تطهير الولد

[((الجوري))]

السلام عليكم

بنات بغيت واحد يطهر يكون زين يجي البيت يطهر ولدي ...

اناا من سكان المنطقه الرابعه؟؟

وحطولي رقمه بلييز واللي يعافيكم

 

[شيخه عرب]

ليش بالبيت ...ما تخافبن عالياهل ينزف لا سمح الله وشلون تثقين باحد مو دكتور ؟؟؟

 

[ابدا يالغالي مانساك]

اي صااجه
روحي روحي المستشفي اضمن واحسن واذا ماتبي دور ولويه روحي خاااص

 

[مشتطـه]

ماكو احسن من الحكومة بالتطهير
الخاص كله مشاكل غشيمين

انا طهرت ولدي بالاميري
اسم الله ماشاءالله

 

[قَلبڪْ صًخرْ]

روحي طبيب
شلج بالي اييون البيت !!


يمدحون السلام والمواساة

 

[عجينه]

ررررفع

 

[Poison_Girl]

امبي مو من صجج مال اول روحي الطبيب احسلج
انا طهرة ولدي بالسلام

 

[قشطـــة]

بالمستشفي افضل

 

[! بــدويه وآآيــد !]

،


انا طهرت ولدي بالبيت عند مشتاق وكل عيالنا وجماعتنا عنده ومافيهم الا العافيه
واول ماطهره بجى وصرخ بس حطيت حليبه بحلجه رضع وسكت ونام
ويومين والثالث طاح شاشه واسبوع مافيه لاجرح ولاشي واتعطر عنده عادي


بس مشتاق مايطلع برا الجهرا لازم تعرفين احد بالجهرا تروحين بيته وهو يجيج

 

[زمردة مشعة]

up
up
up

 

[Toffeeya]

اختي الله يهداج لا اتسببين على ولدج اشيظمنلج هذا الي بتييبينه البيت غشيم ولا اغراضه امعقمه !! بالله نزف الولد او صار فيه التهاب ولا شي !! تعوذي من ابليس و وديه الطبيب احسن .. و الله يسهل ان شاء الله

 

[((الجوري))]

مشكوريين بنات وايد

بدويه وايد اي هذا اللي بطهر ولدي عنده لان قلت حق زوجي بوديه مستشفى موراضي يقول بيوديه عند هذا الباكستاني والمشكله مانعرف احد بالجهرا مادري شسوي الحين ..

بدويه بسالج بجم طهرتي ولدج؟

 

[! بــدويه وآآيــد !]

،


الجوري اي مشتاق باكستاني نصيحه وديه له احسن من حلقه ومادري شنو سوالف الدكاتره هذا شاش يطيح لان واجد الحلقه ماطاحت شالوها بعمليه
وولدي مابجى الا بوقت التطهير بس ركب السياره شرب حليبته ونااام ومافي الا العافيه
والتطهير والله مادري بس جنه جنه٣٠ او ٤٠ زوجي واخوي نزلو معاه انا مانزلت قعدت بسياره

وانا جنه سمعت اهو يستقبل ببيته بس مومتاكده دقي عليه سألي رقمه موعندي

 

[فـراوله]

حبيبتي روحي مستشفى أحسن وروحي الحكومه طهورهم حلو وشاش مو حلقه

ما تدرين بالبيت شيصير بولدج

وأنصحج الحكومه أحسن من الخاص بالتطهير


وانتي من سكان الرابعه يعني مستشفى الفروانيه دورج بسرعه وماكو زحمه

أنا مطهره عيالي فيه


​

 

[زين ودلال]

انا بعد طهرت ولدي عند مشتاق الحمدلله تطهيرته واايد زينه

واهو عنده رخصه من الصحه

مو مني والطريج يطهر

 

[((الجوري))]

وايد مشكورين بنات

الله يجزاكم خيرر ...