- إنضم
- 14 فبراير 2009
- المشاركات
- 344
- مستوى التفاعل
- 0
- النقاط
- 0
السلام عليكم بنات
شلونكم عساكم بخير؟
انا احترت احط الموضوع اهني او بقسم لوكات المشاهير
بس بما ان عن تطبيق لوك قررت احطه اهني
المهم ما اطول عليكم
انا يايبتلكم هالفيديو طلعته من اليوتيوب يعلمنا نسوي لوك lady gaga باغنيتها bad romance
المشهد اللي عند ال bath top لمن عيونها وايد كبار وشعرها كشة بس طبعا شكلها وايد كيوت ويصلح زي تنكري
شوفوه
http://www12.0zz0.com/2011/01/29/22/292006090.jpg
وطبعا الفيديو في اشياء وايد مفيدة حتى لو ما تبين اتطبقين اللوك بحذافيرة
الفيديو بالانجلش وانا الحين بقولكم بالعربي الخطوات اللي سوتها:
1.قبل كل شي ركبت رموش على عيونها << غريبة!
اهي تقول ان السبب انها تركب الرموش قبل المكياج لانه اسهل تبنين باقي المكياج على شكل العيون من بعد ما يتحدد بالرموش
(اتمنى فهمتو ماعرف اعبر وايد لوول)
وطبعا عشان اهي تبي رموشها وايد اوفر عشان لوك العيون يصيرون كبار ركبت (اربع طبقات رموش)!!
2.حطت ايلاينر اسود سائل ماركة لانكوم ورسمت عيونها بس من فوق من بداية مدمع العين وفوق الرموش وطلعته سحبه بسيطه بره شوي
3.بعدين مشطت وحددت حواجبها بس بشكل خفيف خصوصا لانها راح تلبس باروكة وقالت معلومة وايد مفيدة
(ان احنا دائما نبي عيونا اهي اللي تبرز مو الحواجب) عشان جذي لايكون لونها وايد غامج
وبعد ما حددت حواجبها حطت عليهم جل الحواجب عشان الشعر يبقى مكانه ما يتناثر(للي شعر حواجبهم كثيف وطويل)
4.بعدها حطت الشدو البنفسجي على تجويف العين بس وتقول ان اللون البنفسجي او الوردي يساعدنا لانه يعطي عمق اكثر حق العين
5.حطت شدو ابيض لامع على جفنها وهالشي راح يخلي العين تبرز وايد وحطت من الشدو نفسه تحت حواجبها
6.يابت القلم الابيض وحطته من داخل عينها
7.بالبداية اهي نست لا تحط قطرة العين وحطتها الحين واهي لازم تحطينها قبل لا تلبسين العدسات بربع ساعه ومو زين تحطينها وايد القطره اسمها (روتو في) لتخفيف اللون الاحمر في العين <ما حبيت اقول حمار العين لول
بنات اللي تعرف عن هالقطرة شي واذا في منها بالكويت تقولي بليز..ادري ان في ماركات ثانية حق نفس السالفه بس انا ابي هذي
8.يابت شدو ابيض كريمي وبالفرشه رسمت على خط رموشها بالضبط من تحت عشان تعطي ايحاء انها كبار وخلتها شكلها مدور وكيوت
9.بعدين يابت الشدو البنفسجي اللي رسمت فيه تجويفة العين ورسمة تحت عينها تحت الشدو الابيض اللي حطتها وحددته شوي بس عشان يعطي منظر ثلاثي الابعاد ويكون شكله واقعي اكثر
10.يابت رموش تكون خفيفة ولصقتهم من تحت بس مو مكان رموشها الصجيين طبعا لا مكان الشدو الابيض الكريمي والتحديد البنفسجي ولصقتهم وتقول اخذو وقتكم بهالمرحله لان حتى اهي عليها صعب الموضوع انها تحطهم بمكانهم الصحيح
11.حطت بلاشر بلون الخوخ وكثرت وايد عشان تبين الخدود مورده وبيبي فيس
12.حطت حمره ورديه باهته من ميبيلين
13.لبست العدسات المدورة اللي تكبر العين بشكل خرافي ولبستهم(كانت حاطتهم بعلبه داخل علبه على لولو كاتي) ياليت عندنا بالكويت نفسهم لا والعدسات ايي معاها ملقط تشيلينهم فيه!!!!
14.اخر نقطه لبست الباروكه الشقره وتقول انها (غاليتها بماي) (مفوحتها لول) علشان تصير كيرلي اكثر
وبالاخير لعبت شوي بالكمبيوتر عشان يصير بالضبط نفس ليدي غاغا بالفيديو كليب مالها
والحين بعد ما بطيت جبودكم وطولت عليكم هذا الرابط مال الفيديو
http://www.youtube.com/watch?v=bHVOxhEpjp0
اتمنى اني اكوون فدتكم وشكراااااااااا
شلونكم عساكم بخير؟
انا احترت احط الموضوع اهني او بقسم لوكات المشاهير
بس بما ان عن تطبيق لوك قررت احطه اهني
المهم ما اطول عليكم
انا يايبتلكم هالفيديو طلعته من اليوتيوب يعلمنا نسوي لوك lady gaga باغنيتها bad romance
المشهد اللي عند ال bath top لمن عيونها وايد كبار وشعرها كشة بس طبعا شكلها وايد كيوت ويصلح زي تنكري
شوفوه
http://www12.0zz0.com/2011/01/29/22/292006090.jpg
وطبعا الفيديو في اشياء وايد مفيدة حتى لو ما تبين اتطبقين اللوك بحذافيرة
الفيديو بالانجلش وانا الحين بقولكم بالعربي الخطوات اللي سوتها:
1.قبل كل شي ركبت رموش على عيونها << غريبة!
اهي تقول ان السبب انها تركب الرموش قبل المكياج لانه اسهل تبنين باقي المكياج على شكل العيون من بعد ما يتحدد بالرموش
(اتمنى فهمتو ماعرف اعبر وايد لوول)
وطبعا عشان اهي تبي رموشها وايد اوفر عشان لوك العيون يصيرون كبار ركبت (اربع طبقات رموش)!!
2.حطت ايلاينر اسود سائل ماركة لانكوم ورسمت عيونها بس من فوق من بداية مدمع العين وفوق الرموش وطلعته سحبه بسيطه بره شوي
3.بعدين مشطت وحددت حواجبها بس بشكل خفيف خصوصا لانها راح تلبس باروكة وقالت معلومة وايد مفيدة
(ان احنا دائما نبي عيونا اهي اللي تبرز مو الحواجب) عشان جذي لايكون لونها وايد غامج
وبعد ما حددت حواجبها حطت عليهم جل الحواجب عشان الشعر يبقى مكانه ما يتناثر(للي شعر حواجبهم كثيف وطويل)
4.بعدها حطت الشدو البنفسجي على تجويف العين بس وتقول ان اللون البنفسجي او الوردي يساعدنا لانه يعطي عمق اكثر حق العين
5.حطت شدو ابيض لامع على جفنها وهالشي راح يخلي العين تبرز وايد وحطت من الشدو نفسه تحت حواجبها
6.يابت القلم الابيض وحطته من داخل عينها
7.بالبداية اهي نست لا تحط قطرة العين وحطتها الحين واهي لازم تحطينها قبل لا تلبسين العدسات بربع ساعه ومو زين تحطينها وايد القطره اسمها (روتو في) لتخفيف اللون الاحمر في العين <ما حبيت اقول حمار العين لول
بنات اللي تعرف عن هالقطرة شي واذا في منها بالكويت تقولي بليز..ادري ان في ماركات ثانية حق نفس السالفه بس انا ابي هذي
8.يابت شدو ابيض كريمي وبالفرشه رسمت على خط رموشها بالضبط من تحت عشان تعطي ايحاء انها كبار وخلتها شكلها مدور وكيوت
9.بعدين يابت الشدو البنفسجي اللي رسمت فيه تجويفة العين ورسمة تحت عينها تحت الشدو الابيض اللي حطتها وحددته شوي بس عشان يعطي منظر ثلاثي الابعاد ويكون شكله واقعي اكثر
10.يابت رموش تكون خفيفة ولصقتهم من تحت بس مو مكان رموشها الصجيين طبعا لا مكان الشدو الابيض الكريمي والتحديد البنفسجي ولصقتهم وتقول اخذو وقتكم بهالمرحله لان حتى اهي عليها صعب الموضوع انها تحطهم بمكانهم الصحيح
11.حطت بلاشر بلون الخوخ وكثرت وايد عشان تبين الخدود مورده وبيبي فيس
12.حطت حمره ورديه باهته من ميبيلين
13.لبست العدسات المدورة اللي تكبر العين بشكل خرافي ولبستهم(كانت حاطتهم بعلبه داخل علبه على لولو كاتي) ياليت عندنا بالكويت نفسهم لا والعدسات ايي معاها ملقط تشيلينهم فيه!!!!
14.اخر نقطه لبست الباروكه الشقره وتقول انها (غاليتها بماي) (مفوحتها لول) علشان تصير كيرلي اكثر
وبالاخير لعبت شوي بالكمبيوتر عشان يصير بالضبط نفس ليدي غاغا بالفيديو كليب مالها
والحين بعد ما بطيت جبودكم وطولت عليكم هذا الرابط مال الفيديو
http://www.youtube.com/watch?v=bHVOxhEpjp0
اتمنى اني اكوون فدتكم وشكراااااااااا
