q8-SoOoFi-q8
New member
إشلونكم يابنات وشخباركم ....
أكيد في وايد بنات شافت إعلان المختبر الكويتي الألماني في الوطن الممتاز
وأنا مثلكم شفته ولأني قاعدة أحاول أسوي ريجيم غرني الإعلان و رحت لهم وسويت التحاليل ودفت 150 دينار وبدت سوالفهم القرعة ...
في الأول قالولي إن النتيجة بعد إسبوعين باعتبار إن التحاليل بتروح بره وعلى ما تطلع النتيجة وقالولي أول ما توصل النتيجة راح يتصلون فيني ...وطبعاً نطرت وطاف اسبوعين ومحد إتصل فيني ولما إتصلت فيهم قالولي إن النتايج إتأخرت لأن جهاز المختبر إللي بره عطلان !!!<< صك على أجهزة مستشفياتنا الحكومية >> ووعدوني إن بعد اسبوعين تكون النتيجة وصلت ...وبعد إسبوعين لما إتصلت تحججوا إن التأخير كان من عندهم من البداية وما طرشوا الدم مبجر وبالتالي تأخرت النتيجة ... ((شوفوا التناقض بتبرير التأخير )) سألتهم الزبدة ؟ قالولي إن بعد إسبوع راح تكون النتيجة واصله ...وهم لما طاف الاسبوع دقيت وتناجرت معاهم وعطوني موعد أخير بعد إسبوع ......وأخيراً أخيراً بعد شهر ونص وصلت النتيجة ....<<<الظاهر كانوا دازينها على بعيير وتوها توصل >>>
والصراحة أقولكم بعد ما تناجرت معاهم وبعد تناقض أسبابهم شكيت إذا كان التحليل إللي واصل خاص بدمي وإلا تحليل خرابيط ...كل شي جايز ...
وبعد إنتظار طويييييل وجهد جهييييد وصل التحليل وأنا الصراحة إحتفلت بهالإنجاز ورحت موعدي مع دكتور المختبر ....
عطاني الدكتور كتيب فيه أكثر من 60 صفحة إللي يخص تحليلي صفحتين بسسس عبارة عن جداول خاصة بمجموعات غذائية وكل مجموعة تحتها أنواع الأكل من لحوم وخضار وحبوب وأعشاب ومنتجات ألبان ...إلخ وحاطلي علامة على الأكل إللي يسويلي (( حساسية )) وقعد الدكتور يشرحلي عن الأكل وإشلون يسوي حساسية وإنه في أنواع أكل تسويلي حساسية أكثر من أنواع ثانية ومن هالكلام ...كل هذا وأنا ناطرة يقولي إشلووون بضعف وإشلووون هالتحليل راح يخليني أتخلص من (( البدانهة الزائدة )) ....
آآآآخر شي قالي "" بوصي إنتي تأللي أكل وتاخدي الصبح ربع خبزة مع شوية جبنة والظهر خدي سلطة مع قطعة لحم مشوية مع شوية رز والعشا حبة فاكهة أو طبق سلطة وحاولي تنامي من غير عشا يكون أحسن "" حتى ما كلف خاطرة يعطيني جدول بللي آكلة والسعرات إللي فيها !!!!
طبعاً طول ما هو يتكلم وأنا أغلي وأغلي وأفكر شسوي فيه أقوم أزنطة وإلا أقلب المكتب على راسه بعد كل هالنطرة يطلع التحليل خرابيط وماله دخل بالريجيم وزيادة الوزن مثل مو كاتبين بالإعلان!!...طبعاً إختكم حياوية وجبانه هزيت راسي وطلعت ورقعت الباب وراي ...>>هذا إللي قدرت عليه<< ...
أدري طولت عليكم بس حبيت أنبهكم ...ديروا بالكم من هالمختبر ولا تسوون هالتحليل لأنه كله خرابيط بخرابيط خشوا فلوسكم أحسن لكم وإلا زيدوا عليها 50 دينار واشتركوا بشركات التغذية شهر أنفع لكم ..
سامحوني على الطوالة بس إن شالله تكونون إستفدتوا من تجربتي التعيسة مع هالمختبر ...
أكيد في وايد بنات شافت إعلان المختبر الكويتي الألماني في الوطن الممتاز
وأنا مثلكم شفته ولأني قاعدة أحاول أسوي ريجيم غرني الإعلان و رحت لهم وسويت التحاليل ودفت 150 دينار وبدت سوالفهم القرعة ...
في الأول قالولي إن النتيجة بعد إسبوعين باعتبار إن التحاليل بتروح بره وعلى ما تطلع النتيجة وقالولي أول ما توصل النتيجة راح يتصلون فيني ...وطبعاً نطرت وطاف اسبوعين ومحد إتصل فيني ولما إتصلت فيهم قالولي إن النتايج إتأخرت لأن جهاز المختبر إللي بره عطلان !!!<< صك على أجهزة مستشفياتنا الحكومية >> ووعدوني إن بعد اسبوعين تكون النتيجة وصلت ...وبعد إسبوعين لما إتصلت تحججوا إن التأخير كان من عندهم من البداية وما طرشوا الدم مبجر وبالتالي تأخرت النتيجة ... ((شوفوا التناقض بتبرير التأخير )) سألتهم الزبدة ؟ قالولي إن بعد إسبوع راح تكون النتيجة واصله ...وهم لما طاف الاسبوع دقيت وتناجرت معاهم وعطوني موعد أخير بعد إسبوع ......وأخيراً أخيراً بعد شهر ونص وصلت النتيجة ....<<<الظاهر كانوا دازينها على بعيير وتوها توصل >>>
والصراحة أقولكم بعد ما تناجرت معاهم وبعد تناقض أسبابهم شكيت إذا كان التحليل إللي واصل خاص بدمي وإلا تحليل خرابيط ...كل شي جايز ...
وبعد إنتظار طويييييل وجهد جهييييد وصل التحليل وأنا الصراحة إحتفلت بهالإنجاز ورحت موعدي مع دكتور المختبر ....
عطاني الدكتور كتيب فيه أكثر من 60 صفحة إللي يخص تحليلي صفحتين بسسس عبارة عن جداول خاصة بمجموعات غذائية وكل مجموعة تحتها أنواع الأكل من لحوم وخضار وحبوب وأعشاب ومنتجات ألبان ...إلخ وحاطلي علامة على الأكل إللي يسويلي (( حساسية )) وقعد الدكتور يشرحلي عن الأكل وإشلون يسوي حساسية وإنه في أنواع أكل تسويلي حساسية أكثر من أنواع ثانية ومن هالكلام ...كل هذا وأنا ناطرة يقولي إشلووون بضعف وإشلووون هالتحليل راح يخليني أتخلص من (( البدانهة الزائدة )) ....
آآآآخر شي قالي "" بوصي إنتي تأللي أكل وتاخدي الصبح ربع خبزة مع شوية جبنة والظهر خدي سلطة مع قطعة لحم مشوية مع شوية رز والعشا حبة فاكهة أو طبق سلطة وحاولي تنامي من غير عشا يكون أحسن "" حتى ما كلف خاطرة يعطيني جدول بللي آكلة والسعرات إللي فيها !!!!
طبعاً طول ما هو يتكلم وأنا أغلي وأغلي وأفكر شسوي فيه أقوم أزنطة وإلا أقلب المكتب على راسه بعد كل هالنطرة يطلع التحليل خرابيط وماله دخل بالريجيم وزيادة الوزن مثل مو كاتبين بالإعلان!!...طبعاً إختكم حياوية وجبانه هزيت راسي وطلعت ورقعت الباب وراي ...>>هذا إللي قدرت عليه<< ...
أدري طولت عليكم بس حبيت أنبهكم ...ديروا بالكم من هالمختبر ولا تسوون هالتحليل لأنه كله خرابيط بخرابيط خشوا فلوسكم أحسن لكم وإلا زيدوا عليها 50 دينار واشتركوا بشركات التغذية شهر أنفع لكم ..
سامحوني على الطوالة بس إن شالله تكونون إستفدتوا من تجربتي التعيسة مع هالمختبر ...
