~ تعآلـوا متزوجآت نتذكر أول بيبـي! ~

[DaShTeYa_Q8]

قوووة متزوجااات ^.^

خل نتذكر أيام حلوة ونستانس شووي وقولوولنا

شنو موقفج لما دريتي إنج حامل أول مرة و شنوو موقف ريلج و شسويتوو ؟
و إلي سووت مفاجأه حق زوجها شسوت؟؟ شنو حركاتكم

طبعا أول بيبي p;


أنا من حزب النص طماشه عطونا أفكاركم وسوالفكم خنستانس d;

 

[بتبوتااا]

اوو الله على ذيك الايام

على بجري تأخرت الدوره يومين واهل ريلي كلوو قلبونا حنه ورحنا مركز السالميه للتحالين وحللت وبعدين طلعت شربت عصير
ولمن رديت ولا تقول لناا مبرووك قمت اضحك لي السياره وريلي حده مستانس وما خله احد ما قال له والكل قام يبارك لي واللف الحمدلله ,,

 

[** محبوبه**]

ما أتذكر معنا ماعندي ألا ولد أمحق ذاكره
ويومنج أنتي بحزب الطماشه ليش كاتبه (خل نتذكر أيام حلوة ونستانس شووي وقولوولنا ) شنو تذكرين؟؟ ركزي حبوبا بكلامج مره ثانيه هههههههههههههههه
وغلطه الشاطر بألف

 

[G!RLooNa]

واي عاد احس البجر غييييير

انا البجر بين اخواني و بين احفاد اهل امي على قولتهم انتي اللي ونستينا بالغزو

عاد امي درت انها حامل فيني يوم عيدميلاد ابوي لي الحين عندي ورقه التحليل

 

[Pippa]

’
​

• موضوع يشوووق .,!​

​

 

[ام ميميتو]

انا ماعندي غير ولد واحد الله يحمي و خليخ لي انشاءالله قبل ما اعرف اني حامل تأخرت علي الدوره 5 ايام انا كنت مستانسه لاني حاسه اني حامل و خالتي ام زوجي مسكينه ما تخليني المس شي بالبيت عاد امي يابتلي تحليل و حللت بالبيت و طلعت حامل زوجي استانس و قام يبجي الكل استانسو حتى ابو زوجي و اخوانه لان اول حفيد بعدها رحت العياده حللت عشان اتأكد و الحمدلله

 

[أم توتو]

انا الله يسلمج يوم قالولي حامل خفت ودمعت عيني وريلي فرحان والله مو بس البجر بكل عيالي اهو يفرح

 

[نورعيونك]

الله لايحرم احد من هلفرحه

 

[احلى ديما]

انا من قبل لا اتزوج ودورتي متخربطة تتاخر بالشهرين والثلاث فاول ماتزوجت قلت خل اروح حق دكتور يضبطها لي عشان احمل ورحت حق دكتوور معرووووف حيل وللاسف الله يسامحه قالي لازم تسوين تحاليل هرمونات وحليب وهالسوالف مع اني كنت توني عرووووس حتى دورة وحدة مانزلت علي المهم كلفتني التحاليل المبلغ الفلاني بعدين قالي انتي هرمونات الذكورة عندج ثلاث اضعاف هرمونات الانوثة !!!!!!! والله يابنات طقتني البوهه معقولة وين الذكورة وانا صوتي غصب يطلع  ولا فيني شعر زايد ولا شي يدل عالذكورة !!!! المهم قالي انتي حملج صعب جدا ولازم تمشين على علاج ٣ اشهر بعدين اعطيج علاج يديد يعني يبيلج صبر وتعب ولازم تتحملين والله يعينج على كلام الناس لا تسمعيلهم انا راح اعدل وضعج وتحملين بس مو باقل من جم شهر قلت مو مشكله انا اصلا توني عرووس .. والله يابنات مادري شاللي قالي بلاخرابيط توالناس عالعلاجات وقررت مااخذ الادوية مالته واخليها على الله وسبحان نفس الشهر حملت ولا حتى ياتني الدورة !!!!!! قال هرمونات ذكوووورة قاااااال ... حسبي الله على ابليسه من دكتور .. وبثثث سلامتج قعد ريلي شهر يسب فيه عالتحطيم اللي شواه فيني وكاهي بنتي الحين عمرها سنة ونص ماشاءالله *

 

[نور عيني الكويت]

موضوعج حلو
انا اول حمل لي كنا كلنا مسانسين ومابقى احد مادرا بس يافرحة ماتمت سقط بعد التحليل باسبوعين
وبعد فترة حملت وقالت لي الدكتورة لاتقولين لاحد الابعد3شهور بس ماالتزمت بكلامها
وماعندي الاهالبنت الله يخليها لي ونص طموشة الله يفرح قلبج ان شاء الله

 

[bloody a]

انا تاخرت علي الدوره وقلت بحلل بعد جم يوم وريلي سافر فقتله اذا ييت نروح نحلل واهوه مسافر شريتلي تحليل وسويته وطلع بوزتف جان انا وخالتي وحماتي ركض عالمستشفى ساعه ١ الفير وحللت دم المهم طلعت حامل
وظليت ساكته فتره الكل درا اللا ريلي قلت بفاجئه فيوم اليي كان بيوصل رحت مع امي وشريت علبه عبيتها بالكريشه الورديه والزرقه وحطيت علبتين ككاو صغار لونهم ازرق ووردي وشريت جواتي يهال ومصاصتين همن ازرق ووردي
يوم وصل دق علي وقالي وينج قتله في بيت اهلي قالي يالله ردي البيت ابي اشوفج اول ما اوصل بس عشان كنت بالسوق وتالي رحت بيت اهلي عشان اخذ اغراضي تاخرت
ف وانا بالطريج زفني شلون اني مو بالبيت وسواني ما اهتم و مو حريصه عليه ومن هالحجي
المهم وصلت البيت واهوه فتحلي الباب وكان مطنقر وماد البوز
ودخلت واللا توه بيتحجى جان احط العلبه بحضنه يوم فتحها نسى الزعل والاعصاب وطار من الفرحه
بس الله ما كتبلي حمل وطرحت عقب شهرين

والحين انا حامل وسويت تحليل منزلي وكان اهوه ناطرني بالصاله ومن الفرحه كان بيبجي
وبس سلامتج 

 

[اشتياق]

أول حمل فرحه للكل سبحان الله
ربي لك الحمد
والله يرزق كل محروم يارب

 

[حلوه ولمآحه]

انا توني عندي بنوته وحده ،،
بس خبر حملي كان فيه مشآآكل وآآيد يعلها ماتعيد علي يآآرب،،~

 

[sosa_23]

اشكرج موضوع يونس
واي اول حمل كان غير سبحان الله كلهم فرحه بس الاول يظل غير
كنت وقتها حاسه بأعراض وقلت حق امي .. فقالت لي امشي نسوي تحليل قلتلها لا اخاف ماني رايحه الا لما ايي معانا زوجي و يومها كان عنده عرس رفيجه كلمته امي ويا واهو مو عاجبه يقول كنت اقول بقلبي سوالف حريم وتفلم مالا داعي التحليل ابد ويوم سويته وطلع بوسيتف انصفق ويهه حيييل وقام يضحك لوووول وانا بجيت حييييل حاشني شعور بالخوف ان في شي ابطني
وبسس الحمدلله

 

[عجزت افهمهم]

ياااااي
الله يرزقني بالزووح الصاالح والذرية الصالحة وكل طموووشة مثلي
احلى شعووور شعووور الاموومة
الله يرزق كل محروومة ياارب

 

[G!RLooNa]

واي سوسا انا بعد احس جذي بس تفكرين ان في كائن حي داخلج شعور يخوف

 

[ToOoTi]

اول حمل لي ما دريت الا بالشهر الثاني لان الدورة كانت تجيني حالتي كانت مستعصية
طبعا كنت رايحه للدكتورتي ابيها تشوف ليش تأخر الحمال

جان تقولي انتي حامل @@ شلون ومن اسبوع خلصت الدورة

قالت لي بالثاني بعد هههه طبعا بجيت لين وصلت البيت وريلي غصته العبرة لانه اول حمال يثبت عقب 3 حمالات ما تمت

بس الحمدلله على كل حال توفى ولدي بالتاسع وربي يعوضني ان شاء الله

وادعولي فديتكم

 

[دلع روز]

موقفكم عجيبه
انا كنت وقتها احس بالام اسفل بطني وقت الشيسمونه واقوله
واحيانا اتبجبج مو من زود الالم بس جذيه عروس واتدلع خخخخخخخ
وكان يقولي يالله المستشفى شوفي شسالفة الالم
وارفض وهو شاك انه حمل وابعد الاحتمالات اقول لا مو حاسه بشي ع بالي علطول بحس بالنساه
ولما رحت كان برمضان حللت وقالت تعالي خذي التحليل الفير
تسحرت ورحت وقالت لازم تفطرين بنتاكد وفطرني زوجي غصب
ولما درا صار يدق على امه وخواته ويبشر
ومانام يومها زين وانا عقب ماقالولي حامل صرت اقوله احس بلوعهّ^^^^^^جذابه خخخخ
المضحك في الموضوع اول مادخلت المستشفى اخذ التحليل كان زوجي وياااااي
ولقى رفيجه يسولف وياه وانا دخلت وتقابلني الممرضه تقول شنو اسم واعطيها اسمي
قالت مبروك حامل جان اطلع فيها بصدمه وماضحكت وهي كانت فرحانه
طالعت بملامح ويهي قالت اعوزبالله
على بالها مسويته بطريقه غلط من صدمتي
وجاء زوجي يقول شنو شنو التحليل
طالعت فيني قالت مادري اسال هذا هههههههههههه

 

[bal8es]

^
^
^

هههههههههههههههههههههههههه بدعتي الله يتمم عليكم ويرزق الي ماعندها ويخلي الي عندها و يزدهم ما ينقصهم

 

[شموسة كيوت]

الله يرزقني قريب يارب عشان اقولكم شنو عملت وشنو سويت بهذا الخبر

يااااااااي افضل خبر ان شاءالله اسمعووو قريب يارب