تعالوا أبيكم بسالفة خاااااصة جدددددداً

[قطعة كيك]

بنات انا كسفت عند الطبيبة وقالت لي ان البويضات عندي متوسطة واعطتني منشطات وصار لي شهرين بس ماحصل حمل
ودي ان زوجي يحلل علشان نشوف وين المشكلة اذا في مشكلة ,
اللي ابي اسأله الحين اشلون يحلل ؟ السائل المنوي لازم يوصل المختبر خلال حد أقصى 20 دقيقة
طيب وين يصير ؟ صعبة يصير في البيت مابيلحق يودي التحليل للمختبر ؟
من تجاربكم ؟ وش سويتوا ؟ أبي حل مابي احراج ؟ هو بحاله يبي له من يدزه عشان يروح اي احراج يمكن يهون ؟
قولوا لي شسوي ؟
وحدة من قرايبنا سوت اطفال انابيب يدخلون زوجها غرفة بحاله ؟؟ بس طيب احراج لو كانت السالفة جذي ؟ يعني انا افضل اكون معاه علشان مايكون في السالفة اي حرام بس قمة الاحراج اني ادخل معاه وبعدين نطلع :d اساساً هو ماراح يرضى

 

[لومية1]

حبيبتي روحو أقرب مختبر من البيت تره التحليل بس ب5 دنانير وإذا المختبر بعيد يسوين بالمستشفى بالحمام

 

[مناوووي]

الله يرررررررررزقج

 

[دلوعة صلوح]

الله يرزقج ان شاءالله .. والتحليل عادى خلى يروح المستشفى واهم يعطونة غرفة خاصة يعنى ماراح
احد يدرى عنة ترا السالفة هينة.

 

[So MuCh PaIn]

حبيبتي اذا ما يحب يسوي بالحمام بمركز الشعب يعطون غرفه وربي يكتب لكم الذرية الصالحة

 

[Q8_QT]

عادي مافيها شي يسويه بالحمام عند المختبر أو المستشفى

 

[لوراااا]

انتي قوليله وخليه اهو يحاتي الموضوع اهو يعرف لنفسه بس اذا سواه بالبيت لايتاخر فيه وبعدين لا يعرضه للشمس

 

[أحبك يالبنفسج]

السلام يعطونكم غرفه
مستشفي الهادي ماانصحج فيه لانه استقبال المختبر وحده انا سلمتها العينه وانحرجت احسن يكون ريال
الله يرزقج الذرية الصالحه

 

[سارووه الاموره]

عادي ليش مكبرا السالفه يسويها ويروح فيها او بالحمام الطبيب الي يعالج عنده ..

 

[سارووه الاموره]

عسى الله يرزقكم الذريه الصالحه يا رررب

 

[قطعة كيك]

مشكورين يالغوالي ماقصرتوا

 

[samyah a.o]

عااااااااااااااااااااااادي حبيبتي يسويهابحمام المستشفى مافيهاشيءمثله مثل تحليل البول والبراز تكرمون وش الفرق يعني وماحديدري عنه ومن ناحيه الاحراج عادهذي الطريقه اذاكان بيسوي تحليل

 

[روعتي في نظرتي]

والله ياحبيبتي انا زوجي راح المستشفى وسواه في الحمام وهانت مع انها بطلعت الروح