تزيين ركن الفنية وآخر إبداعاتكم؟؟

[أحلاهم]

السلام عليكم ورحمة الله وبركاته
شلونك معلمات..شخباركم بالدوام..وانشالله ما تعبتوا بتجهيز الصفوف..
شرايكم كل وحدة تحط لنا آخر صيحات الموضة لركن الفنية مالها ويا ريت بليز بالصور..الصراحة انا ما اعرف انزل الصور للحين ..وكل وحدة تقول لنا فكرتها عن هالركن ..وشاكرة لكم مروركم..:gathering:​

 

[أحلاهم]

18 وحدة دشت ولا رد شدعوة-ما راح اكتب اي موضوع بعد -شسالفة

 

[لباسه اللولو]

رفع عشاااااااانج

 

[:: عائشه بقلبي ::]

صيحات وايد

بس النحاسه عند المعلمات اكثر واكثر

الله يعينك في هالمجتمع

 

[أحلاهم]

لباسة اللولو والخنساء مشكورين عالمرور..والنحاسة موجودة لازم بس عاد شدعوة كلها ركن فنيه وتصوره وتحطه عشان الكل يستفيد بعد..بس جد صابني احباط اني انزل مواضيع او اساعد حد بالردود..

 

[لآلــئ]

خوووووووووش فكرة الصراحة وموضوع جدا جميل والكل ممكن يستفيد منه
ودي اخدم بس جد ماعندي افكار وشبه ضايعه لاني توني متعينه يديد
وبالتوفيق
وشدو حليكم يا ابلات لان الموضوع وااااااااااااااااااايد مفيد

 

[عبااير]

انا توني اشوف الموضوع
بصراحه حلو اذا قدرت اصور لج ركن الفنيه اللي بصفي واوريج ان شالله

 

[أحلاهم]

فديييييييييييييتكم اللي ردوا..والباجي بليز حطوا صور لاركانكم بالاخص الفنية لانه دوم فيه تجديد..والله ما اعرف انزل صور بس بتعلم وبنزل صور ركني الفنية انشالله

 

[عهود الحب]

اشمعنى ركن الفنية بالذات الي مطلوب
انا طريقتي كل الاركان ازينهم ما اهتم بركن معين بالذات
بس دام طلبتي ركن الفنية بالذات


في عندج مستهلكات الركن من اقلام شينية تالفة تقدرين تخلينها بوردر للوحة برواز يعني
ممكن تسوين بالفلين مثل باليتة الالوان المائية الكبيرة وتحطين الدوائر الكبار مفرغة تعرض فيها صور الانتاج الفني

ممكن تحطين سلاسل ملونة تنزلين منها مشاريع الاطفال

ممكن تبدعين وتشكلين اشياء فنية
بس احلى شي الذرابة والبساطة بالتزيين والاركان كلها شغل متناسق ما يطغي ركن على اخر

 

[kajool_80]

عاد الفنيه يبيلة وايد أشياء وبصراحه ماارتاح الا لمن اروح الزهور الشرقية
اللي بحولي عشان أكمله وانا لحد الآن ما جست صفي والسبه الدورات والورش اللي ما تخلص

 

[وداني بنت امها]

مرحبا حبيبتي انا زرت وايد مدارس في منهم حاطين اشياء من السقف تنزل طبعا مثل عندك شكل القلم الكبير و انا امحدده ركن الفنية بالا:e3:قلام اللي انتهت صلاحيتها شي بسيط بس من نوع التغيير و عندك سويت اشكال للوجوه طبعا اشوي غريبة بس مضحكة و دبستها على زوايا الرف و سامحيني