تزوجتى واول مره شفتى زوجج بلعرس ؟؟؟

[عيش و مرق]

منو تزوجت جذى او اتعرف بنت تزوجت بهالطريقه ولا تقولون ماكو لا اكوووو فى ناس لى الحين البنت ماتشوف زوجها الا بالعرس


معاى وحده بالدوام تقول انا ماشفته الا بيوم العرس @@ تخيلو :eh_s(11):

مادرى شلون اروح اجهز لبس وصالون وبدلة عرس عشان اتزوج واحد ماعرف شكله بعد اهم :bbbiu:مساكين مو منهم من اهلهلم


واذا تزوجتى وشفتيه قبل الزواج بس عادى خطبة اهل ,,,,,,,,,, فى مشاعر بعد الزواج وله عادى ما تحبينه ولا تكرهينه

لن قاعده الاحظ بنات وايد متزوجه ومعيله وعايشه مع زوج ماكو اى مشاعر له واذا فى يكون عادى شي بسيط ,,,,,,,


انتو تعرفون قصص جذى ........

 

[بتبوتااا]

احنا عندنا لازم الرؤيه الشرعيه قبل الزواج
اعرف بنات تزوجو وماشافو ازواجهم الا ليله العرس والله انه وحده تطلقت والثانيه بعدها بشهر واهم ماشاء الله جميلات يهبلوون

بصراحه انا مع النظره قبل الزواج ,,

 

[فلنتينو]

أنا
ماشفته الا بليلة العرس

 

[ام شووووق]

الملجه فترة تعارف والاسلام محللها ماادري ليش بعض الناس متشددين

وعادات وتقاليد صارت هي اللي تغلب

 

[ضي الدنيا]

احناااااا عندنا نظره شرعيه للين العرس **

 

[YA B3DHUM]

ويه منو الحين ماتشوف معرسها @@
لا والله لازم اشوفه والملجه اطلع معاه واتعرف عليه
مو قص ولزق

 

[قاهره عذالي]

والله للاسف الشديد

انا ما شفت زوجي الا بالعرس

ولا طلب يشوفني ولا شي

وكان هالاحساس اني اجهز واروح صالون واركض

لشخص

ما اعرف منو وشلون شكله

بس بالنهايه نصيب

 

[ماني من الناس]

يله نبي نشوف اكشناتكم اعترفوووووووووووووووا

 

[انا لحبيبي .]

والله حرام بدفنو عمر الوحده هيك ، لازم يشوفها ويحكي معها يعني اقل مافيها يشوفها ، بدو يتزوج وحده ما بعرفها كيف؟؟

طيب التفاهم وين؟ الحياه الزووجيه عباره عن تفاهم بين الازواج ، وازا ماقعد معها كيف رح يعرف انه متفاهم معها؟؟

يتزوجها شهر ولاشهرين وبعدين يطلقها ، هيك اهلها برضو؟؟ لا اله الا الله

 

[لينا لانجري]

والله أعرف كثير تزوجوا بهالطريقة

 

[فلنتينو]

والله حرام بدفنو عمر الوحده هيك ، لازم يشوفها ويحكي معها يعني اقل مافيها يشوفها ، بدو يتزوج وحده ما بعرفها كيف؟؟

طيب التفاهم وين؟ الحياه الزووجيه عباره عن تفاهم بين الازواج ، وازا ماقعد معها كيف رح يعرف انه متفاهم معها؟؟

يتزوجها شهر ولاشهرين وبعدين يطلقها ، هيك اهلها برضو؟؟ لا اله الا الله

وييي انا لحبيبي شدعووه والله انا ماشفته والحمدالله عايشين بسعاااده
اكيد ابوي مو مزوجين واحد حيالله
ولكن هذي عادات وتقاليد

 

[حلوه ولمآحه]

وآلله انا ماشفته الا بالعرس واول ماطلعت بريوله خرعوني طوال جوتيه شطووووووووووووووووووووله،،
>> والحمدالله يحبني واحبه ،،
والله يهديه ويسخره يااارب،، ولكل البنوتات بالمثل ،،

 

[نونو العصله]

لا اشوه شفته لانه ولد عمي

 

[كويتية نايس]

صراحه داشه لقافه مو متزوجه>>>>>بس صح كلامج في شكثر ناس جذي يكسرون الخاطر جنهم داشين امسح واربح :eh_s(16):

ويسلموو على الموضوع:eh_s(15):

 

[ام دليار]

أنا شفته وقعدت معه ساعة ونص لوحدنا
تخيلي أتزوج واحد مابعرف شكله أقل شي يكون في صورة

 

[ماني من الناس]

زين اللي شافته بالعرس اول مره اكيد احد وصفلها شكله شلون طلع مثل الوصف ؟؟؟؟؟؟؟؟؟ يعني احد عظم الامور وقال ريلج ملك جمال واخر شي طلع عادي او قالوا عادي واخر شي طلع حليوووووو

 

[جوري 2007]

لا الحمدلله عندنا لازم اشوفه واسولف معاه بعد ،، الدين محللنا هالشي ليش نمنعه ؟؟

 

[ابدا يالغالي مانساك]

بنااااات وشفيكم مستغربين
انا وحده متزوجه مااااااشفت زوجي الا بليلة العرررس
وعلي الكوووشه

حنا عوايدنا جذيه

 

[فلنتينو]

منمن
اكيد شفته مع الدريشه <<<< لوووول
يعني عندي خلفيه

 

[نونو العصله]

انا اومي وصفته لي
انا شفته بلملجه واوشي شفته فيه ايده لاني من الحياء الزايد (عشتو) كنت منزله راسي بلارض
شفت ايده متينه و كان حيل متين
بس اشقر