تعالوا بغيتكم بسالفه

[ياشايل الظبى]

الشور شوركم ,, بس انا اقول تو الناس 7 سنين مو واايد ياما ناس صبروا اكثر من هالمدة و بعدين الله رزقهم ,, انا وحده اخاف اروح اتبنى ياهل و اتعلق بعدين يصير شي ويروح عني و قلبي متعلق فيه وحسبة ولدي

يا اختى الله يجزاج خير
حتى ولدج اللى من لحمج ودمج ممكن يصير فيه شى ويبتعد عنج .. او انتى تبتعدين عنه

كل شى بامر الله

 

[ياشايل الظبى]

فكره حلووه ,,

وعسا الله يوفقج ,, ولاتوقفين عن العلاج ,,

الله يرزقج بالولد الصالح

:yaaaaaarb::yaaaaaarb::yaaaaaarb:

الله يسمع منك

 

[bnt_kwt]

الله يرزقج يارب بالذريه الصالحه يارب

والله يقدم لكم ويسهل لكم اللي فيه الخير

 

[ياشايل الظبى]

الله يرزقج يارب بالذريه الصالحه يارب

والله يقدم لكم ويسهل لكم اللي فيه الخير

جميعا

 

[ام فوفو]

فكره حلوه بس وين بتلقيين هالبيبي


الله يرزقج يارب ويفرح قلبج بالحمل وترى مافي شي ابدا بعيد على الله

 

[Amory]

اختي ليش فكرتي بالتبني:: قالولكم مافي أمل من العلاج؟؟؟

اذا الأمل موجود صبري واحتسبي الأجر و ( الصبر مفتاح الفرج )

اعرف ناس 12 سنه عقبها الله رزقهم

انا فكرت قبل مثلج بس لأ ابصراحه اشوفها صعبه انج اتربين ياهل مو ولدج ولما يكبر راح اتواجهين صعوبات لما يعرف انج مو امه الصجيه وزوجج مو ابوه الصجي ويمكن اتصيرله عقد نفسيه.

عن نفسي انا اقول مستحيل اني اسويها وان شاء الله ان شاء الله يا ربي الله يرزقني ويرزقج ويرزق كل اللي يبي.

اكثري من الاستنغفار وابذلي بالاسباب ولا تستعجلين بالتبني.

 

[الريشة]

لا تستعجلين و تتبنين ، و أصلاً مجتمعنا ما يسمح بهالشيء، أقدم لك هالنصايح و صدقيني راح تشوفين النتيجة اذا طبقتيها:
1- سوي كافل يتيم انتي واحد و زوجك واحد.
2- روحوا العمرة و قعدوا ادعوا ربكم و شربوا ماي زمزم و تسبحوا فيه و اشتروا ماي زمزم حق الكويت. و اذا ما رحتوا الحج روحوا السنة اليايه ان شاء الله و ادعوا .
3- اقري انتي و زوجك سورة البقرة كل يوم و لمدة أسبوع ، و بعدين اقروها مرة كل 3 أيام ، و اذا ما تقدرين كل أسبوع مرة أو جزئيها كل يوم جزء .
4- اقروا سورة مريم كل يوم و سورة يس و سورة آل عمران. يعني لا تتركين القرآن أكثر من أسبوع.
5- تصدقوا وايد انتي و زوجك ، حتى لو فيه أحد من أهلكم محتاج ساعديه بنية الصدقة ، و لا تنسين تعطين أمك و أبوك لأن فيهم الأجر.
6- الدعاء عند الأذان و بين الأذان و الإقامة و عند المناداة لإقامة الصلاة ، و بعد أداء الصلاة و عند نزول المطر.
7- صلوا صلاة السنة و الشفع و الوتر و القيام و خل زوجك يصلي بالمسجد دائماً .
عندي هالدعاء:
يا رب أنت المنان يا بديع السماوات و الأرض ارزقني.....الخ

" يا ودود يا ودود يا ودود يا مبدئ يا معيد يا فعال لما تريد ، اللهم اسألك بنور وجهك الذي ملأ أركان عرشك و اسألك بقدرتك التي قدرت بها على جميع خلقك و اسألك برحمتك التي وسعت كل شيء ، يا مغيث أغثني " 3 مرات