تسمونها خيانه او لا

[تخيل اعطيك وجه]

السلام عليكم
كويتيات بدخل بالموضوع من القهر اللي فيني
زوجي يدخل نت ومنتدى ولعبه وحيل متعلق فيهم ومايخليهم دقيقه وحده
وتعبت معاه كل يوم هوشه لين طحت عليه يرد على مواضيع بنات وبنات يردون عليه :eh_s(14):

كلمته قال هذي مو خيانه الخيانه اكلم بنت بالتلفون الخيانه اضيف بنت بالايميل
الخيانه اطلع مع بنت :rgewrg::rgewrg::rgewrg:
يعني اللي يكلمها بالمنتدى واللعبه مو خيانه :eh_s(14):
تعبت معاه ولا تقولون لي ازعلي جربت الزعل مافاد معاه نهائيا
من دريت انه يرد على بنات راسي صدع
ومو قادره اوزن نفسي انا عندي منه اعيال وتعبت مادري شنو اقول :eh_s(2):


تسمونها خيانه اولا ؟؟؟؟؟؟؟؟؟؟؟




شنو ردة فعلج اذا زوجج نفس زوجي

 

[t o o t]

قوليله ترضى ادش منتدى واسجل بنك نيم وارد ع الرياجيل؟


اذا قال لأ

قولي انا نفسك ؟

والله يعينج جد اكره الرجال اللي عارف للنت وهالسوالف

اوف انقهر منهم

 

[خالف تعرف]

قوليله همن انا بعد بسويلي نك وبرد على الشباب دامك ماتعتبرها خيانه
وسوي نك وعقبها قوليله بنظم معاك ياحياتي دام في وناسه بعد بستانس
اذا قالج اوكي معناته ماعنده خرابيط
اذا اخترع عرفي ان في خلل بالموضوع

 

[Freakya]

انا امي مرة قالت لي ان في فتوى ما تجيز هالشي ..
اذا لقيتها بحطها لج ..

 

[عسل سل]

دام مايررضااهااا انتي بعد لاترضين
ولاتنسييين الشيطاااان يستدرج الانساانه شووي شوووي

 

[STILL G L A M ~]

عما بعينه لاقيج ساكتت له استغفر الله مابي اشيشج بس قوليله بدش متى شباب وابسولف معاهم هاذا منتدى مو خيانه

اهو ترا شي يجر له شي منتدى بعدين ايميل سري بعدين مكالمه بعدين نظره بعدين وبعدين

هاوشيه نقديه على نفسه قولي مضيع وقتك بهالمسخرا ووريه فتوى مثل ماقالت الاخت واذا مانفع معاه زعلي زعله جايده ولا اذا ماتبين عوار الراس وكل هالدوخه

عطي طاف وسكتي شوفي اخرتها وين .. ولا سجلي بنفس المنتدى بسم دلع وتعرفي عليه وصيدي عليه شي وسويله صادوه

 

[دلووعه وحلووه]

واااى لو انا بمكانج بعفسه عفيييسه
خل يقعد معاي ويلعب ويسولف شكو يقعد مع بنات بالنت!
لعبي معاه اونو دومنا سوني 3

انا كله العب معاه انضيع وقتنا

 

[co0o0la_girl]

عما بعينه لاقيج ساكتت له استغفر الله مابي اشيشج بس قوليله بدش متى شباب وابسولف معاهم هاذا منتدى مو خيانه

اهو ترا شي يجر له شي منتدى بعدين ايميل سري بعدين مكالمه بعدين نظره بعدين وبعدين

هاوشيه نقديه على نفسه قولي مضيع وقتك بهالمسخرا ووريه فتوى مثل ماقالت الاخت واذا مانفع معاه زعلي زعله جايده ولا اذا ماتبين عوار الراس وكل هالدوخه

عطي طاف وسكتي شوفي اخرتها وين .. ولا سجلي بنفس المنتدى بسم دلع وتعرفي عليه وصيدي عليه شي وسويله صادوه

عما بعينج انتي تكلمي عدل شنو هالاسلوب ترا ريلها عيب شنو هاذا نقدي وعطي طاف في اسلوب احسن عيب

و بعدين الموضوع مو لهدرجه يعني ترا عادي كلا منتدى اذا مجرد رد مافيها شي و مثل ما قالو الخوات قوليله انا بعد بدش العب معاك
ولا تكبرين السالفة و تزعلين

 

[NO A7TKAK]

اقول السالفه صغيره ولاتكبرينها غلاي
واذا سمعتي شور بعض العضوات عز الله منتي بفالحه
سجلي بالمنتدى الي هو فيه بنك بنت والعبي معه !
شوفيه وجسي نبضـه وترى الشك يفتح لج ابواب مسسكره
و ... كيدهم عظيـم

 

[ruby13]

اذا اسوي هالشي جدامج مو خيانه اذا من وراج خيانه ومثل ماقالو البنات اذا اهو شايف الموضوع عادي سويلج اكاون وكلمي صبيان بتغير نظرته لوول

 

[HaYoOoMa]

قوليله خلااص دام عادي ومافيها شي

انا بدش وبشارك وبلعب مع الموجودي سواء شباب وبنات عادي مافيها شي نفسك ؟؟؟؟؟؟؟؟!!

وبعدين المره الذكبه اهي تعرف شلوون تسييطر على زوجهاااااااا @@

مشالله ياوقت الفراغ اللي عنده عشان يلعب بالنت ويسولف مع خلق الله


باجر ينعجب بوحده وباسلوبها ويتعلق فيها وشووفي شنو وراا هذااااااا

لو انااا

اشنقه @@

 

[fdeet_shosho]

لاتسوين سالفه ولا شي
يعنى بتفهمونى المتزوجات اللى ردوا الحين وقالوا لاتسكتين وقولى بكلم شباب ان ازواجهم مايدشون نت ولا منتديات ولاعندهم اى فون او بلاك بيري ؟؟!
هذا صار شي طبيعي يعنى زوجج يدش نت شنو تبينه يسوى يتصفح ومايحاجى احد ؟ عادى منتدى عام ورد وتعليق وردوا عليه وانتى تشوفين اللى يكتبونه والتعليقات اذا شفتى شي قليل ادب او مو زين هنى تتحجين ويحق لج تحاسبينه ترا مهما الصار الرجال مو جاهل تتحكمون فيه عطيه مساحه من الحريه وبينيله انج واثقة فيه وانج مستحيل تشكين فيه عشان يخاف يسوى شي
لو فيه بلا زوجج كان ماعلمج عالمنتدى وماكنتى تعرفين نكه اصلن ولا يخليج تدشين وتشوفين
من رايي لاتكبرين الموضوع واحرصي على بيتج ولاتعيشين عمرج بنكد وهم وصياح وهواش لاتقعدون تدورون المشاكل خل الحياة تمشي

 

[رحيل المرافيء]

لا مافيها شي عادي ومو خيانة

 

[هيبة ملك]

ماراح يطيعج بيتم يدش دامه يحبها هاللعبة

 

[princess.78]

take it easy ولا تكبرين الموضوع هذا اولا ...

ثانيا يعتمد على ردود زوجك بالمنتدى شوفي شلون يرد ع البنات ردود محترمه ولا يتميلح بالكلام

ثالثا نصيحتي لك ... سجلي بنـك من وراه وراقبي مشاركاته كل يوم شوفي فيه عضوه معينه دايما يشارك معاها ؟؟ فيه عضوه معينه

دايما يتكرر اسمها بردوده .. سبحان الله لو في شي اكيد بتحسين من الردود اكيد والاسلوب بالتعامل .


لو نفرض انك شكيتي شنو تسوين


مشكله ؟



لا اكيد


تبدين تشاركين معاه

تضيفين مواضيع يهتم لها

وتردين عليه حاله حال باقي الاعضاء

إلى ما ان يطيح بالمصيديه لو تقرب منك او راسلك خاص

بعدها يكون عندك دليل وتسوين الهوشه اللي تبين خخخ وتمنعينه منهم لان الكره بتكون بملعبك

 

[*ريما*]

لا ماتعتبر خيانة
كلها مشاركات في منتدى
ولاتصيرين حيل شكاكة
بعدين يمل منك

 

[سيدة الذوق]

عادي لاتعطين الموضوع اكبر من حجمه.. ولاتحطين راسج براسه

بالنهايه هبه وينساها

 

[وردة^الكويت]

انا عن نفسي ماني شايفه فيها خاينه ؟؟!!

شنو المشكله منتدى عادي مواضيع شتى و كل المجالات عادي
و اللعبة كل من هب و دب لعب له لعبه اونلاين ...
اللي بيخرب بيخرب من اي شي مو منتدى و لعبه !!!
انتي مكبرة السالفه و الثفة اهم شي

اذا كلش كلش مابذنج ماي
اشتركي بمنتداه و طرشي له رسايل خاصة شوفي اسلوبه
خليج اشوي خفيفه معاااه جسي النبض

بس لا تشكين دامج ماشفتي شي يستحق

 

[STILL G L A M ~]

عما بعينج انتي تكلمي عدل شنو هالاسلوب ترا ريلها عيب شنو هاذا نقدي وعطي طاف في اسلوب احسن عيب

و بعدين الموضوع مو لهدرجه يعني ترا عادي كلا منتدى اذا مجرد رد مافيها شي و مثل ما قالو الخوات قوليله انا بعد بدش العب معاك
ولا تكبرين السالفة و تزعلين

انا قلت شي غلط حبيبتي كل واحد مسؤول عن كلامه وردوده انتي شكو تردين علي انا راضياا لو صاحباا الموضوع سبتني انتي شكو قطيعه !!

بسم الله الرحمن الرحيم والله جد تخرعت امبيه :eh_s(1): ..

واذا عن عما بعينه اي وانا صاجه يمال العما الي يصيب عيون الي يخونون ويقولون احنا مانخون او بالاصح ما تعتبر خيانه حلوه هاذي ..


وواذا عن نقديه اقصد حبوبه انها تقول له حركات يهال داش منتدى وتسولف مع بنات خل يستحي ع نفسه شوي

واذا عن طاف انا قلت اذا ماتبين المشاكل عطيه طاف وشوفي اخرتها معاه ..,

ع العموم انا اتاسف لصاحبه الموضوع اذا ازعجتها لاني قاعدا انصحها بصراحا مو مجاملا

ومو انتي يا كولا مادري بيبسي تعلميني العيب والله العيب الي اتلزق بردود الناس وفوق هااذا يسبهم ..,

خلي عندج ديموقراطيه وكتبي ردج وطلعي مسويه اكشن يعني !! يحليلج والله ..

..,​

 

[ترف بابا]

حرام عليكم هالصكه

خليه على النت

اصلا لو تلقينه مع بنت بدارج بيطلع عذر- بعيد الشر مثلا

عادي كلهم جذي