تعالوا بنات محتاره شوروا علي :(

[tranem al.7neen]

مرحباااا



شلونكم طالبات



بنات انا تسجيلي اول تسجيل والحمدالله نسبتي عاليه


ومحتاره أدخل حقووق ولا تربيه الجامعه وابي يكون تخصصي رياض اطفال



حقووق رائي فيها


انا شخصيه قياديه وقادره ومتمكنه واعرف احل المشاكل

بس خايفه من دراستها لانه يقولون صعبه ومادري شنووو وب النفس الوقت احس مالها مستقبل

يعني كثر الله المحاميات والمحامين أحس يعني مالها تفاعل مالها مكان ثاني تشتغل فيييه ؟؟





التربيه الجامعه رياض أطفال


رااحه وطلعتم س 12 ومبجر عطلتهم




شرايكم بنات



انا ابي مكان فيه راحه ومكانه

 

[tranem al.7neen]

أب
أب
أب

 

[tranem al.7neen]

اب اب اب

 

[لعنبؤؤكـ مغلآكـ]

اممممممم استخيري يا الغلـــآ وموفقه اهم شي راحتج يابعععدي ​

 

[tranem al.7neen]

فديتج استخرت بس ماحصل شي
نورتي

 

[~عيون الحب~]

مم مادري والله
لو انا بمكانج اختار حقوق
صج ان رياض اطفال عندج عطله طويله والطلعه مبجر
بس لوويه اليهال انا ماتحملها عشان جذي "لو انا بمكانج ما اختارها"
وقارني مابين معاشاتهم اذا هالشي يهمج ؟
مجرد راي .. الله يوفقج حبيبتي ~

 

[Lays BL.ketchup]

توني رديت على زميلتج كانت تقارن بين الاداب والحقوق :

الحقوقيات ما قصروا
انا حقوقيه توني متخرجه الحمدلله
الدراسه مو صعبه - صح لازم تبذلين مجهود وتضغطين على نفسج مرات - لكن ما تستحق كل هاللي ينقال عنها
اذا الحقوق صعبه عيل الطب شنو ؟

شخصيا على مدار هال4 سنوات احس اني مرتاحه اكثر من رفيجاتي بالكليات الثانيه
عالاقل الكتاب جدامج وباللغه العربيه - درسي قبل كل امتحان بوقت كافي وحلي نماذج الامتحانات واختاري المواد عند دكاتره زينين ولا تشيلين هم

الحقوق مو صعبه - لكن المواد فيها معلومات دقيقه
بالنسبه لبعض الكليات الثانيه عادي عندهم يتصفحون الكتاب ويدشون الامتحان

احنا ما عندنا (تصفح) احنا (ندرس بضمير) قبل الامتحان بوقت كافي
اللي تدرس قبل كل امتحان باسبوع وعلى الراحه تضمن النجاح
اللي تدرس قبل الامتحان بيوم خل تتحمل المسئوليه


والحمدلله ما عندنا لا واجبات ولا تقارير ولا امتحانات قصيره وشفويه نفس باقي الكليات - الا نادر جدا جدا ومرات يكونون بونص

درجة الفاينل بيد الكنترول مو بيد الدكتور بروحه - واهو شي ايجابي وسلبي - بس عالاقل تضمنين اللي يمشي عليج يمشي على كل دفعتج - مفيش حد احسن من حد :rerrerek::dddds:

نمتحن الفاينل مره بالسنه (شهر 6) وعندنا فجه (بين 3 الى 4 ايام) بين كل امتحان والثاني - وقبل لا نبدي الفاينل عندنا 10 ايام راحه تقريبا



(الحقوق) لما تقارينها (بكلية الدراسه فيها مريحه وسهله وتافهه والa بيد الدكتور بروحه) - شي طبيعي بتحسين الحقوق صعبه وتعجيزيه

لكن لما تقارينها بالثانوي - راح تلقين مجال الحريه اكبر بوايد

ما عندج غير المدتيرمات والفاينلات اللي تركزين عليهم - ومو معنا كلامي ان الدراسه مااي وسهله - اكيد يبيلها مجابل لكن مو صعبه انا اشوفها عاديه : درسي تنجحين / لا تدرسين لا تنجحين (عفيه معادله :krkrkr


الاداب حسب كلام رفيجتي قبل لا تحول منها : سهله وعندج مجال تعوضين بامتحان او كوز او واجب - الدكاتره متساهلين - ما عندي فكره عن مستقبلها
لا يزعلون علي طالبات الاداب - لكن من وجهة نظري دراستهم ما تتقارن بالحقوق - عندهم مرونه اكثر

والقرار لج بالنهايه - الله يوفقج وين ما رحتي

اما بالنسبه للوظيفه - خريج الحقوق يشتغل بكل وزارة - مو كلنا محامين
بس مرات الدعاوى تكون بمبالغ خياليه عشان جذي تشوفين وايد محامين - بالنسبه لهم هالمجال ممكن يبدعون فيه ويزيد مدخولهم

عالعموم هذا ردي حق وحده من الخوات بخصوص الوظيفه :

تقدرين تصيرين : محاميه - محققه - باحث قانوني بأي وزاره - معيده - دكتوره - ابلة دستوري - تفتحين لج مكتب استشارات قانونيه - واذا الشهاده بايدج ماراح تلقين مكان يرفضج الا اذا كان المكان يحتاج واسطه
الاماكن الزينه اللي عليها طلب وتعتبر حلم خريجي الحقوق : الفتوى والتشريع - ديوان المحاسبه - التحقيقات - النيابه
مجموع الراتب بين ال 900 الى 1500 بداية التوظيف
واكيد المحامي له مكانته في المجتمع - القانون يوسع مداركج وتطبيقاته حولنا يوميه - حتى اسلوب تفكيرج راح يتغير مع الدراسه

والله يوفقج حبيبتي

 

[tranem al.7neen]

بعد عمرررررررري ماقصرتي حيل شجعتيني ربي يوفقج

 

[D.manoor]

حراااااام عليج نسبتج عاليه وتبين تصيرين مدرسه رياض اطفال والله حرام عليج قاعدة تظلمين نفسج
شوفي قولي لنفسج انا لما ادرس حقوق ولا حتى رياض اطفال طبيعي راح اتعب بالدراسه وحتى باي تخصص بالجامعة طبيعي اتعب صح
بس لما تيين حق الوظيفه اللي راح تكون اكثر من 5 سنين
وظيفة راح تكون حلوة ومعاش حلو وعالي
احسن من وظيفة ادري راح تكون مريحة بس المعاش موشيء كله راح يكون على الصف والاطفال صح
فكري عدل فكري عدل ولا تظلمين نفسج
بصراحة قهرتيني محد يقارن بين الحقوق ورياض الاطفال وفوق هذا نسبتج عاليه
انتي نفسي ابي اروح اجتماعيه وابوي ملزم طب عشان نسبتي عاليه
الله يوفقج ياااااااااارب

 

[tranem al.7neen]

ماادري فكرت براحه الشغل بعدييين .. اوريدي راح اتعب بالدراسه ب الجامعه بس

خايفه ما اكمل حقوق لاني مابي افتح لي مكتب لا ابي اصير مثلا مستشاره قانونيه او باحثه قانون

 

[روان الحبوبه]

حقوق مستقبلها زين الله يوفقج