تطعيم الدرن الشهر الثالث؟؟؟

[زينة الزين]

جزاكم الله خير أمهات

سؤالي واضح من العنوان

شلون تطعيم الدرن للشهر الثالث؟؟ فيه حرارة ؟؟ وإذا فيه حرارة جايدة ولا بسيطة؟؟؟

بنتي منشولة بعد عمري وفيها كحة اليوم باجر إن شاء الله ناوية آخذها الطبيب قبل التطعيم

عفية ردوا علي ضروري بسرعة

جزاكم الله خير

 

[eman84]

كل تطعيم تحووشه حراره بس يختلف من طفل لي الثاني

والثالث ماذكر ان في حراره جايده عطيها ادول قبل لا تطعمينها

 

[حرم راشد الماجد]

لا الدرن مافيه حراره لان تحت الجلد مو بالعضل بس لازم تتعرض للهوا

 

[زينة الزين]

بعد عمري

جزاكم الله خير

 

[دلع86]

لا انا توني مطعمه ولدي مافيه حراره
والسستر قالت لي لا تعطييينه ادول ولا شي لان مايسخن

 

[زينة الزين]

مشكورة دلع والله يخليلج وليدج و تشوفينه معرس ان شاء الله

 

[أم راشد المطيري]

انا توني مطعمة ولدي والحمد الله ما سخن وهي الدكتورة قالتلي ما راح يسخن

 

[shainy]

تطعم الدرن كلش مافيه حراره ولا شي ولا يتاذى منها حتى ما تعطينه ادول ولا شي وطبيعيه
بس عقب شهر راح تنتفخ مكان التطعيم ولازم لا يحوشه لا بودر ولا كريم ولازم تتعرض للشمس عشان تنشف وطلع مثل الوصخ

 

[زينة الزين]

جزاكم الله خير بنات وما قصرتوا

آنا وديتها اليوم الطبيب لأن نشلتها تحولت إلى كحة ونصحني أأجل التطعيم خمسة أيام ليما تخلص كورس الكمام
إن شاء الله بطعمها الخميس بإذن واحد أحد