تعالوا ابي رايكم في هالقروب

[هجووورة]

السلام عليكم
اشلونكم عساكم بالف خير
:eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7):

بغيت رايكم في قروب الدوام لكن قبل لا اتكلم عنهم خلوني اعطيكم لمحه من حياتي
انا موظفه قديييييمه في اداره من الادارات علي وشك التقاعد
كافيه خيري شري احب التواضع في كل شي بالبس بالعمل بالهدايا لاسباب دينيه واجتماعيه
الله ابتلاني في ناس الله يهديهم يحاولون قد مايقدرون يبينون اني
1- ما اعرف شي
2-بخيله
3-دفشه
ووصل الامر فيهم انهم يسوون الشي ويحطوني جدام الامر الواقع ضاربين بعرض الحائط خبرتي
سني وضعي معاهم كوني اكبرهم واقدمهم بسسسسس علشان يبنون للمسؤول انهم يشتغلون
واذا جت مناسبه بينهم تعالوا شوفوا البوفيهات والهدايا يحرجونج يعني لازم تدفعين لو ما عندج دينار
واذا حصل ظرف لي تعذروا وتناسوني مثل زواج او حتي وفاه وعزا اللي الواحد يدور الاجر فيه
لا غير اذا طرشت وحده منهم او وصيتها علي شي تضحك علي بالسعر يعني اللي بدينار تقول اخذته بدينارين
والله احترت معاهم ماودي اتمشكل ولا اتسبب في اذى لهم وقاعده معاهم مضطره مكان الدوام قريب من البيت
طول الوقت بس اتستمع لسوالفهم اللي ماتطلعين منها في فايده كلش افلام وخرابيط ماتعجبني
عطوني رايكم يا اهل الخبره:eh_s(7):

 

[هجووورة]

اشدعوا 9 مشاهدات ولا رد لهالدرجه سخيف

 

[M!ss CoLoRz]

دامج على وشك التقاعد تحملي هالفترة وفي الاخير بتفتكين منهم

ماله داعي تسوين اي شي ولي طلبوا منج شي وانتي ما تقدرين عليه قولي لهم ما اقدر آسفة دامهم جذي جذاك مو معبرينج ولا خاطين لج احترام ... سوي شغلج لا أكثر ولا اقل ولا له داعي تحتكين فيهم

 

[mnoooll]

طنشي يابعد عمري

وقوي شخصيتك يعني ردي بنفس اللحظه الكلام الي تقولينه بخاطرك


وبكذا مررررره ماراح يقدروا يرموا كلام او يغشوك بشغله لانه يعرفون ردت فعلك بتزعجهم


اما كذا بيعيدونها مره ومرتين وثلاث لانه ردت فعلك هاديه

 

[هدوووشه]

ويييييييييع اكره هالنووعيه مررررض ومو شايفين خير

حقريهم ولا تعبرينهم

 

[aauu-]

ياكثررررررهم هالنوعيه صج ينرفزون ومايقدرون الظروف كَــلَ همهم الفخفخه ومو على سنع بعد
ماعليج منهم ،، وطولي بالج لحد ماتتقاعدين
مدري شقول غير اللَّـَـَـَـْـْہ يعينج

 

[منيره آل ثاني]

تحملي لين التقاعد وبتفتكين منهم
على فكره الإنسان إذا ما درى انج متواضعة
بيتهمج بالبخل وهذا شي طبيعي
والحقران يقطع المصران

 

[muhrat uboha.]

هالنوعيه وايد سطحيه الله يعينج عليهم وااايد بنات قاعد اشوفهم جذي خيولوون اانا من رايي لاتردين عليهم و عامليهم اب بروود وحرقي روحهم هذولي الموظفات لو صج يستحوون على ويهم جان احترمووج وقدروا ظروفج...

 

[Royof]

حبيبتي


تحملي هالجم ساعه دوام وحاولي تمشين عمرج معاهم واي شي مايعجبج طااااف .. هاذا عمل جم ساعه وينتهي مو لازم تكون علاقتج فيهم قويه

وع فكره اغلب مشاكل العمل جذي اختلاف الشخصيات و البيئات

 

[هجووورة]

جزاكم الله خير علي هالردود الطيبه بس تقاعدين مو باقي عليه شهر او شهرين باقي سنتين

 

[يستفزني غلاك]

طططنشي و الله يعينج اللي اسمع عنه بهالدوامات لازم تطلع لج وحده تبط الجبد و اذا مومرتاحه او ماتقدرين تحملين انقلي اهم شي عمممممممرج وراحتج

 

[كرز.]

وقفي الكل عند حده ولاتوجبين اللي مايوجبج واذا شرهواقطيها بوييهم قولي هذا انتوا لاصار عزا ولافرح ماوجبتوا واخذيها قاعده
اللي مايستحي لاتستحييييييين منه
لاتسكتين على حساب راحة بالج
انتي موضعيفه ولاعبده عندهم
تكلمي وقولي رايج وقولي للغلط غلط وللصح صح بدال ماتحطين بقلبج وتحترين
الحريم مايترس عينهم شي

 

[هجووورة]

وقفي الكل عند حده ولاتوجبين اللي مايوجبج واذا شرهواقطيها بوييهم قولي هذا انتوا لاصار عزا ولافرح ماوجبتوا واخذيها قاعده
اللي مايستحي لاتستحييييييين منه
لاتسكتين على حساب راحة بالج
انتي موضعيفه ولاعبده عندهم
تكلمي وقولي رايج وقولي للغلط غلط وللصح صح بدال ماتحطين بقلبج وتحترين
الحريم مايترس عينهم شي

مشكوره ياقلبي هذا اللي قاعد يصير