تطهير الاولاد

[كـ غلا ــلي]

شلونكم امهات بغيت اعرف

متا تطهرون الولد يعني بعد جم يوم من ولادته ؟

وين احسن مكان للتطير؟ وبجم ؟

 

[Om.Zayed]

انا بطهر ولدي لما يصير عمره 20 يوم بالمواساه عند الدكتور المنيع بالمواساة

 

[كـ غلا ــلي]

سويتيا كويت انتي مجربه الدكتور من قبل ولا هاذي اول مره وهمن ما قلتي جم السعر

 

[احلى مريومه]

انا طهرت ولدي في البراء كلينك قبل سنتين كان اب 45 مع تحليل دم قبل التطهير وكان عمره 25 يوم

 

[بنت عطا]

لصار له شهر عشان اكون عند امي

 

[Tulips]

قبل لا اطلع من الأربعين اطهره يعني 30 يوم 25 يوم ... عند عياده الدكتور طارق المخيزيم .. 30 دينار

 

[الكاااااادى]

عادى حبيبتى أى وقت بعد الولادة أنا أختى طهرت ولدها
ثانى يوم الولادة وأهى فى المستشفى .... سألت الدكتور
وقلها عادى وطهرة .....

 

[بيبي بدر]

انا طهرت ولدي يوم كان عمره اسبوعين بمستشفى دار الشفا 40 دينار

 

[..ليالي..]

احسن شي بعد ما يكون عمره 20 وقبل لا تطلعين من الاربعين

انا بصراحه طهرت عيالي عند واحد بالجهراء اسمه مشتاق باكستاني

وياخذ 20 على الطهور

بس اللي سمعته ان منعته الصحه لانه مو مرخص

بس والله ان طهاره زين وعيالي حدهم ثلاث او اربع ايام ويطيبون

 

[جوري 2007]

انا طهرت ولدي بالراشد ب50 دينار

عمره كان شهر

بس ترى الحكومة يمدحونهم ، انا عادي عندي الحكومة ، خوببلاش

بس ريلي مارضى

 

[بناتي زينة حياتي]

25 يوم إلى شهر انسب وقت عشان يمدي يطيب قبل طلعتج ان شاء الله ويكون كبر شوي ,,, اختي دايم تطهر عيالها عند المواساه ب 50 تقريبا كشف + تطهير عند دكتور جراحه معروووف كويتي ماكو غيره اعتقد المنيع ناسيه اسمه ,,, وماشاء الله طهارهم زين وبسرعه يطيب الولد بعد الله سبحانه

 

[غاليه الاثمان]

حبيبتي طهريه بعد 20 يوم وقبل لاتطلعين من الاربعين علشان يمدي يطيب ولا يتعبج بعدين
واحسن واحد المنيع بالمواساة ب 60 دينار وإن شاءالله ثلاث ايام ويطيب

 

[كـ غلا ــلي]

مشكورين كلكم يعني افضل شي قبل الاربعين اكون مطهرته باذن الله واذا بطهره بالحكومه اشلون يكون بالمستوصف ولا بالمستشفى

 

[ام نيوفي]

كلي غلا انا طهرت ولدي في السلام عند استشاري جراحه اشرف كابش بصراحه كنت ناويه اطهره عند المخيزيم بس كان مسافر عشان جذي رحت للسلام بس صج طهارته حلوه و كان عنده زحمه موطبيعيه
ذكرتيني ليالي خالتي ام ريلي كل تمدح هذا مشتاق تخبلي كان مطهر زوجي من زمان و اهو للحين يطهر