تسجيل القراءات

[بستان الأمل]

السلام عليكم ::ggdw:
أبي أسأل عن كيفية تسجيل مواد القراءات.ويصير أسجل مواد عربي قراءات مثل البلاغة والشعر؟

 

[eastfem]

القراءات له وقت محدد اعتقد اخر اسبوع من رمضان وبصالة زين ، ةولازم تكونين خريجه
وبالنسبه للمواد الى تاخذينها قراءات اذا كانت مونازله وانتى خريجه يااما ينزلها لج الدكتور او تاخذينها قراءات او ايكون تعارض بالوقت وحده مادتين مواكثر مادري بالنسبه لمادتج بنات قسمج يفيدونج اكثر لان حسب طبيعه الماده موكل المواد تنزل قراءات وبالتوفيق

 

[Om-Yassofy]

حبيت اضيف على كلام الاخت ..

في يوم يحددونه العماده حق تسجيل القراءات ..وبهاليوم تروحين العماده تنطرين دورج بالارقام ولما يطلع تعطينها رقمج الجامعي واهيا تشوف جدولج تقولج شنو الماده اللي تبين تسجلينها قراءات اهيا راح تشوفلج اذا يصير ولا لأ وعقبها راح تعطيج ورقه عشان الدكتور يوقع فيها والعميد المساعد للشءون الطلابيه يوقع فيها و رئيس القسم .. عقب ما تاخذين الورقه تروحين حق الدكتوووور تساحلييييييييييينه عشان بس يرضى تدشين (اذا كان وايد مسجلين قراءات) بعدين تروحين حق [رئيس القسم ولازم اهوا بعد يرضى .. وبعدين روحي حق العميد المساعد واخر شي وديها العماده عشان يدخلونها السيستم ..


ههههه شراح مفصل
اتمنى اكون فدتج

 

[lolowawa1234]

شروط القراءات انه يكون اخر كورسين لج ,,,مايصير تاخذينها كورس صيفي,,,الماده تكون متعارضه مع جدولج,,,الدكتور يوافق,,,,او انج اتييبين موافقه من اي دكتور سبق ودرس هالماده,,,يعني موشرط الدكاتره اللي منزلينها هالكورس,,,وماده فيها نجاح وسقوط ومالها معدل (فكه),,,في دكاتره يجتمعون كل اسبوعين ويشرحون المقرر وفيه دكاتره يقولون تعالي بيوم الامتحان وامتحني وتوكلي على الله,,,وفي يقولون هاتي لمنا بحث يابنت الحلال بلا امتحان بلا بطيخ,,,انتي وححظج والمواد العملي مايصير قراءات بس المواد النظريه

 

[Om-Yassofy]

اي صح ومو شرط تسجلين قراءات بماده تكون نازله بالكورس .. يعني عادي تنقين اي ماده تسجلينها حتى لو كانو مو منزلينها

 

[فديتـ♥ترابـ♥الكويتـ]

.
.
.
موضوع محيرني والله ..واتمنى بس ماده قراءات
وانا بسال بعد عن مواد الرياض اللي تعرف عنهم شي
ممكن اخذ اي ماده من هذيل قراءات
او سمعتو بناات خذوها قراءات !!؟
ادب اطفال
حركيه <<يقولون هيام صارت تعطيها نظري مو عملي
صحه نفسيه
النظام التربوي بالكويت
اانقليزي 110 و 111​

 

[بستان الأمل]

الله يعطيكم العافية أخواتي على هالشرح الوافي والكافي وفعلاً استفدت من ردودكم لأني كنت حيل محتارة بالنسبة للمواد اللي بسجلها قراءات لاني خريجة وما أبي أتأخر
مشكورين واااااااااااايد :dddds:

 

[gosha]

المادة عليها جم وحدة وجم مادة يصير اخذها قراءات انا بالادارية