تطبيقي لكيكة قدرة قادر للاخت احلى همبه كويتيه

[Um Ritaj]

السلام عليكم

حاولت سنين اني اضبط كيكة قدرة قادر ولكن اغلب محاولاتي تفشل

لكن الحمدلله جربت طريقه الاخت الفاضله احلى همبه كويتيه وضبطت من أول مره عسا ربي يجزاها خير ويوفقها

وهذاصفحة الطريقه



http://www.q8yat.com/20743659-post164.html



وهذي صورة لتطبيقي وسوري ترا مصورة من الايفون

وخالص تحياتي لكم

 

[أحلى همبه كويتية]

الله الله الله
ايه الجمال ده كله
عليك بالف عافية حبيبتي
دعواتكم لي بالدنيا كلها

 

[Um Ritaj]

فديتج والله الجمال تعلمته منج

وصج بيضتي وجهي جدام زوجي عسا ربي يبيض وجهج بالاعمال الصالحه

بس عندي مو مبين صور تطبيقي !! انتو تشوفونها والا لا ؟؟

 

[عاشقة الاسلام]

صورة تطبقيج للاسف موا طالعه

 

[ام الدرر]

ماكو صورة حبوبة
طرق همبوشة ماشاءالله مضبوطة ماتخرش المية
عليكم بالعافية​

 

[Um Ritaj]

عااااد صج حرام اذا ما طلعت الصور لانها فعلا شكلها وطعمها حلوو

 

[جارة القمر]

عااااد صج حرام اذا ما طلعت الصور لانها فعلا شكلها وطعمها حلوو

ماشاء الله





تسلم هالأيادي



وبالعافييييييييييييييييييييييية حبيبتي




الصور تشوق:eh_s(22)::eh_s(17):

 

[إماراتية طر]

ما شاء الله عليج من شكلها يبان انها عذاب

 

[Um Ritaj]

جارة القمر


اماراتيه طر

تسلمون علي المرور حبايبي

وانصحكم تجربونها لانها طعام جنااان

 

[..asoolh..]

واااااااااااااااااااااااااااااو رووووووعه
ماشاء الله..تسلم ايدك...
الله يعطيك العافيه

 

[:: Diva ::]

ماشالله شكلها موووووصج
عليكم بالعافيه

 

[Um Ritaj]

تسلمووووون عسوله وديفا

مروركم الاحلى

 

[JANAA]

ماشاء الله تطبيق رائع وانا راح اعملها كمان

يسلمو الايدين يا حلو

المعلمه همبوش خبره يسلمو الايدين يا همبوش

 

[Um Ritaj]

هلا وغلا جنا

انصحج تسوينها وبقووووووووه

كل اغراضها متوفره بكل مطبخ وما تستخدمين ادوات كثيره مجرد خلاطه ومقلاه وصحن للفرن

بس للامانه ترا انا خليتها بالفرن تقريبا ساعه ونص او ساعتين الا ربع وحمرتها من فوق وعقب طلعتها ودخلتها الثلاجه

عوافي علي قلوبكم مقدما

 

[أحلى همبه كويتية]

حرام عليج
ربي يسلم ايدياتج على التطبيق الحلو
ومشكورة على هالدعوة الحلوة ربي يخليكم لي

اشتهيتها الحين

والله برجع البيت واسويها
بس المشكلة اليهالوووو ما ياكلون الا طبقة الكريم كراميل ( الألبا )
ويقطون الباقي انا اكله ههههههههههه

​

 

[أحلى همبه كويتية]

ماكو صورة حبوبة

طرق همبوشة ماشاءالله مضبوطة ماتخرش المية

عليكم بالعافية​

فديتك والله ام الدرر
بعد قلبي :eh_s(7)::eh_s(7):​

 

[ارجوانه كوول]

واو ما شاء الله تشهى
بس للاسف ما فتح معاى رابط الطريقة
تسلم ايدج

 

[Um Ritaj]

تسلموووون يا بنات

اذا مافتح الرابط بنزلج الطريقه

 

[Um Ritaj]

كيك قدرة قادر*
سموها بهالأسم لأن الخليط بعد ما يستوي يصير طبقتين*



*



المقادير:

ثلاث أرباع كوب سكر محروق


الكريم كراميل:

2 بيض
ملعقة صغيرة فانيليا
برش ليمونة
نصف كوب سكر
2 كوب حليب بودرة
2 كوب ماء



مقادير الكيك:

3 بيضات
ملعقة صغيرة فانيليا
نصف كوب سكر
كوب طحين
ثلاث أرباع كوب زيت
ملعقة صغيرة بيكن بودر

نصف كوب حليب سائل ( سقط سهوا )



< الطريقة:

نحرق السكر في مقلى على النار حتى يذوب، ثم نسكبه في قالب الكيك، نلاحظ أنه يجمد فورا.

نخفق خليط الكريم كراميل ونضعه فوق السكر المحروق، نخفق خليط الكيك ونضعه فوق الخليط السابق.

نخبز الكيك في الفرن في حمام مائي (أي نضع قالب الكيك في صينية بها ماء مغلي) مدة 54 دقيقة أو حتى يحمر الوجه، تترك الكيكة لتبرد، ثم توضع بالبراد مدة خمس ساعات، وتقلب على صحن التقديم بعد أن نحدد الحواف بالسكين.

 

[أحلى همبه كويتية]

بنات في مقادير الكيكة
اكيد مقدار الحليب السائل سقط سهوا

لأنه بدون الكيكة وايد يابسة

انا سويتها امس وضفت الحليب



لذا لزم التنويه والتعديل​