تزوجت كنت ابي احمل من بدايه بس ما صار
و كل ما اقول ابي احمل الكل ينط بويهي من اهل زوجي توناس نطري سنه
ليش
تبون تعرفون ليش
( لانه بناتهم مايحملون بسرعه وحده بعد سنه بعدها ورا بعض يبتهم
و الثانيه ما حملت صارلها 7 سنين و الثالثه تزوجت وتمت 9 اشهر وطلقت و ما حملت وبنتها الرابعه حملت بنفس يوم دخلتها شهر نفسه مايت الدوره وكانت تحن عليها حملي حملي من اول يوم) طبعا هاذا بعد ما انا ولدت
وخالتي تقول انا بناتي مو مثل الناس اللي تحمل من نفس السنه​

وانا تقولي توناس​

المهم
رحت الطبيب اشوف قالت ما فيج شي و كل شي سليم
طبعن هاذا بعد زواجي 3 اشهر قلت خلاص بخليها ع الله ما ابي افكر فيها
و ما شالله بعد ها بشعرين حملت يعني حمل بعد زواج 5 اشهر
انا دريت من الشهر الاول اني حامل صارلي 3 اسابيع
وانا بطبيب دقيت ع خالتي قلتلها و قلت لاتقولين حق احد لما يثبت اللي بطني
والله والله رديت البيت ولا خالات ريلي مبروك و يبوسوني
زوجي بغشمره قال اي اسرع ما انتشر الخبر عندنا كونه طبعا عن امه خالتي اضحكت
و خالاته اقلبوا ادني و تهاوشوا معاه ليش و شنو يعني
من جذي يعني يافرحه ما تمت
وصار كل ما يشوفوني يصير فيني شي واروح المستشفي ونفستي
اكس
والحمدالله ولاده طبيعيه
بعد الاربعين
ضعفت وكل شي فيني اوكي
صارت يمعه عندهم و رحت ويليتني ما رحت
من يومها وزني يزيد بروحه كليت ولاما كليت
و دورتي وقفت شهرين ما ادري شنو صار فيني
رحت الطبيب طبعا مو حامل سوتلي يمكن 3 تحاليل مو حامل
تقولي العنق سميك بس عادي
عطتني احبوب و قبل لا اسوي تحاليل حمل
حبوب primolut-nor عشان اتنزل الدوره
و انزلت بس شهر اللي ورا تاخرت مو مضبوطه واللي ورا عدل و اللي بعده بعد​

و الحين اوقفت مرا ثانيه صارلها 5 اسبيع و داشه السادس
ما رحت الطبيب قاعده اكل الحبوب اللي عطتني ياهم و اسوي نفس برنامج الحبوب
يقولون الحبوب اذا حامل يثبتها و اذا مو حامل ينزل الدوره
فانتوا شرايكم​

معا العلم صارلي تقريبن 5 اشهر ابي احمل مو قادره
ولما قلت حق خالتي
تقولي ليش توناس ولدج ما كبر اصغير
وانا ولديعمره سنه و نص
وبنتها توها ولده صارلها 3 اشهر تحن عليها حملي شنو تنطرين
الحمدالله
المهم
بنات
هاذا سالفت يالعين كلتني
شنو اسوي الحين انا سويت تحليل بالبيت مو حامل
وللحين مايتلي الدوره الحبوب خمس ايم و تنزل الدوره والحين اليوم الرابع
اروح احلل ولا انطر
نفسيتي اكس حيل تعبانه ومالي خلق ريلي
و احس بعوار برحمي و بطني تحكني و ابي اكل
شنو يعني
:eh_s(2):​

 

[الطــــرفاوي]

الله يعينك بس صبررررر حلوووووو

 

[كويتيه مزاجيه]

الله يعينك بس صبررررر حلوووووو

والله تعبت

 

[مطيرية متواضعة]

اختي اذا انتي الحين مو حامل

ومبرووك ماجاج

اكلي القسط الهندي البني

مدة اسبوعين قبل الاكل بنصف ساعة

وبيروح عوار الرحم باذن الله وبتنزل الدورة منتظمة وبعدها بتحملين يارب

واذا شاكة انة خالتج حسوودة اخذي من اثرها

ملابس داخلية متة ومنو يغسلها اخذيهم ونقعيهم بسطل ماي

دقيقة وطلعيهم ورديهم مكانهم

تجيبين هالسطل وتقرين علية الفاتحة 7 مرات بتأني والمعوذتين والاخلاص 3 مرات

واية الكرسي واول 5ايات من سورة البقرة واخر ايتين من نفس السورة

وكل ماتخلصين انفثي بالسطل الي فية ماي واثر عمتج

وتسبحي فية واستنشقي منة خفيف بالخشم وتمضمضي لو تبلعين شي بسيط عادي
​

 

[كويتيه مزاجيه]

يعطيج العافيه

 

[Q8_QT]

والله مادري شقولج الله يرزقج الذرية بأقرب وقت كثري من الاستغفار وارقي نفسج والله كريم

 

[عطر الدوحه]

الله يعينج


ولازم تحللين

 

[bint_looda]

ارقي نفسج واقري سوره البقره وان شالله ماكو الا العافيه

 

[قاهره عذالي]

حبيبتي نظمي دورتج بحببوب
اخذي منظم الدوره من عيادة النساء بمستوصف منطقتكم
او من الصيدليه وابدي فيه من تنزل الدوره بخامس يوم فيها تاكلين اول حبه من الحبوب البيض اللي مكتوب عندها كلمة start
وتمشين مع السهم الحبوب البيض اول بعدين البنيات كل يوم حبه وحده بعد اي وجبه ولما تخلص الحبوب انطري من 4 الى 6 ايام وبتنزل دورتج غصب اذا مافي حمل
الحبوب اسمها بريجليتون

تاكلينهم 3 شهور ورا بعض
وابد تنظم دورتج
وسوي بثاني او ثالث يوم الدوره تحليل هرمون الحليب (البرولاكتين ) عند اي مختبر لو عيادة النسا بالمستوصف يعطونج
بس تحليل هرمون الحليب لازم يا ثاني يا ثالث يوم الدوره مايصير الا بهاليومين فقط

عشان يمكن هو ملخبط دورتج ومانع عندج الحمل
وعشان يعطونج حبوب تنزل هرمون الحليب ويتابعونج

 

[أحبج يمه]

الله يعينج

 

[Moi belle]

انا بقول راي وما ادري بعجبج ولا لا
انتو مخذين موضوع الحمل مناااااااااااااااافسه وهذا شي واضح يعني هذيج حملت لازم احمل واذا ماحملت وحده قلتو لازم احمل قبلها واحرها
مشاء الله الله ارزقج بياهل يطول عمرا ويخلي لج ويكون من الزريه الصالحه انتي حملتي بعد زواجج ب5 اشهر مشاء الله ولدج عمرا سنه ونص نطري شوي علي خلي يكمل 4 عطي حقا والله اول 4سنوات ممن عمر الياهل احلى شي حرام تضيعينها بالحمال ومعابل ياهل ثاني يعني نطري بس سنه لما يصير عمرا 3 ولما تحملين بتولدين وعمرا 4 وحتى انتي بتكونين متفرغا حق رايلج ولدج اكثر
ادري طولت بس مثل ماقلت هذا راي وراي اهلنا بعد وانتي براحتج والله يوفقج يارب

 

[بنت ذآك الأمير!]

القسط فضيع ينظم الدوره ويساعد ع الحمل بس تنزل الدوره باكله لانها متاخره اسبوعين ومافيه حمل..

 

[ام دلال ومنال]

الله يرزقج ويرزقني يااااارب

 

[كويتيه مزاجيه]

مشكووورين عالنصايح
يمكن في من فهمني غلط
اهي مو حامل
خالتي عندها جذي
اهي توها والده بنتها و انا شكو اتنافس معاها
و ثانيا اشلون تبيني انطر اذا ريلي يبي الحين اقولا اسفه انطر اربع سنين

 

[شموسة كيوت]

الله يكون بعونك بس ولدك صغير لاتفكرين بالحمال الحين

لكن ربي يسهل عليك

 

[om-s3oodi]

الله إيعينج حبوبة ..

 

[نكهةالبرتقال]

الله يرزقك - بس نصيحة النفسية تأثر خلي كلمن بحاله - و الله كفيل بالعباد

لا تفكرين بحمواتك و اهل زوجك - فكري براحتك و بولدك و زوجك - و دايما اقري المعوذات و الله يرزقك

 

[$حبيبة عبودي$]

الله الله بأذكارج والله باذن الله مايضرونج ..
واخذي من اثرهم وهم مايدرون وتسبحي فيه
والله يعينج عليهمم ولاتقولين لهم كل شي باين عليهم حشريين

 

[lovemyself]

والله مادرى بس ليش كل ماصار شى قلنا عين وحسد !!!:bbbiu:
عموما انتى اذا ودج تحملين روحى راجعى عند الدكتورة وشوفى شتقول بنفس الوقت اقرى البقرة لان فيها بركة وحتى لو كان فعلا فى عين انشالله بتروح وبتحملين
الله يوفقج اختى ومبررررررررررررروك النونو الحلو ويخليه لج ربى

 

[ice-moon]

صدقيني حسبي اهل ريلج مثل اهلج

ساعات امي تقول حق اختي توه الناس ولدج صفير لاتحملين ( معناتها امي ماتحب اختي وماتبيلها الخير)

لا بس قلبها عليها وماتبيها تتعب وتييب ورا بعض وتهمل بيتها وصحتها وزوجها


ياعنري صفي النيه مع خالتج يمكن لما تحن على بنتها بالحمال واهي توها والده لانه مثل ماقلتي حمال بناتها صعب يطول

فتبيها تلحق على نفسها يمكن ليش علاجها يطول سنه سنتين يا الله تحمل


وماتحن عليج لأنه مطمنه عليج انج ماشاء الله الله يبارك لج بسرعه حملتي الله يحفظج ويحفظ ولدج


واذا تبين تحملين بالعكس عادي مافيها شي ييبهم ورا بعض اول ياهلين وعقب ارتاحي

مو معناتها تخربطت الدوره عقب ولادتج يعني من عينهم حرام هذا حفيدهم وحامل اسمهم اكيد فرحانين فيج وفيه


لكن ياقلبي طبيعي وايد بنات دورتهم وهرموناتهم تخربطت عقب الولاده هذا شي طبيعي

عالجي هرموناتج واسعي وتوكلي على الله وربي يسعدج ويرزقج


لكن صفي النوايا مع حمولتج حبيبتي

صدقيني داريهم ودلعيهم بدلعونج ويدارونج اناي اللي بادري


ويارب تبشرينه هالشهر بخبر حمالج ياكريم