تصرفات الزوج الغريبه

[لجين]

حبيباتي شخباركم انا ما ادش واايد للمنتدى بس ضاقت فيني الوسيعه مثل ما يقولون
بغيت استفسر منكم منو مرت بهالظروف ولا شافت احد جذي ابي افهم ليش يسوي جذي
زوجي غريب طبعه لما انا اجيه واتدلع عليه يتضايق ويتهرب وخصوصا اذا صارت مناسبة
عرس ولا شي اكون رايحه الصالون وكاشخه ما يمدح ولا يعطيني بال ويتعمد يطنش انا اطوف
واقول مابي ابالغ واحيانا اقص واصبغ شعري عادي عنده ما يعطي تعليق ولما اكون عاديه
وبالبيجامه بدون مكياج ولا نايمه بعز نومي يجيني يبي معاشره واحيانا اكون مع عيالي
سهرانه يبجون وفيهم حراره ماله شغل يبي ياخذ اللي يبيه
ينرفزني ..
احجز فندق يكشت فيني ومايروح
اذا صار عيد ميلاده اهتم فيه يخليني ويطلع مع ربعه
فجيت عنه وخليته عادي قام يطلع عيوب مو فيني ويلزقها فيني غصب
يقولي انتي كبرتي ،،،
يقولي مافي اهتمام بالبيت واصلا هو ما يقعد علشان يلاحظ اهتمام
وما يوضحلي اهتمام من اي ناحيه
نظام يحقر وبس
طولتها عليكم بس والله تعبت منه
ولا مره طلعت معاه الا وتهاوشنا يتعمد الهوشه علشان اكره اطلع معاه
شسالفه ؟؟؟
احد يفيدني شسوي تكفون تكفون