تسمعين صوت براسج يكلمج ؟ او حركات احد يسويها بمخيلتج على طول .. بس مو ناس صجيين

[diamond doll]

السلام عليكم


بنات انا كنت اسمع اصوات براسي والمشكله اكثر من واحد والحمدلله رحت عند شيوخ وناس قروا علي وكله راح وصارت لي بلاوي ثانية بس الحمدلله تشافيت

المشكله الحين اني وايد احس باحد يكلمني بس بالاشارات يعني مثلا بسوي شي احس احد بمخي جنه يهز راسه يعني ( اي اي سوي )

استغفر الله وايد تاذيت وهم احس باكثر من احد

اتمنى تكونون فهمتوني

وانا شاكه بوحده انها مسويتلي عمل بسبة الي كان صايرلي بس مو متاكده

وفي طريقة اعرف فيها منو مسويلي س ح ر ؟

وللعلم انا على طول مشغله سورة البقرة بغرفتي وحاطه ملح خشن بزوايا الغرفه

بس وايد اتكاسل لما بقرا سورة البقرة اقول وايد طويله .. مادري شنو

وقالولو لي من قبل انه حايشتني عين قوية في صدري

فرحت حق شيخ واحد ثاني كان يمسح على جسمي بس المشكله انه يضغط على صدري بايده !! يعني في حاجز بس انه يكرر الضغط على هالمكان

قلت يمكن مايجوز هالشي ومارحتله مره ثانيه بس يمكن لانه حتى اهوا شاك انه فيني عين بهالمكان

مادري .. ابي تجاربكم ضروري

 

[شــــــــــــــوقــــه]

مادري والله ما اعرف هالسوالف

سلامٌ قولٌ من رب رحيم

الله يشفيج ان شاء الله و يعمي عين هالناس

 

[مموريز]

اكثري من الرقية الشرعية ..........

دوري على خلطة الرومي جدا مفيدة للي فيهم *** او عين,,راح تلاقينها بالنت ..............

كثري من الدعاء والزمي الطهارة والاستغفار والله يشفيك شفاءا من عنده.............

 

[روح امها]

امبيه من صجج تروحين حق شيخ يسوي فيج جذي @@
الله يشفيج مافيج الا العافية ان شاءالله

غصبي نفسج واقري مو خسرانة شي

 

[fruity]

السلام عليكم


بنات انا كنت اسمع اصوات براسي والمشكله اكثر من واحد والحمدلله رحت عند شيوخ وناس قروا علي وكله راح وصارت لي بلاوي ثانية بس الحمدلله تشافيت

المشكله الحين اني وايد احس باحد يكلمني بس بالاشارات يعني مثلا بسوي شي احس احد بمخي جنه يهز راسه يعني ( اي اي سوي )

استغفر الله وايد تاذيت وهم احس باكثر من احد

اتمنى تكونون فهمتوني

وانا شاكه بوحده انها مسويتلي عمل بسبة الي كان صايرلي بس مو متاكده

وفي طريقة اعرف فيها منو مسويلي س ح ر ؟

وللعلم انا على طول مشغله سورة البقرة بغرفتي وحاطه ملح خشن بزوايا الغرفه

بس وايد اتكاسل لما بقرا سورة البقرة اقول وايد طويله .. مادري شنو

وقالولو لي من قبل انه حايشتني عين قوية في صدري

فرحت حق شيخ واحد ثاني كان يمسح على جسمي بس المشكله انه يضغط على صدري بايده !! يعني في حاجز بس انه يكرر الضغط على هالمكان

قلت يمكن مايجوز هالشي ومارحتله مره ثانيه بس يمكن لانه حتى اهوا شاك انه فيني عين بهالمكان

مادري .. ابي تجاربكم ضروري

السلام عليكم
حبيبتي انتي اللي فيج ما يبي شيوخ تقرا عليج لان واضح مثل الشمس ان فيج نوع من الامراض النفسيه اعرفه عدل لان اخوي اخصائي نفسي واعرف هالسوالف
مابي اقولج اسم المرض بس روحي حق اخصائي نفسي واهو راح يقولج ويعطيج العلاج ولا تهملين نفسج لان هذا النوع اذا تطور ممكن يوصل للانتحار الله يحفظج

 

[قآنون كيفكـ!!]

مادري عسى الله يشفيج يارب ...
شوفي خلطة الرويس تحصليننها بتويتر او ع المنتديات

 

[diamond doll]

تسلمون بنات ماقصرتوا

فروتي دزيت لج عالخاص

 

[غلآ نوآف]

مدري والله
يعني ماقدر اقول ان ممكن *** او جان
او انه يكون حالة نفسية
مالي خبرة

 

[رسيل المطيري]

عليك بالرقيه الشرعيه والاذكاار حافظي عليها
واذا استمر معااك روحي لشخص متخصص يقرا عليك بس الافضل الواحد يقرا بنفسه
والله يشااافيك ..

 

[Patcholli]

اولشي الحمدلله انج تشافيتي من الي كان فيج
ودايما الامراض الروحيه عقب العلاج منها يظل في ترسبات بسيطه تحتاج منج تحصين ورقيه مستمره عشان تتلاشى
سورة البقره لازم تكون مركزه عليج انتي مو على المكان الي انتي فيه
ممكن العارض الروحي يكون فيج انتي مو بغرفتج
يعني انتي لازم تسمعينها على طول مو تحطينها بغرفتج وتطلعين
وانتي لازم تقريبنها ويفضل على الماي وتشربينها
مولازم تقرينها كلها مره وحده جزئيها الصبح جزء وبليل جزء وقبل النوم نص الجزء الاخير

وجذي

ولازم تحصنين روحج بالرقيه الشرعيه وتستمرين عليها

وقبل كلشي لازم تحطين فبالج انج قويه وتقدرين تتغلبين على اي شي سلبي سواء كان روحي او عضوي او نفسي خلي ثقتج كبيره بربج

واذا اتعرفين شيخ زين ومجربته استمري معاه عالاقل مره بالشهر خليه يشوفج ويساعدج بالعلاج

 

[Japanese]

من ناحيه دينيه اي نصيحه دوم حصني نفسج

يتروالي سالفتج اكثر مشكله نفسيه

فيه ناس ع قولتج يتروالهم ان حذ يكلمهم ،، فيه ناس يتخيلون انهم عايشين بحلم ومب حياه صجيه والخ

انا دايما يروح بالي انها ممكن تكون مشاكل نفسيه اكثر من روحانيه لآني العاده استبعدهم الا في حالات معينه


مثلا مثلا عداوه قويه بيني وبين حد وعلامات السحر تقريبا معروفه اوكي الواحد يغلط فيهم بس في اشيا معينه يعني تدل ع السحر

واشيا جذي

بس دام الواحد يصلي ويعرف ربه ودوم يحصن نفسه ف ان شاء الله ماتصيده هالآشيا

المهم ،، ماعليج شر ان شاء الله والله يشافيج ويعافيج وان شاء الله مب *** لاتوسوسين حبيبتي

 

[أإلع ـشق دلع ـهـأإ]

انتي اظاهر فيج قرين اهو الي يكلمج

وعلاجج الرقيه الشرعيييه وتقدرين تعرفين منو ساحرج اذا قرا عليج شيخ كذا مره يتعب الجن ويتكلم

صارت لناس شكثر !!

بس ممكن تعلميني شلون يعني تحسين ناس يكلمونج اسمع بناس مخاوين يقولون يعلمونا بكل شي فلان حش فيج فلان صارله جذي
فلان تراه تعبان فلان يكرهج

يقولون تعبنا كرهنا الناس ويعلمونهم ترا فلانه ساقطه ولا فلانه حامل

انتي جذي ؟؟


<خفت هههههههه

بس لا تخافيين شكثرً تشافوا عليط بخلطة الشيخ ابراهيم الرويس وخلطة الرومي والرقيه واستمري عليهم

 

[؛؛حلاوه؛؛]

لازم تقنعين نفسج إنج زينة وان هذي أوهام شغلي نفسج
وتفائلي ورددي انا زينة مافيني شي وخالطي الناس

 

[امـل لاينتهي]

نفس ماقالت الاخت فروتي جايز يكون مرض نفسي لاسمح الله اسمه سكيزوفرينيا وجفنا منه اللهم ياكافي بالمستشفى حالات متظورة منه صار يقولهم ان الناس تبي تسممكم وماعرف شنو واتاثرو ماياكلون وعدوانيين جربي روحي لدكتور شاطر من الحين قبل لاتزيد الحالة

 

[زوجة عزيز]

روحي حق شيخ يقرى عليج قران موالشيخ اللي يقولج من مسوي لج *** هذا عراف او ساحر وعلى طول شغلي الرقيه الشرعيه وسورة البقرة واقريها يوميا بماي وشربيه وفي زيت زيتون ودهني جسمج فيه واقري اذكار الصباح والمساء والله يشفيج

 

[حبي غالي]

الله يشاافييج يارب