تطعيم الكزاز للحامل

[كتكوته حبيبي]

السلام عليكم بنات شلونكمانا حامل بالخامس واليوم رحت موعدي والدكتور عطاني ورقه التطعيم تطعيم الكزاز قالي اخذه اما اليوم او الاسبوع الياي السؤال الحين هالتطعيم مهم يعني لازم اخذه لان سمعت من كذا بنت انا عادي مولازم وفي حريم يابو يهال وماخذو ولا مره لان اهوا اعتقد حق الي يولدون بالبيت ولادوات تكون مو معقمه اما الحين الحمدالله مستشفياتنا نظيفه ومعقمه بس هم الواحد يوسوس وانا ماحب الابو واخاف منهم

 

[Perfume]

حبيبتي اهو مو ضروري
بس لو اخذتيه عادي مافيها شي

 

[zain-alq8]

عادي وايد اعرف بنات حوامل خذووه

 

[غرومه غنوجه]

مادري علدي قالولي اخذيها وكل ماابي اسال دكتوره انسا

 

[فرحتي2.2]

انا نفسج سالت دكتوري عنه قال مو لازم مالاداعي وماخذيته

 

[@ام يوسف@]

الحافظ رب العالمين ماخذيت ولا تطعيم بكل عيالي

 

[روح الأحزان]

اول مره اسمع فيه وولا مره خذيته

 

[ام الحلوااات]

اااااااااااااب

 

[Meeesh]

انا ماخذيته بحملي الاول
ولا بهذا ماخذيته والدكتوره ماطلبته مني

 

[كتكوته حبيبي]

مشكورييييييييين حبايبي ع الردود يعني ما اخذها وانا مرتاحه

 

[KOKO_284I]

سوي استخاره احسن

انا اول مره اسمع عنه

 

[الأميرة جوري]

انا سالت الدكتوره قالت حق اللي يولدون بالبيت ايام زمان الحين انتهت مولازم

 

[أم معاذ الكندري]

ليش ماتخذينها دامها ماتظر أحسن اخذيها
بس مادري اذا أهي مثل إبرة الرئه ولا لا

 

[.. Ro3a ..]

حبيبتي انا خرعوني عبالي ضروريه ولما دقيت ع العياده اسال قالت لي
ان هذا التطعيم اساسا انتي مطعمته مرتين

وهذا حق امي وجدتي ايام اول مو لكم ،.
هذا ردها وما ادري اهو صح اسمه التيتنوس انا اتذكر بالثانويه مطعميني عنه !!!