تطويل الشعر بسرعه كبيرة !!!

[HaWeK]

السلام عليكم بنات هذي لقيتها بمنتدى ونقلتها لكم .. ابي رايكم أو اي احد مجرب صج ولا !!؟؟

> النقل
هذي الخلطه لقيتها في منتدى وعجبتني ونقلتها لكم بالحرف وهذا كلام صاحبة الموضوع الأساسي " تقول ":


(( آنا عندي لكم وصفة تطول الشعر بمدة قياسية وبشكل كبر ونتايجها تشبه نتيجة زيت أم لجدايل......

اليوم كنت بالمشغل وشافتني وحدة عجوز شوي وقلتلها اني ادور شي يطول الشعر فقالتلي عن شغلة واجد سهلة وتقول ان بناتها على طول يستخدمونها....
والله يابنات ان العجوز هذي من طول شعرها انها تقعد عليه!!
آنا استغربت انها مرة كبيرة وشعرها هالطول ويلمع وناعم.... ))

الخلطة اللي قالتلي عنها مايبيلها شيء:
أخذي ترمس مطحون وانقعيه في ماء حار من الصبح الى الليل، بعدين صفيه وغسلي شعرك فيه أو ادهنيه فيه المهم إنك تخلينه على شعرك من الليل إلى الصبح بدون ماتشطفينه
وتغطينه بغطاء بلاستيك وفوقه منشفه دافيه ...
وخلال 10 ايام بتلاحظين الفرق، وتقول بعد ان هالخلطة تساعد على فرد الشعر المجعد.

بالنسبة لكمية الترمس قالتلي احط 3 ملاعق كبيرة مع كوبين ماء حار وانتوا زيدوا الكمية حسب الطول...

وتقول بما أن الترمس بيكون مطحون وعشان تتجنبين انه يلصق بالشعر مثل البودر ممكن تحطين الترمس في قطعة شاش وتلفينها عدل وبعدين تنقعينها بالماي عشان ما تلصق بالشعر..

ان شالله تجربون هالوصفة وتبشروني بالنتايج ..

هناك ايضا خلطه على هذا الرابط
****
منقول


مممم اشرايكم بنات؟ خبري الترمس ينحط على الجلد علشان يقلل من نمو الشعروهالشئ ماجربته بس قريته من وحده هني بالمنتدى و قريته في كتاب بعد فا مادري!!

ابي رايكم بليز

 

[kingq8q8]

خوش خلطه بجربها انشاءالله

 

[دلوعه ksa]

ثانكيو

 

[هيفو777]

والله خايفه اجربها لان مثل ما قلتي الترمس معروف ان يقلل نمو الشعر اخاف احطه على شعري ويتساقط

 

[معشوقتهـ]

بنات دير بالكم مو اي شي تسمعون عنه تسوونه وخاصه على الشعر ..

الترمس ياكثر ماسمعت انهم يحطونه بعد الحف لتقليل نمو الشعر عاد لوتحطونه على شعوركم شراح يصير

اتوقع بتقرعوووون ~

 

[زهره الجلنار]

يعطيج العافيه

 

[Vous jamais]

والله ما ادري ما تشجع الخلطة

خلج على الزيوت والحنة احسن

 

[MiSS B.K]

لاتجازفين بشي مو واثقه في

 

[شذى الحب]

سبحان الله

 

[ميس هارودز]

أنا اعرف ان ماي الترمس لها مفعول عجييييب على ألويه يصفيه وتصير البشرة ناعمه حيل مثل البيبي لكن على الشعر وبيله بحث مشكوره على المعلومة يالغلا

 

[اووريو]

مشكووورة

 

[ام رضااا]

يسلمو
يعطيك العافيه

 

[123kookoo]

مشكوورة
بس انا اللي اعرفه ان الترمس حق الجسم
مو الشعر​