تعالوا اماانة

[حبك سرى بدمي]

السلام عليكم
بنات انا اعتبر نفسي مو يديدة لأني كل مرة اتابعكم وما توقعت راح اكتب مشكلتي بس اللي شجعني اهو نصايحكم اللي 90% لما اقراها اقتنع فيها
مشكلتي :
عندي اخت اكبر مني اهي سبب مشاكلي بهالدنيا وعندي ثنتين اصغر مني وحدة هادية ومالها شغل بالناس والثانية شيطانة شاقة القاع وطالعة
عمري 24 سنة واحب واحد واهو يحبني متفقين ع الزواج بس انا اللي معطلة الموضوع بتعرفون ليش انا اقولكم
عندي اخت اكبر مني شقولكم يا بنات للأسف اخلاقها عدم وملسونة وعوبة كانت تحب واحد ( بدون ) تقدم يخطبها بس اخوي وقف بويها طبعا تعرفوون ليش ( والله يسامحه ع اللي سواه لو وافق جان ما صار هذا حالنا )< هالسالفة من سنتين
تعبنا معاها طحنا عليها عندها تلفون من ورانا لما بطلته ولا ارقام 10 رياييل :eh_s(16): آااااااااااااخ يا بنات احس اني مخنوقة
تكلم اكثر من واحد مرة طحت عليها عندها لاب توب يديد مو نفس اللي عندنا والمشكلة قاعدة فيه بالصالة وتطالع صور ريال اعتقد اهو اللي يابلها اللاب :eh_s(12): تخيلوا قاعدة بالصالة ولا هامها احد وكل مرة اشوف عندها ملابس واغراض اكثر من مرة تهاوشت معاها ومرات افقد اعصابي واطقها وماكو فايدة حالها من سيئ الى اسوأ ....
شقولكم بنات وقفت نصيبي عشانها مابي اتزوج قبلها مو حلوة بحقها .. اللي احبه صار عمره 27 وامه تحن عليه تزوج وتزوج واهو رافض ما يبي غيري وانا بعد مابي غيره بس شسوي .. اكثر من مرة قلت له تزوج روح لا تنطرني اقولها وقلبي يتقطع ويقول لا تجذبين علي انتي ماتقدرين تعيشين من غيري واهو الصاج :eh_s(16):
اختي سبب شقانا بالدنيا سوالفها تهد الحيل انقطعت السوالف بينا صرت ما اشتهي اشوفها ..
المهم بنات اليوم كنت قاعدة مع خواتي اللي اصغر مني نسولف مع بعض امي كانت طالعة واختي الكبيرة نايمة المهم قاعدين نسولف جان يزل لسان اختي قالت تتذكرين اللاب اللي شفتيه عند اختي قلت لها اي ؟؟ جان ترتبك قالت لا لا ولا شي
انا حنيت عليها وحلفتها بغلاة ابوي تتكلم اهي تموت على ابوي .. قالت بقولج شي خاشينه عنج قلت اوكي .. قالت ذاك اليوم وانتي نايمة امي قالت حق اختي ( الكبيرة ) منو هاللي يابلج اللاب قوليلي عنه جان تطلع امي واختي واعدوا الريال وراحوا يشوفونه :eh_s(16)::eh_s(16)::eh_s(16): تخيلوا يا بنات امي سوت هالشي ! انا لما قالتلي جذي افتر مخي انصدمت قلت لها كملي قالت واهو وعد امي انه بعد رمضان بيي يخطب اختي .. بنات انا منصدمة اشلون امي تسوي جذي ليش شحقه المفروض تكسر راسها مو تروح معاها !!
بنات خواتي خشوا عني خافوا اذا دريت اسوي لأمي واختي سالفة وامي موصيتهم يسكتون ..
شسوي بنات من دريت وانا قاعدة بغرفتي مابي اطلع وانفجر بويه امي وانا اعرف نفسي اذا عصبت انسى منو اللي جدامي وما اهتمله ..
فكرت انحاش من هالبيت تعبت تعبت من سوالف اختي بس ادري هالشي اكبر غلط ..
ساعدوني لا تقولين نصحيها لانه ما ينفع معاها شي تكفوووون ريحوني من همي ..​

 

[غ ــلا الــروح]

رد : تعالوا اماانة

الله يعيــنج


انتي حااااولى تنصحين اختج اكثر من مرة وفهميها ان اللى تسويه غلط لان ماوراه فااايدة




وانتي مو توقفييين نصيبج عشان اختج



ولاتفكرين تنحاشين من البيت يعني حتى لو مشااكل الدنيا عندج ماتسوينها انتي فاهمة وعقلج براسج


لا تسوين خطووة الا مفكرة قبلها ملييووون مرة



وادعيلهم بالهداية ولا تكدرين عمرج عشان شي انتي مو مسؤؤله عنه

 

[ķăyąn..}]

اللهم آسترنآ فوق الأرض وتحت الأرض ويوم العرض
حبيبتي آجللسي مع آختك وانصيحهآ وذكريهآ بالموووت
وفرصة الحين تكلمينهآ دام آحنآ مقبلين على شهر الخير
ولآتنسين الدعاء والأستغفآر ..
الله يهدي آختك يارب والمسلمين آجمعين ..

 

[kunooz]

الله يعنيج حبيبتى
ويهدي اختج يارب

و نصيحه تزوجى ولا تقطعين نصبج مادري ليش ماجله الزواج عشان اختج؟؟ لا و تبين تنحاشين بعد؟؟
يمكن اذا شافتج اختج تزوجتى قبلها راح تفكر بنفسها الف مره و تخلى عنها اللعب
وان شاء الله هالريال اللي قابلوه يتقدم لها

 

[جـــوووبـــا]

حبوبه خلي الولد يجي يخطبج ومالج شغل بحد واذا قالت امج شي قولي بشوف نصيبي وادعي ان الله يسخرهم لج ويهديهم والله يستر علينا وعليكم ياقلبي وموفقه خير

 

[om_dodo]

الله يعينج

 

[ليان العامريه]

رد : تعالوا اماانة

يا قلبي ادعيلها ان ربي يهديها ,,,وترا امج خير ما سوت لان لو جاءت بالعصبية شكلها اختج ما تخاف ولا تهاب احد

 

[ڕۆۆحــي ڣــڍااگ]

حبيبتي ادعي لها بالهدايه ودير بالج هذي امج صج انها غلطانه بس الرسؤؤل اوصانا بالام

امممم
اكتبي لها ورقه وطرشي لها او مسج او بالايميل كل يؤؤم تذكرينها انه الله يراقبنا ونصايح وبعد الاحاديث وذكريها بالموت

وجاي الرمضاان زيدي من نصايحج ودايم ذكريها بربج واصبري وجاي الرمضان استغفري وصلي وادعي لها

ممكن نصيحه الاستغفار يحل الكثير من المشاااكل استغفري كل دقيقه وثانيه والله وبعدين راح تحسين لا اراديا لسانج متعود ع الاستغفار ولاحول ولا قؤؤه الا بالله

 

[حبك سرى بدمي]

رد : رد: تعالوا اماانة

الله يعيــنج


انتي حااااولى تنصحين اختج اكثر من مرة وفهميها ان اللى تسويه غلط لان ماوراه فااايدة




وانتي مو توقفييين نصيبج عشان اختج



ولاتفكرين تنحاشين من البيت يعني حتى لو مشااكل الدنيا عندج ماتسوينها انتي فاهمة وعقلج براسج


لا تسوين خطووة الا مفكرة قبلها ملييووون مرة



وادعيلهم بالهداية ولا تكدرين عمرج عشان شي انتي مو مسؤؤله عنه

نصحت ونصحت وللأسف مافي فايدة ​

اللهم آسترنآ فوق الأرض وتحت الأرض ويوم العرض
حبيبتي آجللسي مع آختك وانصيحهآ وذكريهآ بالموووت
وفرصة الحين تكلمينهآ دام آحنآ مقبلين على شهر الخير
ولآتنسين الدعاء والأستغفآر ..
الله يهدي آختك يارب والمسلمين آجمعين ..

اللهم امين
ان شاء الله​

الله يعنيج حبيبتى
ويهدي اختج يارب

و نصيحه تزوجى ولا تقطعين نصبج مادري ليش ماجله الزواج عشان اختج؟؟ لا و تبين تنحاشين بعد؟؟
يمكن اذا شافتج اختج تزوجتى قبلها راح تفكر بنفسها الف مره و تخلى عنها اللعب
وان شاء الله هالريال اللي قابلوه يتقدم لها

ما اتوقع يتقدملها اعرف هالنوعية ​

حبوبه خلي الولد يجي يخطبج ومالج شغل بحد واذا قالت امج شي قولي بشوف نصيبي وادعي ان الله يسخرهم لج ويهديهم والله يستر علينا وعليكم ياقلبي وموفقه خير

ياارب​

الله يعينج

امين​

يا قلبي ادعيلها ان ربي يهديها ,,,وترا امج خير ما سوت لان لو جاءت بالعصبية شكلها اختج ما تخاف ولا تهاب احد

والله مو حاسبة حساب احد​

حبيبتي ادعي لها بالهدايه ودير بالج هذي امج صج انها غلطانه بس الرسؤؤل اوصانا بالام

امممم
اكتبي لها ورقه وطرشي لها او مسج او بالايميل كل يؤؤم تذكرينها انه الله يراقبنا ونصايح وبعد الاحاديث وذكريها بالموت

وجاي الرمضاان زيدي من نصايحج ودايم ذكريها بربج واصبري وجاي الرمضان استغفري وصلي وادعي لها

ممكن نصيحه الاستغفار يحل الكثير من المشاااكل استغفري كل دقيقه وثانيه والله وبعدين راح تحسين لا اراديا لسانج متعود ع الاستغفار ولاحول ولا قؤؤه الا بالله

ان شاء الله بسوي اللي قلتوه وان شاء الله خير ​

 

[Tutti-Frutti]

رد : تعالوا اماانة

امممم شوفي
انتي مو ادرى بمصلحه اختج اكثر من امج
امج مره كبيره واكيد كان لها هدف من هالشي

اكيد امج تشوف سوالف اختج وحركاتها
وبينت لها انها واثقه فيها عشان اختج لا تخش شي عنها وراحت شافت الولد وعطاها كلمه
وانتي ما تدرين شنو صاار بينهم بالطلعه وشنو الكلام اللي قالوه

وامج بتعطي اختج فرصه على كلام هالريال هذاا وبتشوف اخرتها وياها
واكيد لها تصرف ثااني اذا هالريال ما وفى بكلمته

احس تصرف امج حكيم .. نزلت مستوى تفكيرها لي تفكير اختج عشان تسايسها وتكسبها
ما يت لها بعصبيه وهواش عشان لا تنفرها .. بالعكس

اما انتي
لا توقفين نصيبج عشان اختج


والله يوفقج

 

[*الشيـــهـانـة*]

خلاص دام امج تدخلت بالموضوع معناتها تفاهمت معاه وعرفت اهو شنو يبي منها بالضبط وان شاء الله يتقدملها وامج ماسوت هالشي إلا لمصلحة اختج

 

[Cander]

لاحول ولا قوة الا بالله


معقولة جذي ؟ الوالدة عاد ؟؟

شلون يرضون على نفسهم جذي امبييي الله يهديهم

ان شاء الله يخطب اختج واجد حجر ويكسر راسها ويضبطها

والله لمصلحتها مو لشي ثاني

ويوفقج آميين

 

[so_what]

عادي حبيبتي تزوجي قبلها مافيها شي وانتي عمرج 24 مو صغيره وهذا نصيب والله يهديها ان شاء الله

 

[lovely jojo]

الله يعينج

 

[فطفط نجد]

اختج ماكو امل تعدل انا مو قاعده اصدمج بس والله اللي تتطيح بهالسوالف صعب ترجع الا بقدرة قادر انتي خوفيها بربها عل وعسى تتغير وانتي وافقي ياحبيبتي لاتوقفين نصيبج ومافيها شي اذا تزوجتي قبلها اهم شي الوفقة

 

[يوآش يوآش]

رد : تعالوا اماانة

الله يهديها

وبعدين امج موافقه وشافت الريال خلاص

وان شالله بعد رمضان بتتزوج ادعيلها انتي

وليش تهبين بويهه امج ..عادي واحد

يبي يتقدم لاختج وامج راحت تشوفه لا تكبرين

الموضوع هذي امج

وانتي اذا حيل متضايقه خلاص خلي

اللي تحبينه يتقدملج ووافقي

واهيا الله يوفجها .....

 

[أم طخطيخ]

رد : تعالوا اماانة

لا حول ولا قوة الا بالله

ياربي سترك

اختي اسمحيلي بس انتي تحاجين واحد من ورا اهلج واختج تحاجي 10 وامج تدري !!!! العايله فيها خلل


ياربي لا تبلانا

 

[ام كوشه منكووشه]

رد : تعالوا اماانة

عين العقل اللى سوته امج والله انها انسانه فاهمه وعاقله لان الصراخ والعصبيه عمرها ما تحل الامور

عسى الله يهديكم ويصلح حالكم

 

[حجيه هيونه]

رد: رد : تعالوا اماانة

امممم شوفي
انتي مو ادرى بمصلحه اختج اكثر من امج
امج مره كبيره واكيد كان لها هدف من هالشي

اكيد امج تشوف سوالف اختج وحركاتها
وبينت لها انها واثقه فيها عشان اختج لا تخش شي عنها وراحت شافت الولد وعطاها كلمه
وانتي ما تدرين شنو صاار بينهم بالطلعه وشنو الكلام اللي قالوه

وامج بتعطي اختج فرصه على كلام هالريال هذاا وبتشوف اخرتها وياها
واكيد لها تصرف ثااني اذا هالريال ما وفى بكلمته

احس تصرف امج حكيم .. نزلت مستوى تفكيرها لي تفكير اختج عشان تسايسها وتكسبها
ما يت لها بعصبيه وهواش عشان لا تنفرها .. بالعكس

اما انتي
لا توقفين نصيبج عشان اختج


والله يوفقج

صح يمكن امج عندها وجهة نظر انها تبي تشوف منو هذا عشان تعرف يبي يتزوجها ولا يلعب ويمكن قررت تجاري اختج شوي عشان تدير بالها عليها لو نفرت منها البنت ماراح تثق فيها ولا تقولها شي فاهي قربت لها عشان تصير صديقتها وبنفس الوقت تدير بالها عليها

ماتدرين بس اكيد امج عندها مبرر قوي وسنع لتصرفها

 

[حبك سرى بدمي]

رد : تعالوا اماانة

خواتي الغاليات ردودكم كلها على عيني وراسي من فوق بالعكس والله ما ازعل من كلامكم وصراحتكم ولو ما اثق فيكم ان جان ما حطيت مشكلتي عندكم
ادري امي مرة كبيرة وتفهم اكثر مني بس عقلي للحين مو قادر يستوعب اللي سوته
وبالنسبة لأختي ام طخطيخ انا اللي اكلمه والله العظيم انه مافي بينا شي غلط هدايا ما اقبل منه طلعات ما اطلع معاه ما اشوفه الا وقت الدوام وبس ,,
وامي ما تدري عن هالعلاقة ومو ناوية اقولها الا اذا صار كل شي رسمي انا اعرف حدودي واعرف متى اتكلم ومتى اسكت ..
جزاكم الله خير والله يريح قلوبكم​