تصدقون احس ان هالكلمة صعبة انطقها

[وحيدة احزاني]

صباح الخير اخواتي الكويتيات

اممممممم مادري من وين ابتدي بس ...انا يتيمه الوالدين ....واليوم بالدوام سمعت وحده تتكلم مع ابوها تقول يوبه ...حاولت ارددها بيني وبين نفسي من جد حسيت انها صعبه واني محرومه من ابوي ... ومن حنان امي وهي تكلم تقول امي تقول امي زعلت علي وغيره ...قلت في نفسي الحمدلله على النعمه الي انتي فيها ... بس انا غير الحمدلله اعيش مع اخواني واخواتي بس وقت الفلوس يعرفوني ويظهر الحنان الفلس ذيك الساعه
يارب تصبرني وتفرجها علي وعلى جميع المسلمين
والله اكتب ودموعي تنزل
يارب ارحم والدي كما ربياني صغيرا
دعواتكم لي بالفرج القريب :eh_s(16):....ربي يحفظكم ​

 

[وحيدة احزاني]

لو راح الاب من يبقى لك الامان ...حتى يا يوبه كلمة يوبا ابي انطقها صارت صعبه بالحيل ما اقدر انطقها حتى بيني وبين نفسي
تراني مديونه للبنك بسبت اخوي والله ...يارب فرجها
تدينت حتى رفض البنك لا يعطيهم زياده والحين يبوني اجدد القرض
يعني عمري كله راح اقضيه بالدين وياليت الدين مبين في شي بس للاسف مشاريع مالها اول ولا اخر
اااااااااه والله قهر ..نفسيتي داون والله
وما كان ودي اتكلم ولا اقول شي
بس انا ما فيني اجدد السلفيه ...
هل يعتبر نكران جميل لو ما عملت الي يطلبونه مني اجدد السلفيه ؟
الله يرحمك يا يوبه ما كان حالي مايل كذا
يمه ربي يرحمك ماكنتي راح تخليهم يسون فيني كذا
بديت انهار والله ...واتمسك بالامل
ويضيع الامل ...واتمسك بالحلم
وكل يوم اصحى اقول يمكن اليوم الفرج
يارب ارحمين برحمتك يا ارحم الراحمين​

 

[bent mahoma]

الله يعينج جبيبتي وفعلا مايحس بالنعمه الا اللي فاقدها
الله يفرجها عليج ويحفظج ويرحم والدينج برحمته الواسعة ويغفر لهم
ولا تضايقين وتسود الدنيا بعينج الحمدلله للحين الدنيا بخير واحنا اهني خواتج نعين ونعاون
​

 

[رحيق الحياة]

الله يرحم والد و الوالده ويسكنهم فسيح جناته
الله يصبر قلبج وفرج همج اللهم امييين

 

[الأميرة كيرارا]

عورتي قلبي
الله يطرح لج البركة بولد حلال و ذرية صالحة يارب

 

[دااانوه]

حـــبـــيـــبـــتـــــــي انتي


الله يكون في عونك و يرحم أهلك و يجمعك فيهم بجناات النعيم

 

[كلك ذووق]

حبيبتي .. لا تدينين من البنوك ترا ( الدين عما عين )
كل مااحتجتي طلبي من اخوانك خواتك .. وهذا مو تفضلاَ منهم .. كل مسلم وآآآآجب عليه يقوم بأهله ويسآآندهم

وعلى فكره تريني مثلك بالظبط أسمع البنات بالدوام يتكلمون عن ابائهم الله يحفظهم لهم
وأنا ابوي احسه زي الحلم .. توفى ربي يغفر له وعمري 5 سنين
مااذكر عمري قلت يـــبــا ..

بس الصبر حلوو ... وإحنا مأمورين بالصبر على قضاء الله وقدره

ربي يغفر لأبوي وأبوك وأمـك ولجمييييع المسلمين والمسلمات الاحياء منهم والاموات

 

[هنووفوو]

الله يفرجها عليج ويحميج ويحفظج ووفقج يارب

 

[فلبينية عبدة]

صاادقة والله

ما يحس بالنعمة الا اللي فاقدها ..


الله يرحمهم برحمته يارب

 

[يحبنى الله *]

والله بكيتينى
بس الله ارحم من كل الناس لك
وحطى فى نفسك واحد لواحد يعنى قلبك واحد لواحد هو الله

ولا تتدينييين الله يخليك كافى انه فيه ربا

ورضا الله فوق كل شىء
استخيرى الله فى كل شىء

 

[أحبج يمه]

يا حياتي انتي

عسى الله يعوضج خير عن كل اللي فقدتيه

 

[جوهانة]

الله يلاحمهم ويصبرك
ويفرج لك همك ويرزقك الزوج الصالح يارب

 

[كتكوته ورديه]

الله يععينج

 

[" ام حمود "]

فديتج والله .. الله يصبر قلبج ويوفقج بحياتج حبووبه

 

[~*~الملكة~*~]

الله يرحمه ويغفرلهم

ان شاءالله تتزوجين وتهلين بالعيال وتسمعين منهم هالكلمه

اما بالنسبه لاخوانج اتوقع ساعدتيهم باللي تقدرين عليه لاتضغطين على نفسج اكثر من جذي

لاتحطين شي فوق طاقتج

 

[وحيدة احزاني]

bent mahoma.....رحيق الحياة...الأميرة كيرارا....دااانوه...كلك ذووق...هنووفوو...فلبينية عبدة.....حبيبة حمد....أحبج يمه.....جوهانة.....كتكوته ورديه....." ام حمود "...~*~الملكة~*~

مشكورات يالغاليات على الرد الجميل وعلى الدعوات الحلوة
والله ما كنت ابي اتكلم بس حسيت مثل الضيق بصدري ابغى افضفض
يارب ارحمنا برحمتك .....
يارب وفق اخواتي الغاليات الي بالمنتدى وخارج المنتدى ويسر لهم امورهم وبارك لهم فيما اعطيت​

 

[MiSsY HottY]

الله يعوض عليج حبيبتي اللي فقديته

 

[السر العجيب]

الله يغفر لوالدينج وللمسلمين والمسلمات ,
والله يفرجها عليج من حيث لا تعلمين , ويشرح صدرك و ييسر امرك امين

 

[mahawy89]

:eh_s(16)::eh_s(16)::eh_s(16)::eh_s(16)::eh_s(16):



خليتيني ابجيي والله



الله يفرج همج حبيبتي :eh_s(16)::eh_s(16)::eh_s(16):​

 

[ملكة الأسطوره]

الله يعيييينج يا قلبي ويصبر قلبج ويرحم وااالديج ويغفر لهم
لا يضيق خلقج حبيبتي الله معااج والله يرزقج ان شاء الله بالرجال الصالح
اللي ينسيج همج ويفرحج ويعيشج بسعااده طول العمر ويعووضج عن كل شي فقدتيه
خلي ايمانج باالله كبير اهو قادر ع كل شي سبحاانه والله يفرجها عليج حبووبه ....