تطلقتي من ريلج الي تحبينه شصار فيج عقب؟

[haya20]

السلام عليكم بنات انا متزوجه صارلي سنه من واحد احبه سنتين بس لما خذاني تغير وايد وصاير شكاك واناني كله هادني وطالع والاهم يقولي لبسي حجاب بس جدام اهلي لان ابوه متدين وقالي ان ما سويتي جذيه بطلق ماابيج اي حب هاذا؟ لا وشنو الحجاب كبوس لعب اهو الحجاب اذا بحطه بحطه حق ربي مو تنكر اصلن والطلعه بالحجاب علشان مايقولون مرته مومتحجبه والنعم بالحجاب بالعكس منو ماتبي تتحجب بس مو جذيه مع انا صلاتي مااخليها بس اهو كارهني لاني عصبت وقلتله ليمتى شنو يعني ولاعت جبدي منه ابي اتطلق صرت الوع الجبد ويهي انصفق وصار اصفر طلعتلي حبوب ودراستي قلت وباقيلي سنه واخلص جامعه صارو سنه ونص من كثر ما قاعده اعيد بهالمواد معدلي راح من النفسيه ابي الطلاق بس اخاف اتحسف لان الصجيه غير ساعدوني عفيه

 

[نونو قلب حمود]

الله يهدجيه لج انشالله
شوفي حياتي انتي غلطتي انج عصبتي بالعكس قعدي معاه وبالمسايس ترى الريال بالكلمه الحلوه يسويلج المستحيل لاتقولين تعبت لا مره ومرتين وثلاث لين مايقتنع
حاولي تقرين سورة البقره واستغفري وادعي ان الله يسخرلج ريلج ويهديه
صدقيني بتحسفين اذا سواها وطلقج الله لايقولها اصلا طبيعي بتحسين انه تغير الانسان لومهما كانت علاقتج معاه ماراح تعرفينه عدل الا بالعشره بيبين عدل واهوا شنو
لاتنسين انج ماخذته عن حب لاتضيعينه من ايدج باجر لي خذته وحده ثانيه بتموتين من القهر اسم الله عليج
وانشااااااااااااالله ماياخذ غيرج

 

[شووقة]

السالفة ماتسوى توصل للطلاق ترى راح تندمين صدقيني الطلاق موسهل وانتي ماخذته على حب
تحجبي سمعي كلام زوجج ولاتعاندينه الريال مايحب المرة اللي تعاند والله يهديكم

 

[جوري 2007]

اذا تحبينه تحمليه

قبل يوم كنتوا غرقانين بالحب ماكنتوا تشوفون عيوب بعض

بس الحين كل شي بان على حقيقته

سوي اللي يبيه وسايريه الريال مثل الياهل

 

[فديت حمودي 2010]

أنتي دلوعة وماتحملين ولا هذا شي طبيعي وأقل من عادي بالنسبة للرياييل اللي غيرة حمدي ربج عالنعمة غيرج يدور الستر؟؟؟؟؟؟؟؟؟

 

[haya20]

يعطيكم العافيه حبايبي بس مايصير اتحجب جدام اهله ومن وراهم لا استغفرالله اهو مايعطي مهله كلش ليش ماقالي هالحجي قبل الزواج وشدعوه يتغير جذي صار واحد ثاني قم يطلع ومايحاجيني الا بنفس شينه وحاكرني وانا سايسته ما صرخت عيزت منه ماكو فايده

 

[haya20]

الله يهدجيه لج انشالله
شوفي حياتي انتي غلطتي انج عصبتي بالعكس قعدي معاه وبالمسايس ترى الريال بالكلمه الحلوه يسويلج المستحيل لاتقولين تعبت لا مره ومرتين وثلاث لين مايقتنع
حاولي تقرين سورة البقره واستغفري وادعي ان الله يسخرلج ريلج ويهديه
صدقيني بتحسفين اذا سواها وطلقج الله لايقولها اصلا طبيعي بتحسين انه تغير الانسان لومهما كانت علاقتج معاه ماراح تعرفينه عدل الا بالعشره بيبين عدل واهوا شنو
لاتنسين انج ماخذته عن حب لاتضيعينه من ايدج باجر لي خذته وحده ثانيه بتموتين من القهر اسم الله عليج
وانشااااااااااااالله ماياخذ غيرج

اي هاذا الي احاتيه باجر يتزوج واموت من الحره لاجذي بتحمل ولا جذاك:eh_s(2): تسلمين حبوبه

 

[^مرايم^]

إنتي حاولي تكسبينه ..

و تحجبي عشان نفسج و ربج مو عشان غيرج ..

و لو هو صج يبيج محجبة هذا أحسن و أحسن .. من اللي ما يبي الستر لأهله ..

و خليج مرنة و لينة معاه و سايريه .. صدقيني بينكسر و يلين و توصلين للسعادة اللي ودج فيها

الله يألف بين قلوبكم يالغالية .. الموضوع ما يوصل للطلاق

 

[haya20]

حبيبتي مرايم الله يعطيج العافيه تسلمين

 

[اشتياق]

اهو مسؤوليتة يحافظ عليج ويخاف عليج ..

والمسكين قال عالاقل جدام ابوي..

باجر اتيي وحده وتقوله اللي تامر فيه ياقلبي ..

وتاخذه وتاخذ قلبه وانتي اتمين تلومين نفسج ..

"يأيها الذين امنوا قوا انفسكم واهليكم نارا"

واهو من باب النصيحه يبي يحجبج وانتي حاولي تتقربين من ربج وتلبسينه عباده وطول مانتي لابسته لج اجرين

اجر طاعة الله واجر طاعة الزوج ..

فكري عدل وترى كل الرياييل 24 ساعه طالعين ويتغيرون بعد الزواج ..

موفقه خير

 

[قمر2009]

حبيتي اول نقطه ونصيحه مني لج واحنا خوات هني بالمنتدى المراه اهم ماعليها بالدنيا 2 ربها وزوجها وانتي لما تلبسين الحجاب اول شي ترضين ربج بعدين زوجج تهقين الله بوفقج تطلقين عشان الحجاب بالعكس شوفي بعدها شبصير فيج وحمدي ربج زوجج فيه غيره عليج غيره موحاصله ومن ترك شي لوجه الله عوضه الله باحسن منه

 

[حجيه هيونه]

الله يهديه ويصلحه ويسخره لج ان شاء الله

 

[haya20]

المشكله انه مو غيره اهني الحره يقولي انا ادري انا موكل متحجبه ملتزمه ويقولي انتي لبسج زين وواسع بس المشكله ابوووي يعني مو غيره كل شي سويتله وموعاجبه يا تتحجبين يا الطلاق مايصير؟ مايعطي مهله

 

[قلبي سلومي]

حبيتي اول نقطه ونصيحه مني لج واحنا خوات هني بالمنتدى المراه اهم ماعليها بالدنيا 2 ربها وزوجها وانتي لما تلبسين الحجاب اول شي ترضين ربج بعدين زوجج تهقين الله بوفقج تطلقين عشان الحجاب بالعكس شوفي بعدها شبصير فيج وحمدي ربج زوجج فيه غيره عليج غيره موحاصله ومن ترك شي لوجه الله عوضه الله باحسن منه

انا معاها

 

[سنفورة]

المشكله انه مو غيره اهني الحره يقولي انا ادري انا موكل متحجبه ملتزمه ويقولي انتي لبسج زين وواسع بس المشكله ابوووي يعني مو غيره كل شي سويتله وموعاجبه يا تتحجبين يا الطلاق مايصير؟ مايعطي مهله

حبيبتي اول شي قولي الا اله الا الله صدقيني انتي مكبرة المشكلة وهي صغيرة وحلها بسيط جدا شوفي مشاكل بعض البنات هني وتهون عليج مشكلتج
ثانيا الطلاااق شيلي من بالج لانه مو هو الحل واساسا ماكوو مشكله باجر راح تتحسفين وقت الصجية صدقيني

ثالثا انا اللي فهمته ان ريلج موفارقه معاه شخصيا انه انتي تحجبتي والا لا عادي عنده لانه هو خذاج جذي بس هو واجه مشكله انه ابوه مو عاجبه انه مرت ولده مو متحجبة ورريلج شي طبيعي يبي يرضي ابوه يبين له انه شخصيته قوية عشان جذي يحن عليج لبسي الحجاب جدام ابوي لانه لاقي ضغط من ابوه وهو وده يطلعج بصورة حلوة جدام ابوه انج تسمعين كلامه وتسوين اللي يبيه صدقيني هذا تفكير الرياييل عندنا بس انتي هونيها وتهون ولا يصير راسج يابس والاحسن انج تتحجبين وترضين ربج وريلج وتمسكي بريلج واذا على اطباعه الثانيه ماي يخالف يتغير شوي شوي وحب سنتين لا تضيعينه بسهولة

والله يكتب لكم اللي فيه الخير:eh_s(8):

 

[اميرة-الاحجار]

استخيري وماتخيبين ان شاء الله

 

[كويتية تهبل]

رد : تطلقتي من ريلج الي تحبينه شصار فيج عقب؟

الله المستعان

 

[ريماس77]

جبيبيتي لوتشوفين شنو المشاكل الي مريت فيها معاه وصابره يوم انفصلت تحسفت ترا وبعد ماردينا تغيرت وقلت اصبر ليمن اي الفرج ويتغير

 

[haya20]

جبيبيتي لوتشوفين شنو المشاكل الي مريت فيها معاه وصابره يوم انفصلت تحسفت ترا وبعد ماردينا تغيرت وقلت اصبر ليمن اي الفرج ويتغير

هاذا الي خايفه منه اخاف اتحسف واتعب بس مافيني حيل يعطيج العافيه قلبي

 

[haya20]

مشكوره سنفوره حبيبتي يعطيج العافيه