تسافرون وانتم حواااااامل .. ؟؟ دشو ابي ارائكم

[رغد84]

مرحبااااا

بناات بااخذ رايكم بموضووع مكدرني شوي

انا حاامل وعندي بيبي عمره سنه

وصار لي جم سنه ماسافرت
وقاعده اطالب ريلي يسفرني العطله
بس راااااافض
ايقوول تضرين نفسج وانا مسؤول وماابي اكسب ذنب لو يصير فيج شيء

اقووله
عادي الوحده اتسافر واهيا حامل

صج صج ضااااااايق خلللللقي :eh_s(2):

يعني مافي سفر وانا ابي اغير جو
جدامي ولاده وبيبي جديد
وحالتي حاله :eh_s(1):


الله يعييييييييين

 

[رغد84]

uuup

 

[أم توتو]

كلامه صح الطيارة مو زينه اذا كنتي بالشهور الاخيره وحتى بالشهور الاولى اهم شي صحتج اذا بالسيارة ميخالف بس هم تعب والله يهون عليج

 

[روحي82]

انا لما بغيت اسافر وانا حامل رحت الطبيب عشان يشوف وضع البيبي طبعاا كنت بالشهر الرابع

لان لازم يشوف عشان مايصير ضغط بالطياره وسبب ولاده وقالي الحمدالله كلً شي زين

وممكن تروحين كنت قايله لدكتور ان الرحله ست ساعات ولا عاادي مايضر انشالله

بس سبحان الله تكنسلت السفره لاسباب خاصه

يعني قبل تروحين روحي لدكتور يعلمج وسلامتج

 

[ماركة انثى]

السفر موزين للحامل وخاصه بالاشهر الاولي والاخيره​

الله يتمم عليج وتولدين بالسلامه وبعدين سافري للي تبين ...​

 

[Miss Chanel]

انا كنت بحمالي اسافر 6 ,5 ساعات
والحمدالله ماصار فيني شي
بس كنت بسافر بطياره ومنعتني الدكتوره لان البيبي مو ثابت
انتي اسالي دكتورج وموفقه

 

[دعـاء]

رفيجتي سافرت ولها اسبوع من التاسع
ومو سفرة ساعتين ثلاث لا
الى امريكا دايركت يعني طعش ساعة
احنا كلنا قلنا بتولد بالطيارة
الله وكيلج عدت شهرها وما ولدت

بس قبل ما تسافر سألت الدكتورة وقالت لها دام وضعج طبيعي عادي سافري
وسافرت وكاهي ولدت وجابت بنت واحسن منها مافي

 

[احلى ـآ وحده]

انا سافرت وانا حامل بالثالث بس رحت دبي يعني ساعه ونص والحمدلله ماكو الا العافيه

 

[الفدنه]

انا مااحب اسافر وانا حامل اخااااااف
مع ان ببجري سافرت وانا ما ادري اني حامل والله ستر
استخيري حبيبتي

 

[الحياة جوهره]

سالى دكتورج اهوالى يقرر تقدرين تسافرين او لا واذا تبين تسافرين لا تروحين بعيد خليج قريبه لوووووووووول دول خليج

 

[dectora 7elwa]

انا رحت امريكا وانا حامل بالبكر وكنت بالسادس
والحمدلله ماكو الا العافيه

 

[dectora 7elwa]

وترا كان عندي نزيف بدايه الحمل وماخذه مثبت لين اول الرابع بعد

 

[النوري نور عيني]

رحت المصر في الرابع ...ورحنا العمره ومرينا الطايف ةالباحه بالسياره وكان لي سته والحمدالله ما كو الا العافيه ..بس حملي مستقر وما عندي مشاكل...

 

[om MaRyooM]

عادي حبوبة مو معناته حامل يعني توقف حياتج

انا توني رادة من تايلند والطريج كان طويل والحمدلله مافيني الا العافية

بس شوية تتعبين صراحة .. واذا معاج بيبي لاتاااخذينه نصيحة

بس سالي دكتورتج اذا حملج آمن

 

[مظلومة حيل]

انا لما بغيت اسافر كان عمر ولدي 2 سنة وكنت حامل بالشهر الثاني وكان معاي صديد اقوى من الالتهاب وكنت رايحة حق المانيا بالطيارة 7 ساعات و بعدها بالسيارة ساعتين عشان المنطقة بعيدة

بس الحمدلله كان الدكاترة راضين اسافر بس اهم شي عدم الاجهاد و لازم تسترخين و تريحين نفسج والله يسهل عليج يارب

 

[الشيخة@]

اسالي الدكتور احسن وانشاءالله تسافرين

 

[كويتية بروما]

وانا حامل بولدي عزوز رايحه راده بالطياره نزلت بالتسع شهور 4 مرات اجازه الكويت بالثالث وبالخامس وبالسادس السابع والحمدلله مافيني الا العافيه بس سالي دكتورج احسن