تزوجت مرتين وتطلقت وعمري 20 سنه بالله مهو ظلم

[شموخ ممطير]

انا يتيمه وتزوجت واحد مريض نفسي واهله ماعلموني انه مريض وتطلقت منه بعد سنتين تزوجت بواحد متزوج وبعد شهر تطلقت من غير سبب السبب الوحيد الي عرفته انه مايقدر يتحمل مسؤليه بيت ثاني وانا الضحيه حسبي الله ونعم الوكيل​

 

[FDET NFSY]

الله يعيينج

ويرززقج بلي يستاهلج

 

[ł ŏ ł γ . . ✿]

يآ حبيبتي آنتي وآلله آلله يرزقج بآللي آحسن منهم

 

[بطاطةحلوة]

لاحول ولا قوة الا بالله

خلاص انسي الي صار وابدي حياة جديدة وان شاء الله البنات يفيدونج اكثر لان والله ما ادري شقول....​

 

[Miss.madry]

عسى الله يرزقج بلي احسسن منه

 

[ميس المشاعر]

الله يكوون بعوونج
السبب الوحييد والرئيسي انكم مااسألتوااا عدل عنهم قبل الزواج
وين خوالج او عمامج او اي احد تعرفينه ؟؟؟
حبيبتي الله يرزقج باللي يستاهلج ويسعدج يا رب

 

[شموخ ممطير]

والله يجزاكم خير لا والله يا اختي سئلنا عنهم بس ماطلع فيهم شي والثاني كان ملتزم ومدرس تربيه اسلاميه بس طلقني يقول ماقدر اتحمل المسؤليه وانا الحمدالله ماينقصني شي والكمال الله بس ماقدر اقول الا كل شي قسمه ونصيب اللهم لا عتراض على حكمه

 

[كلي-حلآ]

الله يعوض عليج عسى ان تكرهوا شيئا وهو خيرا لكم ماتدرين يمكن خيير لج الطلاق بسس المره الجايه لاتتسرعين

 

[القصيدة]

السلام عليكم و رحمة الله و بركاته

حياتي أنتي و الله :eh_s(17):

فيه ناس الرحمة منزوعة من قلوبهم و ضميرهم ميت و لما تكون بنت يتيمة ما لها سند يستغلونها حتى يزوجون مريض نفسي أو يتزوجها رجال متزوج يبغى يأدب زوجته ..!

حسبنا الله و نعم الوكيل فيهم

غلاتي حقك ما راح يضيع عند رب العالمين و الأمر بإيدك تسامحينهم أو تتحسبين الله عليهم

إذا تقدرين حاولي تكملين دراستك أو تتوظفين حتى تشغلين وقتك و تحسين باستقلاليتك

طيب عايشة مع مين الحين ؟؟ و كيف نوع علاقتك مع اللي عايشة معهم ؟؟ و هل كانوا راضين عن اللي صار لك في زواجك الأول و الثاني أو انغشوا زيك ؟؟

الله يكون بعونك و يعوضك خير و يوفقك دنيــا و آخرة :eh_s(17):​

 

[شموخ ممطير]

انا عايشه انا واختي مع ابوي طبعا ابوي متزوج وانا واختي عايشين بسكن مستقل بس بنفس البيت الي ابوي عايش فيه وخواني وخواتي كلهم متزوجين وامي متوفيه مالنا الا رحمه ربي

 

[ޢޢޢإيمانޢޢޢะۣۨ>]

ياحياتي الله يعوضج ويرزقج بالأحسن ، تفائلي ولا تيئسين من رحمة الله ​

 

[شموخ ممطير]

تسلمين يالغاليه على الدعوات

 

[عويتقة]

عسى ربي يعوضك انتي اعلمي انو كل شيئ خيير وما تقعدي تلومين نفسك او تفكرين كتير لان كل شي بيد الله وتقربي من الله اكتر وأكتر وحاولي تلهين روحك بشي شغلة او هواية والله يعينك

 

[_ظل الياسمين _]

اعرف وحده تزوجت مرتين وتطلقت
الاول امه ضلت وراااه ليما خلته يطلقها
لانه الامهات تكارهوا...واهم كانوا يموتون
فى بعض ونطرته سنين يردها ولا ردها..
والثانى طلع همجى واسلوبه وطبايعه ماتنحمل
الحين ربى عوضها بانسان شايلها شيل وطاير
فيها عسى ربى يهنيهم دوم ...
قسمتج الزينه جايه ان شاء الله بس انتى
خلى اتكالج على الله .

 

[*المــــلكة*]

ان شاءالله حياتج الياية بتكون احلى سواء الله رزقج بواحد زين او الله ماكتبلج الزواج بعد
ان شاءالله بتعيشين حياة حلوووة بس انتي شيلي نفسج بنفسج ولا تنطرينم احد ايي يعدل حياتج ويسعدج
سعدي نفسج بنفسج
والله يوفقج حبيبتي​

 

[لوفيه]

ذكرتيني بوحدة عمرها ٢٠ متطلقه مرتين
واحد مريض نفسي والثاني فيه اعاقه
وعندها ولد مع انها عايشه بظل أمها وأبوها
بس أهم عندهم ان البنات هم ولازم نخلص منه
مع انهم يدرون بكل شي
والحين عقب ما انقرصوا حاطين بنتهم وولدها
بعيونهم صغيرة ومالها ذنب

مادري ليش ذكرت القصة

بس انتي خلي اتكالج على رب العالمين تراه سبحانه ماينسى عبده
خلج قريبه من الله وبتشوفين الخير كله

موفقه حبيبتي

 

[شموخ ممطير]

الحمد الله انا متوكله على الله والله ماينسى عبيده

 

[لياليـ]

عسى الله يرزقح باللي احسن منهم
اتقبلي مروري

 

[شموخ ممطير]

امين وتسلمين يالغاليه على المرور

 

[" ام حمود "]

كل شيء قسمة ونصيب ..
الله يعوضج خيير حبووبة