تطنيش على الآخر

[أم سم سوم]

صباحكم خيرات ياحلوات ...
راح أدش بالموضوع دغري مثل مايقولون بليز والله يخليكم لاتهملون الموضوع
اللي ماتبي ترد أو لاتعليق :0bee2e8d89:
ترفع الموضوع :n2006107:
موضوعي الله يسلمكم أنا مشكلتي مشكله مع زوجي دايم يحب ينرفزني وأنا صارلي سنتين متزوجه وعندي أعيال وأعيالي عمرهم سنه ونص توووم دايم أيني يقولي أنت أنت أم فاشله أنت ماتعرفين تربين وانا بنات دوامي من الساعه 8 الصبح لحد الساعه 4.30 العصر لأني قطاع خاص
وأعيالي نوعهم عسرين دايمن يبجون وانا أيي من الدوام تعبانه يدوبك اقعد معاهم أشوي واروح آخذ شور وأنام بس أهو ايي البيت قبلي لا فوق هذا كله المصرف ثلث ترباع المصرف علي
ولا قاعده أطلب منه حقوقي بحكم أنه أهوا غير كويتي وأنا مقدره وضعه وشايله عنه المسؤوليه كلها لافوق هذا كله مدلعته بس والحين أنا حاسه أن يخوني :krkrkr::lkmnkl:
لانه متغير 180 درجه علي وصاير مايسولف معاي وإذا قالته سوبف معاي يضل لاهي بالكمبيوتر أو بالتليفون
النهن مايرد علي فياليت تعطوني حل جذري أبي أحسسه أني مو مهتمه له ولاني راده عليه ابيه يحس أن فيني شي غلط أو بالأصح فيني شي متغير فيني أبي ينقهر مثل ما أهو قاهرني بكلامه وتصرفاته ... يالبيت تردون علي

 

[' جـويـريـہ ..❤]

حبيبتي حاولي ترتبين حيآتج احسج حيل متلخبطه ..

عيآلج اذآ نوعهم عسر حآولي تنومينهم مبجر و عوديهم على نومة الظهر يعني لمآ تردين من الدوآم خليهم ينآمون لو ساعه عشان يهدا البيت و تنامين معاهم او خلي ابوهم يساعدج ينومهم معاه لما يوصل قبلج و بعدها تلقينهم ينامون من كيفهم بهالحزه !
عوديهم عالهدوووء اذا ابوهم موجود لا تقولين صغار و ما يعرفون ترا اذا كبروا راح يكبرون على. هالطبع اذا بجى واحد دخليه غرفته بعيد عن ابوكم لا تعودينهم كب واحد يطق الثاني و البيت كله صراخ حاولي تخلين البيت هادي ..
اهتمي بنفسج لبسي كشخي فنتقي املي عينه ..


مادري هذا اللي عندي و ان شاءالله البنات يساعدونج :**

 

[iLLuMinaTion]

الله يعينج

 

[أم سم سوم]

جوريه حبيتي الله يعطيج العافيه
وماقصرتي على نصيحتج بس
أنا أمعوده اعيالي على نومة الظهر
وريلي نوعه مالا بال على اليهال
وكله ماله خلقهم وكله قاعد بالدار ومسكر الباب عليه
مايبي يشوف اليهال ​

 

[أم سم سوم]

iLLuMinaTion

يعين الجميع حبيبتي​

 

[ام كوثر2007]

حبيبتي المشكله واضحه وين ..

مشكلتج مو اشلون تتغيرين عليه ..

مشكلتج بدوامج حده اوووفر متي يمديج تجابلين عيالج ونفسج وريلج ؟

اي ريال يحق له انه يتغير ويفكر افكار شينه اذا مرته مو مجابلته ومجابله عياله وبيتهها والسبب الدوام ..

ادري بتقولين لي انه ظروفكم ما تسمح انج تقعدين بالبيت وانا ما اقولج قعدي لكن اقولج حاولي كل جهدج انج تغيرين للحكومه افضل لج ولبيتج


وبجذى راح تقدرين انج تحافظين علي بيتج وريلج ..


موفقه .​

 

[ياليتهم يشعرون]

الله يعينج

انتي بكل موضوع هذا ردج أتوقع تبين تعرضين بضاعتج اليً بالتوقيع




بخصوص صاحبه الموضوع هذا طبع كل الريايل بس عيشيه ع نار هادئه وطنشي تصرفاتها حاولي تدورين وظيفه بقطاع حكومي أريح لج عشان تهتمين بعيالج

 

[jowree]

غلطتج خليتي اول شي يعتمد عليج المره اليايه لمن يقولج انتي ام فاشله و هذي الكلمه جرح لمشاعر الره اكيد و اهوا يدري انها بتضايقج
قوليله اي صح عشان جذي قررت اخذ اجازه بدون معاش و اقعد اربي اليهال
و انت تصرف علينا
طبعا بهدؤ مو تحدي بعدين حبيبتي عودي اهوا يصرف علي البيت اهوا الريال و لا بس شاطر بالضغاط

 

[أم سم سوم]

اليوم, 11:39:31 AM رقم المشاركة : [6] ام كوثر2007

حبيبتي أم الكوثر هذا حكم دوامي بس شنو بيدي أسوي رزقتي
وأنا ما أملك الشهادات العاليه حق الحكومه وأنا قدمت بالديوان من سنه 2005 وللحين ماطلع اسمي
عشان جذي لجأت للخاص وأهوا مو معارض على دوامي بالنسبه له عادي
لأنه اهوا بعد قطاع خاص ويرجع البيت الساعه 3.00 العصر يعني الفرق بيني وبينه ساعه ونص
بس اهوا موطايق البيت من الاساس​

 

[al-musk]

حاولي ترتبين وقتج لما تردين من الدوام ريحي ساعه وبعدين قعدي واخذي شور وكشخي وضبطي القعده انتي وزوجج والعيال وخلج دايما مرحه على الاقل فكري انج تعوضينه وتعوضين عيالج الوقت اللي ماتكونين موجوده فيه

وعليج بالدعاء والاستغفار والله يهديه ويغيره
ونصيحه لاتفكرين بطريقة انج تقهرينه اهو مالقى شي يلهيه ويشغله عنج الا لانه حاس بفراغ واذا سويتي اشياء تقهره وحده بوحده بينحاش اكثر وبدور الراحه برا البيت
فخلج ذكيه

الله يعينج ويوفقج

 

[أم سم سوم]

ياليتهم يشعرون === أشلون يعني ألعب على نار هاديه واطنش
قوليلي
ومن ناحية أعيالي أنا معمه فيهم وحتى أهوا بعد يعني نظامي أرد من الدوام آخذ شور وأتغدا وأشوف اول شي العيال بعدين اهوا وبعدين من التعب أحط راسي وانام قتيله ​

 

[أم سم سوم]

jowree أنا مانت أقصد اني أخلي يعتمد علي بكل صغيره وكبيره
بس كنتت اساعده بالبيت ماكنت اترك البيت كله عليه وأنا اتفرج
ماكان يطاوعني قلبي ...​

 

[أم سم سوم]

almusk >>> وسويت ورتبت حتى ماأفكر انام لمه أرد عشان يالله يمديني اشوف البيت والعيال وريلي
وماكو فايده أهوا صاير ادمان كمبيوتر <<< ماني عارفه شنو الحل معاه ولاحتى يحب يسولف معاي ولا كلمه
إ كلمته قلته سولف معاي قالي أنت أشكثر تحنين شنو تبين قولي أسمعج وأهوا ساكت
مغ أني ما أحن بس كان يقصد القرقا ​

 

[أم سم سوم]

أستغفر الله واتوب إليه
أستغفر الله وأتوب إليه
أستغفر الله وأتوب إليه​

 

[lolO29]

انا برايي لما تقولين له تعال يا فلان سولف معاي هذي الطريقه غلط انتي لما تتفرغين حق زوجج حاولي انج تجذبينه صوبج لبسي وكشخي انتي سولفي معاه انتي طلعي السوالف منج ظحكي معاه مثلا سوي جاي وحطي مكسرات او شوفي شنو يحب وقعدو مع بعض سولفي دلعيه بكلام حلو اهني راح يرتاح معاج وتطلع السوالف منه .

 

[رحؤؤبه]

جيبيلج خدامتين حق كل واحد وحده وارتاحي

 

[أم سم سوم]

lolO29 >> أنا أيله بأسلوب ثاني يعني ما ايي عطول سولف معاي لأ أقعدأسولف وأقوله يومياتي بالدوام
أو بأي مكان ثاني بس لامن مجيب ولمه أقوله ليش ماترد علي يقولي شنو شقول خلاص اوكي​

 

[tunaQ8]

حبيبتي صبري عليه ان الله مع الصابرين

كل الريايل جذيه مو بس ريلج . من ناحية الخيانه هذي كله تخيلات لاأنك ماخذه صوره سلبيه عن ريلج

تعوذي من أبليس ماكو الا العافيه

 

[أم سم سوم]

tuna q8 >>> جزاج الله ألف خير​

 

[RO0O7Y KUWAITYA]

اسمحيلي بكون شديده معاج
انتي غلطططططططططططانه عسى ماششششششر اصرف ع البيت
الرياجيل لاحنيتيهم قلبوا طبعا مو الكل
لاتصرفين امسكي ايدج
انتي خليتيه يعتمد عليج بالبيت فطبيعي بيكون فاضي ومعاه فلوووس فالنتيجه معروفه اذا ماكو وازع ديني
حسسيه ان في مسؤليه وراه لاتخلينه فاضي الهيه بحياتكم وبالبيت وبالعيال ولا ترا بيلقى الي يلهيه
وفليساتج خشيها انتي ابدا ع هالتعب فيهم
ولاتحطين انه مو كويتي عذر عشان اتحطين المصاريف ع راسج
الزبده انتي عطيتيه مجال
انتي خذيتي دوره ومسؤليته كرجال فطبيعي يدور شي يسويه او يعوض هالفراغ
عموما رتبي امورج عددددل وفهميه دوره