تعاااالو شوفو الابلة شنو قالت حق بنتي !!!

[أم حورية]

السلام عليكم ورحمة الله وبركاته

اول شي انا تعمدت احط الموضوع بهالقسم لان الامهات وايد يدشونه وبصراحة ميتة من القهر وماني قادرة اصبر

يمكن بعضكم يشوف الموضوع تافه بس انا ميتة قهر

و بنتي اولى ابتدائي ومدرسة خاصة

واهم بالصف يكتبون جهة اليسار وبعدين تعطيهم الابلة واحب بجهة اليمين وهذا للتوضيح

وبوم الخميس كنت قاعدة ادرس بنتي جان تقولي ان الابلة قايلتلها غبية !!!!!!

بسسس لانها غلطت بالصف وكتبت مع الابلة جهة اليمين

واهي الحمدلله شاطرة ومو شيطانة وقاعدة تحاول تكون شاطرة يعني لو بنتي تعل القلب نقول ميخالف بي غلطانة

الحين انا ماني عارفة شلون ابطل مع الابلة الموضوع اخاف اتسرع

واخاف بنتي فاهمة غلط واتهم الابلة

شسوي

 

[أم حورية]

اشدعوه بنات ولا رد ؟

لهدرجة انا مكبرة الموضوع ؟

 

[قبوط ومرقوق]

لا مافيها شي انت روحي للابلة وفهميها ان بنتج تحبها وايد واليوم كانت حيل متظايقة لانج قلتيلها غبية لانها تعتقد انج الحين ماتحبينها وبجذي طقيتي عصفورين بحجر منها عرفتي هل قالت لها او لا ومنها وضحتي للابلة ان بنتج تحبها

 

[%F&R%]

لامو كبره الموضوع ولا شي بس جنها صايره موضه عند الابلات انهم يسبون ويهينون اليهال على اتفه سبب يعني هذي طفله عمرها ٦ سنوات تغلط عادي
تنبها توجها مو على طول تقولها غبيه وهذي مدرسه خاصه قوليلهم انا مو دافعه علشان اعلم بنتي طوله اللسان حسبي الله ونعم الوكيل على هالمدرسات

 

[_zahra]

من حقج تفاتحين المدرسة بهالموضوع بس باسلوب ما يوحي انج تتهمينها او انج هجومية انتي ولباقتج

 

[Hajer~]

في وآيد مدرسـآت بس جذي اسم ع الططل
مافي لبـآقه ولا اسلوب ولا حتى تعرف اتحجى مع اليهال ولا تعرف ادير الصف

طبعا هذا كله راجع حق تربيتها الفريده
انا بعد انقهرت
لو منج ماخليهـآا وحتى كلامي ماراح يكون وياها لآآآ
راح يكون مع اللي فوقها
مثل ادارة المدرسه وكيلة او ناظره

عشان تعرف هالابله خرطي

لاتسكتيـن عن الموضوع وحاولي تعرفين كل شي بنتج
وشنو يقولون لها الابلات

حتى لو نفرض البنيه غلطت او ماتعرف .. عيب ؟؟
لا موعيب طبعا هذي ياهل

مشكله اللي ماعنده اسلوب .. لا وابله! امبيه ويييع

 

[ام اغلى الناس]

اي كلمي المدرسه باسلوب حلو
عشان ماتحقد على بنتج

 

[hneen2]

والله هالابلات مادري شلون صايرين


والله روحيلها وعادي كلميها


انتي سالفتج تهون انا شقول اللي بنتي مريضه صدرها وكمام ودنيا غابت يومين


ولما داومت سالتها الابله فلانه ليش غايبه قالتها بنتي بعد عمري ابله مريضه


ردت شقالتها الابله تتصورين !!!!


قالتها مره ثانيه لاتغيبين حتي لو بتموتين من التعب ولا اقولج تعالي موتي بالمدرسه عشان نصفقلج ونقول فلانه شاطره ماتت بالمدرسه



تخقين انا كأم واسمع هالكلام ينقال حق بنتي بثانيه ابتدائي شتهقين رد فعلي بداا ل ماتقولها حمدالله علي سلامتج وتقول حق صديقاتها قولو حق فلانه ماتشوفين شر حاطه بنتي مطنزه حسبي الله عليها



والله ماحسيت الا اني ثاني يوم عندها وبغيت اشرشحها تصوري ولا رضو يطلعونها حقي خشوها لان يدرون اذا يابوها شنو بتسمع كلام مني



عموما ريلي شكا عليها بالوزاره واهي بتاخذ حق بنتي ان شالله

 

[ام الحلوااات]

حــــســبـــي اللــــه عــلــيــهــا قـــلـــت عــلــيــهــا الالــــفـــاظ
مـــا لــقــــت الا غـــبــيــــه
هـــذي كـــلــمـــه تــنــقـــال حـــق يـــااااهــــل

 

[أم حورية]

مشكورين بنات عالردود

يزاكم الله خير حبايبي

 

[أم حورية]

قبوط ومرقوق
مااقصرتي حبيبتي خوش فكرة

%f&r%
اي والله انا هذا اللي قاهرني مودينهم خاص ومنحاشين من الحكومة وبلاويهم ودافعين فلوس عشان اخر شي نسمع هالكلام

Zahra_
مشكورة عالرد حبيبتي ما قصرتي

Hajer~
هذي المشكلة ،، انها ياهل ومعرضة انها تغلط والسبب حدا تافه وبنتي تحب المدرسة والابلات ويمكن بسبة هالكلمة تكرهها بالمدرسة
بس انا بكلمها اول عشان انبها اذا مافاد ذاك الوقت لي حجي ثاني مع الناظرة

ام اغلى الناس
هذي اللي انا خايفة منه انها تحقد ع بنتي

Hneen2
وااااااي حسبي الله ونعم الوكيل
قهرتني الابلة
شلون تييب طاري الموت جدام ياهل !! حرام عليها
وتقول شاطرة ماتت بالصف ونصفقلها ؟ !!

أم الحلوات
اي والله شفتي ،، حسبي الله عليها


مشكورين بنات يزاكم الله خير
كنت وايد مندفعة بس خففتو من اندفاعي

 

[tmtmt]

لا مو مكبره الموضوع
بالعكس مصغرته لنج قاعده تسالين

اذا في احد يرضا علي عياله ان تنقاله هالكلمه
انتي لا ترضين

والله اروح واقولها انتي الغبيه الي مو عارفه حاى تتكلمين مع الياهل
هاذي وظيفتج محد طاقج على ايدج وقالج تعالي حق عيالنا !!!!


على فكره
من الخمس الكلمات الي ينصحون فيها بعلم النفس انها ماتنقال حق الطفل

ياغبي ..!

 

[زين ودلال]

امبيييه هذا اسلوب وحده تربويه!!!!!! الحمدلله والشكر

روحي وكلميها مافيها شي عشان يكون في خط احمر ماتعداه

 

[Luve Rain]

مصااااخه هالمدرسات
بس لاتسكتين

 

[مشتاقة الى الله]

الله على مدرسات الحين

حبيبتي روحي كلميها بس بالهداوة وشوفي ويش تقول وبعدين ان ما نفع الكلام معاها ترى والله ما يمشي معاهم غير العين الحمرة طرشي زوجج يروح ويتفاهم وياهم

اذكر بالمدرسة الإبتدائية أختي الصغيرة كانت لابسة حجاب بس قصير وبالطابور كان تفتيش والمديرة قالت للمدرسة جيبي هالبنت الي لابسة الحجاب وقدام الطالبات والمدرسات صفعت أختي بأذنها اليسار وقالت مرة ثانية تعلمي تلبسي شيء طويل واهي صغيرة بالثانية إبتدائي وقعدت تبجي لحين ما وصلت البيت وخبرت الوالد وهو ما قصر ثاني يوم الصبح وقبل الطابور راح عند المديرة وقدام الي يسوى والي ما يسوى شرشحها وعلمها الادب وقالها انا جبت بنتي تدرس وتتعلم ما جبتها عشان تعلميها الادب بخصوص الادب لو انتي مؤدبة ما عاملتي بنت صغيرة بها الطريقة

والمديرة من الصدمة يبست مكانها ومتفشلة حيل قدام المدرسات والطالبات وقالت خلاص السموحة ما كنت اقصد وما راح تتكرر مرة ثانية

لا تسكتين وروحي كلميها وطمنينا بعدين ايش صار معاها

الله يحفظ لنا عيالنا

 

[أم حورية]

Tmtmt
انا مو مصغرة الموضوع ،، اساسا انا صارلي يومين مو قادرة انام عدل والسبة هالموقف بس بالبداية استغربت من المشاهدات بس ماشفت ردود !!!!
وانا قاعدة اسال شلون اتصرف لان نوعي اذا احتريت اقط حجي واخف اندفع وتطلع بنتي مطلعة حجي او اندفع بالكلام وتحط ع بنتي
بس جان زين تذكرين باجي الكلمات اللي ما تنقال بعلم النفس خل نستفيد

زين ودلال
Luve rain
مشكورين عالردود ماقصرتو

مشتاقة الى الله
موقف اختج يبط المرارة وااااي مو صج
مااتخيل بنتي تنطق من احد

وانا رحت اليوم بس مالقيت الابلة بس كلمت ابلتهم الاساسية

منها تتاكد من السالفة واذا صج ذيج راح اقعد ع نار لين نكلمها

 

[نور83]

لازم تتأكدينً. واذا صجً قايلهً لازم تواجيهناً.

 

[hooryah q8]

لا مافيها شي انت روحي للابلة وفهميها ان بنتج تحبها وايد واليوم كانت حيل متظايقة لانج قلتيلها غبية لانها تعتقد انج الحين ماتحبينها وبجذي طقيتي عصفورين بحجر منها عرفتي هل قالت لها او لا ومنها وضحتي للابلة ان بنتج تحبها

انا معاها ابفكرتها
و اصلا ياغبيه من اخطر الكلمات التي تنقال حق الطفل الي بعمر بنتج
لانه الطفل بهالعمر يخزن ابمخه و يضايق حيل من اي كلمه تأثر فيه

روحيلها و كلميها اشناطره لا تسكتين لها

 

[tmtmt]

بسم الله الرحمن الرحيم...

خمسة أنواع من الكلام لا ينبغي أن يقال للطفل أو أمامه

هناك الكثير من الكلام والحديث الذي يجب أن ينتهي الناس من فعله أمام الطفل أو فعله للطفل ...

1- أنت غبي :

لا تقل هذه الكلمة له أبدا ، فذلك ينقص من شأنه أمام أقرانه ، ومن الممكن أن تنشأ عقد نفسية في رأسه حول هذه الكلمة.

2- كلمات السب أو اللعن :

لا تقل ذلك أمامه ، ولا تشتم أحدا أمامه ، فتلك الكلمات البذيئة تبني له شخصية مهزوزة غير محترمة .

3- تمني الموت للطفل :

لا تقل له " لو أنك مُت حين ولدتك أمك " أو ماشبه ذلك ، مما يعطيه الحسرة على نفسه ، ومن الممكن أن يدعوه ذلك للإنتحار.

4- أنت كسلان ولا تصلح لشيء :

فهذه العبارة خطيرة جدا ، إن قلت للطفل ذلك فستعطيه عدم الوثوق بنفسه بأنه يستطيع أن يعمل شيء أو يدرس بشكل أفضل.

5- استخدام " لا " كثيرا : لا تستخدم هذا التعبير :

" لا تفعل .. لا تفعل .. لا تفعل كذا وكذا .." بل استعمل عبارة أخرى ، مثل " أعتقد أن تلك الطريقة هي الأنسب والأحسن وأنت تستطيع أن تعملها" فذلك سيدعمه على عمل

 

[tmtmt]

رقم ٥ بمدرسة بنتي بالاجتماع
وايد شددوا عليها

مثلا مو لا تاكل جذي
لا
نقولها

حبيبتي شوفي شلون اكل اكلي نفسي نفس الكبار والبنات الحلوين


مو لا تلعبين بهذا

هاج هذا لعبي فيه ( البديل )
وجذي يعني