تزوجتي واحد أقل من مستواج التعليمي؟؟

[ماعرفتك زين!!]

السلام عليكم بنات شلونكم
هالموضوع للنقاش مو للهواش
بنات منو تزوجت واحد أقل أو أكبر من مستواها التعليمي وتعبت معاه ومن عقليته اللي مو مثل مستوى تفكيرها سواءاقل او اكثر؟:eh_s(10)::eh_s(10):
انا عن نفسي تزوجت واحد شهادته 3 متوسط وانا جامعيه واستخرت وسبحان الله صار نصيبي معاه بس والله يابنات مو سالفة اتكبر عليه لا والله بس انا احب اتناقش بامور واجد واخذ واعطي بالكلام وافهم الكلام وافهم اللي جدامي وماحب المشاكل احب النقاش,,:eh_s(7):
بس اهو لااا غير عني بكل شي والغلط عنده صح وعاداته غلط يعني واحنا ماشين بالشارع مثلا يبطل الدريشه يقط عزكم الله الزباله:rgewrg: هذا مثلا اقولكم
مره رحنا فندق ويمشي ويقط زقارته بارض الفندق ويطفيها برجله:eh_s(2):
واي شي اتناقش فيه معاه لازم اهو الصح وانا غلط وياخذني بالصوت
باختصار هالشي يتعب بصراحه
السؤال اللي يطرح نفسه:
منو تزوجت واحد أقل أو أكبر من مستواها التعليمي وتعبت معاه ومن عقليته اللي مو مثل مستوى تفكيرها سواءاقل او اكثر؟
موضوع للنقاش مو للهواش اللي بتتهاوش ولاتقط كلام توفر على اصابعها
وحي الله الجميع

 

[MiSS B.K]

شي حلو ان تتزوجين انسان تتكافاين مع مستواه التعليمي
بس هذا ما يعتبر شرطلان ساعات لو نفس المستوا بس ماكو انسجااااااااام

 

[مسؤولة تعيين]

انا ريلي شهادته دبلوم وانا جامعيه (خريجه) بس كلش ماكو فرق بالتفكير بالعكس بواايد أمور هو اعقل مني
ومن ناحية يقط زباله عزكم الله او زقارته هذا دليل قلة التربيه مع احترامي الشديد مو دليل تدني مستواه التعليمي
انا مع ريلي تونا داشين 6 سنوات مع بعض هو مدخن بس ولاااااا مررره شفته يدخن بالبيت او جدامي ولاااااااااااامره
اذا بيدخن يقوله فلانه بروح ادخن دقيقه وايي وانا انطره

 

[حجيه هيونه]

والله انا تزوجته كنت ثانوية عامة واخذت الجامعية وانا على ذمته

ما انكر تفكيري تغير شوي بس الحمدالله على كل حال ما اعاني وايد لول

 

[tooooma]

انا اشووووووووووف انه الشهاااده ماهي سبب من اسباب نجاح الزواااج اللي يفرق العقل من انسان لآخر
في نااااس اميييين ولكن يتحدثون ويثمنون كلامهم اكثر من المتعلم

وبالنسبة حق الانسان اللي يسب بالشارع او يغلط على زوجته في المجمعات جدااام الناس فهذا قليل ذووووق وهالشي يعود

على بيئته وتربيته

 

[Judy . abbot]

هذي تربيه و ذرابه واتكيت مالها شغل بالشهااده

 

[يَ ربححه فيني]

أنا أدرس هّندسه .!
وإهوّ غّير جآمِعي .!
تّوّؤ مّ عرفته عّعّعّدل لأني مملجّه بِس مِن غير دّخله
لآتحطين حوآجِز بينج وبينه وإذآ على تصرفآته مآلها دخّل الجآمعه أوّ المستوى التعليمي بِ هالشّي :rerrerek:
هذآ يدل على بيئته وعلى تربيته إلي هو عآيشهّهّآ وبِ النهآيه تعاليله من بآب الآدب وعلميه بِ طرق غير مبآشره عن
تصرفآته الي مضآيقتج .!
وعسى الله بوفقج :eh_s(7):

 

[G!RLooNa]

تصرفاته مالها شغل ب الشهاده هذي تصرفات من الادب و الذوق العام وايد شهاداتهم معلقه بالطوفه و يسوون نفس ريلج منظر مقزز صراحه مافي احترام لا حق الناس اللي ماشيه ولا حق الديره اللي عايشين فيها

 

[Hello_kitty]

هذي تربيه و ذرابه واتكيت مالها شغل بالشهااده

بالضبط نفس اللي بقوله التصرفات اللي تتكلمين عنه هذي اخلاقيات وتربيه مالها شغل بالشهاده

 

[اميره1980]

انا شهادتي دبلوم و ريلي متوسطة مع دورة سنتين
ما شاء الله ريلي سياسي درجة اولى و يلقطها و هي طايره و يفهم احسن مني بوايد امور الحق ينقال
الشهادة مالها شغل بالتفكير او بالتصرفات الغلط

 

[tunaQ8]

هذي تعتبر سلوك وتربيه والتصرفات السلبيه أو الايجابيه يرجع على البيئه والبيت الي متربي فيه
ماله علاقه في الشهاده. وجهة نظر

 

[Moim]

تراى مو شرط انا متزوجه واحد اعلى مني بالمستوى التعليمي بس كلش ما يعرف النقاش ما اقدر اتفاهم وياه كلش :/

 

[سمر شمر]

الحمدلله عمري مافكرت بالشهاااادة

لان اهم شي الاسلووب والتربية

ياما ناس عندهم شهايد واهما مافي خربوووطة مايسوونها

 

[dandrma]

التصرفات مالها شغل بالشهاده ابدا

ومو زينه المقارنات والخبره والتجارب اتي مرات من الحياة مو من الدراسة

 

[chakletaA]

البلا مو بالشهاده البلا من التفكير والذوق والشخصيه
لان الذوق العام هو اللي يحكم اي شخصين تربطهم علاقه حب وليس الشهاده
الشهاده مجرد صوره وليس فعل قليل من يطبق تخصصه

الانسان الناجح تحكمه فكره ونجاحه وذوقه واسلوبه
قليل من التفاهم ندرك اهميه الحياه مع الطرف الاخر

 

[سنفورره]

انا اشووووووووووف انه الشهاااده ماهي سبب من اسباب نجاح الزواااج اللي يفرق العقل من انسان لآخر
في نااااس اميييين ولكن يتحدثون ويثمنون كلامهم اكثر من المتعلم

وبالنسبة حق الانسان اللي يسب بالشارع او يغلط على زوجته في المجمعات جدااام الناس فهذا قليل ذووووق وهالشي يعود

على بيئته وتربيته

معاج بالراي
مو شرط اساسي يكون متعلم ومستواه التعليمي جامعي او متوسط
بعض اللي ماتعلمو احسن من المتعلمين
وسالفه الزقاره ترجع ع التربيه

 

[Freakya]

عمرها الشهادة ما كانت مقياس للكلام اللي قلتيه عن زوجج

هذا يعتمد عالبيئة اللي نشأ فيها و اللي بنت شخصيته و ثقافته

زوجج يحس بالنقص لأن الفرق شاسع بينج و بينه عشان جذي دايم يخليج انتي الغلطانة و اهو الصح

 

[shy rose]

يعني على بالكم الواحد لاصار جامعي
بتحسن سلوكه وبتغير طبعه
المثل يقول ابو طبيع مايوز عن طبعه
وياكثر ناس ماعندهم شهادات قمه في الترتيب والذرابة

 

[سمسمة كويتية]

الشهاده ما لها علاقة بالذكاء و الثقافة
انيشتاين العبقري ما كمل دراسة
ياما ناس ما عندهم شهادات بس مثقفين نفسهم و يفهمون بكل شي يكلمونج بالسياسة و الاقتصاد و الصحة
باختصار الشهادة لا تصنع مثقف

 

[كريزية]

انا. جامعية وزوجي موظف على شهادة الثانوية

من ناحية الفكر اهو احسن واعقل مني وذكي بامور الحياة وكل موقف يتصرفه عدل ..

ومن ناحية المادية اكيد لو شهادته اقوى بيكون معاشه اقوى

الحمدالله على كل حال