تزعلين إذا أحد قالك ..... " يا حليلك ..! "

[بنت الذيابة و الاسود]

كنت اعرف معنى كلمة "يا حليلك" أي " يا ظرفك"

في احد المرات كنت امازح زميلتي و تمازحني

و ضحكنا معا فقلت " يا حليلك و الله"

فردت على و تعابير وجهها تغيرت " ياحليلك انتي" !!

و تكرر الموقف كم مرة لين فهمتني زميلة اخرى معنى " يا حليلك" أي "يا خبلك"

فهل تزعلين إذا احد قالك يا حليلك؟؟؟

إهداء للجميع قصيده خالد المريخي الكوميدية


أنت ياللي ممتحني وش بلاك
هي دباشه غلطتك وإلا جهل

كل يوم أرجع وأبين لك خطاك
وإن خذيت شوي ماتصبر تزل

قلت لك يابن الحلال الله يهداك
لاتقول حليل لكنك عجل

عندنا يالبدو مأظن يخفاك
لو تقول حليل للجاهل زعل

بدو حنا بدو مانمزح معاك
إنتبه قبل انتوسدها عدل

انتبه للعلم يوم العلم جاك
قبل يحصل شي مأبغاه يحصل

وإن كان صيدك مدح خل ماك بسماك
أنت مدحك يرفع الضغط ويعل

لاتقول حليل قل الله حلاك
الحليل بسلمنا يعني خبل

 

[سارا ديور]

كلمة ياحليلك واااايد متداوله عندنا بس أغلب الأوقات ماناخذها وأو نقصد معناها

(( ياخبلج )) يعني ساعات نعدها نفس يااااحلوج

انا شخصيا ماأزعل

 

[ليالي الكويت]

لا ما أزعـــل ...

ودايما اقولها ويقولونها لــي بعــد ...

​

 

[AL-N7EESAA]

لا ما أزعـــل ...

ودايما اقولها ويقولونها لــي بعــد ...

​

مييي تووووو

 

[بنت الذيابة و الاسود]

:eh_s(8): إذن يا حليلكم و الله :eh_s(8):

 

[دهن عود مبخر]

لا عادي مازعل .....​

 

[ذكريات]

لا بالعكس لان انا عندي معناها يا حلوج

 

[New Mum]

ماكو شي يزعل

 

[كاكاوة سايحة]

لووووووووووووووووووووووووووووووول آنا ساعات أفصل لما أحد يقول لي يحليلج أطالع بنظرة حمق مصطنعة و أقول ياحليلج إنتي ، ساعات ناس يقصدون فيها الاستخفاف و ساعات ياحليلك يعني يا حلوك وهالمعنى أهو المتداول.

 

[LaSt WoMeN]

لووووووول

لا والله ما ازعل لأني لما اقولها مو قصدي احط من قيمة اللي جدامي بالعكس امدح

 

[زيـنـه]

لا ما ازعل .. و الكلمه بمعناها ياحلاتج او يا حلوج اذا انقالت .. بس مالها نفس المعنى اللي بينتيه و الا جان ما تداولت بين الناس ..
و انا اقولها و تنقال لي يا حليلج

 

[<> إيلاف الكويت <>]

انا اضم صوتي مع اختي كاكاوه سايحه

ان النااس ساعات يقصدوون فيها الاستخفااف و تقليل القيمه

بس في نااس على نيااتهم و من هالنااحيه اكيد ماراح ازعل

 

[Whisper ~]

انا أقولهـا عشان أرفع ضغط اللي وياي "إستعباط"

وتكون ردة الفعل "ياحليلج انتي"
ونفس ردة فعلي إذا أحد قالهـا لي

 

[طفوش]

والله انا الكلمه هذى دايما اقولها

ويقولون لى لاتقولينها بس مااقدر تطلع عفويه

 

[BlUe SkY GuRl]

على حسب لموقف والقايل والسالفه بعد

ثانكس الوت ^_^

 

[سبائك]

على حسب الموقف اذا كانت تتحلى علي بالعكس استانس

بس اذا كانت تقصد تستخف فيني اصير:eh_s(14):

 

[Pink GirL]

شحقة ازعل

لأن احنا متداولة عندنا مو بمعنى خبل بالعكس ياحليلج مثل يا حلوج فالموضوع عندي عادي

 

[قـ(عيوني)ـرة]

اي صح مره قلت لخوي ياحليلك جان يعصب وقال ياحليلج انتي
وانا اقول فبالي شفيه يمدحني معصب بعدين سألته فقال يعني خبل
والله الناس ماعادت مثل قبل
بس مازعل اذا احد قالها لي لاني ماحب اخلي نيتي سيئه

 

[جرح الليالي]

الكلمة قبل عادية بس انا استغرب لمن اقولها حق الناس وياخذونها على انها مسبة والا تصغير لهم

عادية الكلمة عندي حتى لمن اقعد مع ابوي اقول يحليل بوي ويرد علي يحليل بنتي الله يحفظه لي يااارب ولعين ترجيه

شكريااا على اليحلييييييل قصدي علموضوع خيتوووو

 

[مــ M ــلاكـ]

السلام عليكم ورحمة الله وبركاته ..
يعتمد على الشخص اللي قايلها

ومن خلال لفظه للكلمه تستشفين هالشي
اما يقصد يضايقج أو لا

يعطيج العافيه على الموضوع الحلو:eh_s(17):

MLAAK
​