تعآلو وعطوني رآيكمم بللي شفته

[ادمـنـ.ـت حبـبك]

:مرحبـــــآآ عرآآآيــسسس
آخبآآركممم.
مدآآممم آني اليوم عطله وحضرتي فآضيه قلت بقرقر على روســكمم شوي والله يعينكمم على بدليآتي لأني دآخله من الفون
المهم قبل كممم رحت عرسسس صجج كآآن يهبل متكلفين الله يهنيهم المهمم وحنآ جذي جآلسين بآمآن الله وتدخل العروسسس > هني مربط الفرس
بقولكممم شكل العرووسس للي صج صج صج كل الصآله فهت مستغربه نآس تضحك ونآس منصدمه
بسسس آنآ آشوف شكلهآآ عآدي وفكرتهآ حلووه بسس حرآآم هذي ليله مره بالعمر > آختصري
بقولكمم آكثر شئ آستغربته كآنت تسريحتهآ مآكآنت مسويه تسريحه ولاشئ
شعرهآ مثل مآآهو لرقبتهآآ بسس شكله مرتب
ومشويه بوفه خفيفه على ورآه ومركبه طرحه نفنوفهآ كآن ضيجج. لي ركبهآ ومنفوش شوي مو وآيد
ؤمآآكآن طويل يعنني يوم جلست بين كعبهآ > خزتهآ خز
مسكتهآ كآنت بسس ورد شكله حلوو ذرب
ودخلتهآآ كآنت نظآم الأجنبي الموسيقي ألعآليه مو إلهآديه بسس صج مزعجه آنآ آقوول هي متعمده تسوي مثل الاجآنب حتآ وآختي وبنآت خآلتي يقولون مهرهآ مآكفآآهآ حق نفنوفهآ وتسريحتهآآ لووووول

وبسسس حبيت آشآركمم بللي شفته بسس ؤربي هذآ للي شفته
آبي رآآآيــــــكممممم ؟

 

[مـآلي شبيه~]

امممم هالدخلات ماتصلح في مجتمعنا
عن نفسي احب اللي تدخل على زفة فنان تكون سلوو هادية و تكون رافعة شعرها طبعاااا عشن احس اانها صج عروس
اما المسكات عادي الكل و ذوقه بس الاحلى تكون ناعمة بسيطه
وبسس تقبلي مرووري ;**

 

[MiSsY HottY]

كل واحد وذوقه يمكن ما حبت تحط اكستنشن عن الحلال والحرام ونفنوف السمكه حلو شخباري اللحين منفوش صار دقه قديمه بس استغربت انه قصير غريبه ما سوت بروفه ​

 

[قدساوية 99]

مو من صجها خلت اللي يسوى واللي مايسوى يتحجى عنها وعن المهر ولا مرره صادفت عروس مهرها كفاها لازم الاهل يزيدون مو حلوة كلش حركتها هذا رايي

 

[أجمل إنسـآنـه ~]

لأياقلبي موعن مهرها مااكفااا,,~,~ لو تقط مهرها كلها علشان هاليله هاذي والصوره والناس..~.~ بس هي متعممده تسوي كذا تبي تطلع ناعمه وغريبه ..~.~ حلو ستايلهااا بس مايصلح عندننا,.,~,~

 

[FJ style]

شوفي حسب نوع العايلة
القصد
عروس البدو غير عن الحضر وناس غير عن ناس وووو

عندنا احنا الحضر زايدة هالشغلة
نفنوف السمكة سمبل والشعر فالينه عادي ومسكة ناعمه وووو
وتطلع اتينن وكل يقول زوغة
اما يمكن عن البدو ما ينفع
فالمفروض العروس تعرف نوع اهلها
وممكن اهي حضرية وانتي بدوية يمكن من جذي استغربتي


بلييييز لحد يفهم غلط والا يخربط على راسي يوم قلت بدو وحضر
ما اقصد الا اختلاف الاذواق لاغير

 

[مجرد ذكرى]

اي الهبـه الحين الكعـب يبيــن ..

وحركـه الشعـر حآبه اتبيـن انـهآ نآعمـه ومثل عـرايس الاجآنب ,,

 

[ادمـنـ.ـت حبـبك]

ستآآيلي لإحيآتي هي بعدد بدويه عشآن جدي حنآ آستغربنآآ بسس حرآآم شكلهآآ كآن غريب بسس على قوله البنآت مآيصلح في مجتمعآتنآ
ويــــسسسسلموووو. صبآآيآآ على المرور. نورتي الصفحه فديتتكممم

 

[قلبهـ 86]

بالعكس حلو شغلها



الناس مايعجبها العجب ،،، ومرضي الناس جايد

 

[غنآآآتي]

الله يهنيها ويوفقها اهم شي انه عاجبها وهذي ليلتها وهي حره

 

[ماركة انثى‘]

امممم من رأيي بصراحه مؤ حلو عروس وستايلها جذي خاصه انها ليله ب عمر

انا لو اقول لج شفت كذا عروس احس انهم مؤ عرايس يعني اذكر مرت ولد عمي كان عرسها شهر ١ اللي طاف كان شعرها نفس العروس اللي قالتي عنها عادي ماكو تسريحه

عاد ناس أذواق بس من رأيي موووو حلو العروس هيك

 

[بيلسسان]

الود ودي اصير نفسها
تسريحه سمبل وبدله سمبل ومكياج سمبل
بس المججتمع

 

[بيلسسان]

ماحب الاوووفر

 

[ادمـنـ.ـت حبـبك]

يسسسسسلمـــووو على مروركمم صبآآيآ وعلى قولتك ليلك المجتمع وكلام ألنآسس وآجد ؤمآآنشسسلم منه يعنني لإزم نحسب لكل شئ ؤربي حتآ ضحكتتج يفسرونهآ ألف نفسير. خآصه آذآ كآنت عرؤوسس

 

[معلمة شيسمونه]

شوفي حسب نوع العايلة
القصد
عروس البدو غير عن الحضر وناس غير عن ناس وووو

عندنا احنا الحضر زايدة هالشغلة
نفنوف السمكة سمبل والشعر فالينه عادي ومسكة ناعمه وووو
وتطلع اتينن وكل يقول زوغة
اما يمكن عن البدو ما ينفع
فالمفروض العروس تعرف نوع اهلها
وممكن اهي حضرية وانتي بدوية يمكن من جذي استغربتي


بلييييز لحد يفهم غلط والا يخربط على راسي يوم قلت بدو وحضر
ما اقصد الا اختلاف الاذواق لاغير

انا بعد اتفق معاها كل عايله لها نظام وعوايل البدو غير عن عوايل الحضر

انا بدويه وكان ودي وميتة علشان اخلي شعري تسريحه على مبطل والنفنوف ناعم

بس خواتي وقفوا لي قالوا ما ينفع ما بيقولون ناعمه بيقولون ما كفاها المهر على قولتكم
وكلامهم عدل انا دايم اسمع هالسوالف
يعني بالنهايه حتى لو قلتي عرسي وكيفي وبسوي اللي يريحني لازم تراعين الناس بالذات بهاليوم

لهالسبب غيرت وقررت اسوي تسريحه فوق راسي خخخخخخخ
وحتى النفنوف حاولت يكون ناعم وهم دخلت عليه شوية شغل بالبدايه ما كان داش مزاجي
بس بعدين لما حضرت كذا عرس كنت اركز على راي الناس وافهم نظرتهم

رغم انه الشايع بهالفتره انه الكل بدا يتجه للستايل النااااااااااعم بالميك اب واللبس


وثانكيو صاحبة الموضوع اثرتي نقطة نقاش

 

[نوفااااا]

صدقوني كل ماصار الشي ناعم وبسيط احلا يمكن ذوق بنت ناعم حيل الناس اذواق حبيبتي

 

[Pinky -cat]

كل وحدة من حقها تختار شكلها بليلة عمرها والناس اول وتالي راح يتكلمون ، مارح تخلص من لسانهم مهمن سوت

 

[ادمـنـ.ـت حبـبك]

آسعدني مرؤوركممم ،،معلمهه ،،نوفآ ،، بنكي

 

[دانة_ دبي]

هي بتكون ليلة العمر كل واحد يسوي اللي يريحه لان الناس يتكلمون يتكلمون لو العروس مااااتت ف ليلة عرسها بيتكلمون كوشتها وعن كل تفصيلة ف العرس

 

[الجادل الترف]

بالعكس اختي الحيييييييييييييين تبي نعوووومه..في الفستان والمكياااااج والتسريحه.........تقووول احس الفستان المنفوش قديم ..ماتبي مكياج اوفررر..
عندنا بالسعوديه قبل كم يوم حضرنا زواج بنت خالي حاطين اساس خفيف او تان وكحل فرنسي تسريحات نااعمه اومرفوع الشعر كله..مافي تكلف زي قبل..فساتين ترتر قصيرررررر........
وحنا متكلفين مخيطين في الكويت ومكياج وبف.....احس حنا اللي صايرين اوووفرررر
والعروس مسويه مكياج عادي ماقالت عروس سوته ب350