تعالوا ابيكم

[يونييك]

السلام عليكم

بنات حبيباتي،انا ناويه اروح للهند
لان بخاطري اروح لتاج محل:eh_s(22):
دورت وايد في النت معلومات عن الهند بس ما احس استفدت
فاللي سبق لها وراحت للهند يالييت ما تبخل علي بمعلوماتها
المناطق الحلوه هناك فنادقهم أسواقهم
وافضل شهر يكون الجو فيه حلو
وبالنسبة لاكلهم شنو المطاعم النظيفة
يعني معلومات شامله

نااطره ردودكم:eh_s(7):

 

[مسكـ الامارات]

شوفي موقع العرب المسافرون شي تقارير مفيده عن الهند

 

[Alrem_q8]

التقارير عن الهند وااايد بفيدج باللي اعرفه
المنطقه اللي فيها تاج محل اسمها اكرا
تبعد عن نيودلهي حوالي خمس ساعات بالسياره
يعني يفضل تمشين الصبح من نيودلهي عأساس توصلين ع الضهر وتاخذين ليله بمنطة اكرا
لان تعب مشوار خمس ساعات رايح وخمس ساعات ياي


طبعا افضل منطقه بالهند اهي كيرلا اقعدي فيها اسبوع
دام رغبتج الاساسيه تاج محل اخذي ليلتين بنيودلهي ع اساس تشوفين اهم شي فيها واليوم الثالث روحي اكرا منطقة تاج محل واخذي فيها ليله وبعدها ارجعي لنيودلهي ونامي ليله


بالنسبه لمومباي كلها فقارا وراح يعورج قلبج من اللي بتشوفينه بس انا عن نفسي مستحيل اروح الهند وماامر بومباي ^_^


وخلي بنهاية الرحله كيرلا اذا ناويه تروحين لها


وفي مناطق يتكلمون عنها الناس مثل قوا وبنجلور ! احس مافيها شي مميز بس شلالات وطبيعه تلقينها بكيرلا


وبالنسبه لاكل الشوارع خصووصا بالهند بتقلب جبدج
وطبعا طبعا يفضضل وبقوه تأجرين سايق طول الرحله يتكلم انجلش او عربي


^^^^^^^^^ كتبي بقوقل رحلتي الى الهند / رحلتي الى بومباي / رحلتي الى تاج محل / اي شي متعلق بالهند كبيه وبتلقين تقارير وايد او دشي منادى العرب المسافرون وادخلي بوابة السفر الى الهند وبتلقين اللي يفيدج ان شاءالله

 

[يونييك]

مسك الامارات
مشكوره حبيبتي وراح إدش المنتدى اللي قلتي عنه^_^

 

[يونييك]

Arlem_q8
يعطيج العافيه حبيبتي
وحلو الجدول اللي قلتي لي عنه
بس افهم من كلامج انج حتي للهند قبل؟
اذا اي ياليت تقولين لي عن افضل الاسواق هناك
ومشكوووره حبيبتي

 

[M!SS.LOBY]

روووعة الهند

 

[Alrem_q8]

سوري ع التأخير لا والله مارحت الهند
لكن بأذن الله راح اروح لها
والمعلومات اللي ذكرتها من خلال قرائتي بالنت
بالنسبه للفنادق احجزيهم من ديرتج بالمكاتب السياحيه واهم طبعا راح يرشحون لج فنادق زينه
والاسواق بتلقين نفس نظام البسطات قريب من تاج محل وبكل مكان
بالنسبه للمجمعات اذا كنتو مأجرين سايق احس واهو راح يقولج وين السياح يروحون دايم وراح يوديج لاحسن المجمعات الموجوده واماكن حلوه