((تسولفين يومياتج بالدوام حق زوجج؟))

[om MaRyooM]

السلاااااااام




ماكو شغل،،، طرا على بالي سؤاال


كل وحدة تقولنا تسولفين حق ريلج شيصير بالدوام او هذي شقالت او هذي شسوت ؟؟؟


من ناحيتي احيانا اي . . بس مو كل السوالف

ولازم كل يوم كل واحد فينا يقول شسوا وشصار بدوامه ..

واحيانا اذا مقهورة من وحدة ولا صار شي أول واحد ألجأله زوجي لأنه يريحني
واحب اقرق معاه _03ba:


انا اشوف هالشي مو زين مادري ليش ..
المفروظ الوحدة ماتقول لزوجها كل شي بالدوام ..



شرااايكم ؟!​

 

[جـــواهر]

اهو مايسال اصلا وحتى لو سال مو ملازم اقوله سوالف رفيجاتي اقوله مواقف صارتلي مهم انه يعرفها امن اذا ماكو اقوله
عادي اليوم كان عادي ماصار شي جديد

 

[ام فرووس]

انا ما قوله كل شي ولا اعطيه تقرير يومي

بس مرات اذا صار موقف اقول

 

[أم حووور81]

انا ما قوله كل شي ولا اعطيه تقرير يومي

بس مرات اذا صار موقف اقول

نفس الرد بالضبط

 

[om MaRyooM]

زين تسوون تعجبوني


يللا الباجين بشوف بس انا الملقوفة ولا في نفسي ؟؟ لوووول

 

[اشتياق]

امبلا اسولف وياه عن اللي صارلي وغصب يسمع مو طيب

 

[ياعشيري جعلك السلال]

مرة سمعت وحدة في برنامج من زمان

تقول اذا دخلتي البيت انسي الدوام واذا دخلتي الدوام انسي البيت
يعني سوالف البيت ماتنقال للرفيجات والزميلات بالدوام ونفس الشي حق الزوج

لان مع الوقت بيمل ويصير هواش على شي بايخ

 

[عنايد]

قبل كنت اقوله بعدين قمت اذا تهاوشت معاه يقول اي انتي حتى رفيجاتج جذي وجذي يعني بدال لا اشكي عليه ويخفف عني صار يمسك علي

هالشغله فقمت مااقول له مولازم

 

[GuERlaiN]

طبعا ما اقوله سوالف رفيجاتي بس اذا مواقف ولا اذا احد جرحني احب اقوله لانه صج يريحني برده

 

[Spoildish]

مرااات اسولف عشان الفت انتباهه بس عمك اصمخ الحين ما قمت اسولف الا اذا صارلي شي اقوله معني ادري انه مو قاعد يسمع بس اني اطلع الي بقلبي :eh_s(6):

 

[om MaRyooM]

منورين ..


*ياعشيري جعلك..*

ردج عجبني .. وصح كلامج والله
بس وييين اللي يتعظ احم احم

 

[زوجة-القمر]

آنا اقول بس مو كل السوالف طبعاً

 

[سبائك]

نادرا بس اذا في سالفه تستاهل تنقال

انا بروحي ما اواطن الدوام هالدور ارد البيت اسولف عنه بعد......لا لا دليت احسن ههههههه

 

[@ام ضاري@]

قبل كنت اقوله بعدين قمت اذا تهاوشت معاه يقول اي انتي حتى رفيجاتج جذي وجذي يعني بدال لا اشكي عليه ويخفف عني صار يمسك علي

هالشغله فقمت مااقول له مولازم

وهذا الشي الغلط انه يمسك عليج ويعايرج

 

[om MaRyooM]

مشكورين حبايبي

 

[حبي الاول]

اي عادي اقول

 

[الزهر الابيض]

انا للحين بالجامعة ...بس ما اسولف معاه عن الجامعة والبنات والدكاترة كللللش

لدرجة مرات مايدري جم مادة ماخذه بالكورس !! بس اللي يعرفه متى راح اتخرج تقريبا ...بإذن واحد أحد

 

[om MaRyooM]

^
^
زين تسوين والله

وعسى الله يوفقج وتتخرجين

 

[الزهر الابيض]

تسلمين حبيبتي والله يسمع منج

 

[المستغفرة 74]

مو كل السوالف احيانا اقولة بس بدون ما اعلمة الاشخاص منو