تركيا...

[قبونه]

السلام عليكم ...
اللي يعرف عن تركيا ياريت يقولي شنو المناطق الحلوه اللي فيها والاماكن اللي تونس والمطاعم؟؟؟؟ واذا حلوه وتستاهل ان احد يزورها وشنو احسن الفنادق ؟؟
وشكرا مقدما

 

[&رعبوووبه&]

نفس اسألتج لاني بخاويج

بس انا عندي معلومات قليله ان بورصه وابانت احلى المدن وانها صايره غاليه

وشرايكم اخذ بنتي وإلا لا :eh_s(17): :eh_s(17): ​

 

[قبونه]

هلا رعبوبه انشالله اتعرف عليج هناك
بس اشدعوه محد راح تركيا ؟؟؟

 

[manoola]

لاتروحين ماتسوى
انا اذكر هبت تركيا بالثمانينات بس الحين مدري وبعدين كلها اكراد يعني ابو الحراميه ........... غيري انصحج ويع تركيا

 

[قبونه]

يعني انتي رايحتلها بالثمانينات ولا الحين ؟؟

 

[قبونه]

يعني انتي رايحتلها بالثمانينات ولا الحين ؟؟

 

[¤§ زيتونة §¤]

حبيبتي والله تهبل تركيا وعائلية جدا

اسواقها متنوعة الشعبي والكشخة والمجمعات كل سنة نروح نلاقيهم مبطلين يديد عالمي
الصراحة حلوة وكافي بين الحر والبراد اللي يسرسح عالقلب بس ساعة طريق الى الجبل بالسيارة او بالتلفريك نص ساعة تقريبا وتشوفين هالبراد وهالطبيعة


انا رايحة لها 6 7 مرات وبروح بعد ما تنمل لانها كبيرة وتقدرين تنظمين رحلات بين كل يومين ثلاث روحي مكان

بس اهم شي روحي بورصة لان اطنبول مو حلوة وحر واجانب وايد وفري حييييييييل لانها شبه اوروبية بس بورصة لا تلاقين الامان والاسلام والاذان شحلوه يا ربي عندهم



ذكرتيني بالذي مضى ................. انا السنة اللي طافت رحت وناوية اذا بسافر اروح لها بالسيارة وناسة وتوفير لفلوس الرحلات مع التكاسي والمكاتب واذا تبين اعطيج رقم المكتب اللي نتعامل معاه هناك وشوفو اسعاره

في مناطق مثل بولو هادية وبحيرة وحصن وتمشي بس لا اسواق ولا شي يعني تبين هدووووء قاتل روحي هناك حلوة

عندج المناطق اللي فوق ازمير وابانت هذيلا بعد حلوين وطبيعتهم وايد حلوة

عموما في موضوع عن تركيا بدوره لكم واحط الرابط ماله هني

الله يسهل سفرتكم وتستانسون

 

[¤§ زيتونة §¤]

هذا من موضوع عن تركيا
وهذا رد اختنا كويتية ولي الفخر
يزاها الله خير






الجولات السياحية فى مدينة بورصة وضواحيها
---------------------------------------------
1- جولة جبل اولوداغ السياحية .
2- مدينة بورصة وزيارة جوامعها ومتاحفها والشجرة التاريخية
3- جولة سد بورصة ومنطقة كللس السياحية .
4- جولة شلالات كمال باشا المشهورة .
5- جولة الشلالات والعيون التسعة .
6- جولة يالوا . ترمال.كوكجه دره(يوك شجره) والحمامات المعدنية (الترمال).شينارجا. بلدة كوشيدرا وبلدة اوسبنربجوار حمامات الترمال –فاوسبنر تطل على بحيرة جميلة والغابة وايضا تقع فى الجبال التى اعلى منها شلالات جميلة جدا –وست بنر قريبة من يوك شجرة.
7- منطقة ايناكول وحماكات اويلات السياحية .
8- مناطق مودانيا وبوركاز وكورشونلو السياحية .
9- مناطق جمليك وكوملى الصغيرة وكوملى الكبيرة الساحلية الجميلة .
10- قرية ميسى وسد دوغانجه.
11- بحيرة ازنك السياحية .
12- منطقة منياس وبحيرة جنة العصافير .
13- مضيق كاراجابه السياحية .
14- جولة مدينة بولو وبحيرة ابانت الكبيرة.
15- حديقة الحيوانات وبجانبها الحديقة العامة.
16- حديقة لونا بارك.
17- مدينة اردك على شاطئ البحر



المجمعات التجارية والاسواق
---------------------------------
مجمع اوزدلك –اس مركز(وبه صالة تزلج)—مجمع رييل----السوق المسقف( بجانب اولى جامع) _ مجمع زفر __ مجمع كارفور

السكن
-------------
Vip Apart Hotel. T-- 90—2242343475 -1

2- وكالة الفضاء للسياحة والسفر --- سليمان يلماز(ابو عمر)
ت -- 00902242251146
00902242205431
جوال :00905327884698

3- ام على---- جوال-05326227962

 

[¤§ زيتونة §¤]

على فكرة ترى اكيد الف بالامية بتشوفون بعض لان كل العرب والكويتيين يتجمعون باللونا بارك بالليل يوميا احنا شفنا ربع زوجي وصديقاتي بالصدفة هناك ولا كنا ندري عنهم

انتو بس بلغو بعض قبل لا تروحون عشان تعرفون بعض عدل ووناسة والله اذا تلاقيتو هناك

 

[قبونه]

يااااحلوج زيتونه بردتي قلبي وتعبتج مشكووره ماقصرتي
بس بسأل عن اسواقهم ... فيها هدوم حلوه .. انا ماحب الشعبي وو شنو احسن فنادق ؟؟ ابي فندق حلو وشرح ؟ دام رايحتلها 6 مرات ماشالله عيل تدلينها عدل مدل ... وفيها سينمات ؟؟ ووو شنو بعد ...اي وبعد ماحب الهدوء وايد يعني هم احب اللويه شويه ...

 

[قبونه]

يعني اذا انتي رايحه سوريه او لبنان .... اهيا مثلهم ؟؟ بنيانها قديم ولا دوله متطوره ؟؟

 

[¤§ زيتونة §¤]

حبيبتي
الاسواق متنوعة من مجمعات كشخة راقية وبين اسواق اسبوعية مثل سوق الاحد والثلاثاء وعندج في اسطنبول السوق المصري وغاليريا

مجمعاتهم زفر بلازا وفيه سينما وايد حلوة - اس مركز - مترو - كارفور - اوزدلك >>>>> هذيلا حق تجهيز المدارس وايد حلو
وفي السوق المسقوف ( ( كابل تشرشة)

هذيلا اللي ببورصة وفي محلات تسوي صوركم على كوشيات ومخاد وايد حلوة انا سويتها قبل 4 سنين تقريبا وللحينها عندي للذكرى

اما عن الملابس اذا انتي سمول ولا لارج سايز تحصلين اكيد
وفي اسطنبول عندج منطقة تقسيم مليانة اسوقة بس انا رحت لها مرة وحدة ولاعت جبدي ههههههههههههه والله ما حبيتها بس انجبرت اطبها عشان المطار فيها وبعدين رحت لها بوسط سفرتي يومين ثلاث بس وما افترينا وايد لانا كنا نعزومين ويا ناس

واللوية اللي تونس صج بالليل بالحديقة فظيعة تهبل ووناسة تتطمشين مني ومناك وتطالعين بالناس ههههههههههههههههه

عندج الجبل بعد حلو يهبل والتلفريك عجيب واهو يصعد تشوفين بورصة صغيرة ومنظرها من فوق وايد حلو وبالجبل نفسه تلاقين اشكال وانواع من الناس من كل الجنسيات والله يضيع يوم كامل وانتي مو شبعانة منه

احنا رحنا تقريبا 3 مرات بالسيارة الى تركيا فكانت رحلاتنا على كيفنا وقت اللي ما نبي نطلع عشان ما نصرف نركب سيارتنا ونروح الجبل نتغدى ونتمشى ونشرب قهوتنا ونركب سيارتنا ونرجع وبالليل لازم لازم الحديقة لونا بارك


الفنادق عندج فندق ما نعرف اسمه عدل بالتركي بس يعرفونه اهما باسم كرجة
هذا حليو واسعاره حلوة عندج الميرا هذا عاد رووعة وذرابة وكشخة
وفي فنادق وايد بس اقل من 4 نجوم بس ترى لازم تحجزون قبل سفركم عشان تضمنون لا ينجلونكم


واتمنى لج سفرة سعيدة ولا تنسين لما تروحين الجبل اخر محطة تلاقين محل تحف خشبية واشغال حلوة ترى اسعاره زينة وينزل لج





اخ يا قلبي على تركيا وريحة تركيا وحشتني هههههههههههههههههه

 

[¤§ زيتونة §¤]

بالنسبة للبنيان اهما اغلب شي عماير وشقق يعني قليل اللي تلاقين بيت والبيوت من النوع اللي فيه قرميد من فوق البرتقالي

بس الشوارع نظيفة حيل ومنظمين الصراحة ومثقفين وقليل تلاقين الامور اللي تنرفزج ولا تشد اعصابج بالعكس بورصة ترد الروح وتهدي الاعصاب لو بس تتمشين بالشارع هذي بروحها وناسة

انتو اذا عايلة لا تاخذون فندق لا حجزوا شقة والله مريحة انا رحت انا وريلي وبنتي واخوي بشقة وايد حلوة وملمومة وتسوين اللي تبينه يمعودة لا تقطين فلوسج عالمصبغة ولا روم سيرفس ولا تقعدين ميتة من اليوع وما يدخلون اكل بالفنتدق وحشر مع الناس عيد بين هالاتراك الحبوبين عاد شوفي شحلوهم وشحلو التعرف عليهم.
احنا تعرفنا على ناس جبال شقتنا الصيف اللي قبل اللي طاف وتبادلنا الارقام ويوم وصلنا بسفرتنا الصيف الماضي دقينا عليهم وزرناهم وعزمونا غدا بمطعم يهبل بسيط مو كشخة بس قعدته عجيبة تحت الشير واهما لا يعرفون كلامنا بس شوي شوي يطقطقون انجليزي ، وماتو على بنتي يوم شافوها يتهاوشون منو ياخذها مني قبل ... وللحين الابو يدق علينا والايميلات ماشية عندنا يحلووووهم والله


وغسالاتهم طبعا اتوماتيك قطي فيها وروحي نامي ههههههههههههههههههه


موفقة حبيبتي

 

[سجى]

السلام عليكم ورحمة الله وبركاته

الله ذكرتينى يا زيتونه باحلى الايام فى بورصه فعلا اللى يروح لها يتمنى يروح لها مره ثانيه وثالثه انا رحت لها 3 مرات وهالحين حاجزه بعد مع عيالى وزوجى وبنروح لنفس المكان فى بورصه فى شارع التا بارمك عند وكاله الفضاء للسياحه والسفر وحطيته لكم مع ارقامه فعلا خوش مكتب وصاحبه محترم هو وعياله وزوجته حتى صاروا اصدقاء لنا نراسلهم ونتهادى والله خوش ناس الاتراك
بس ما انصحج تروحين اسطنبول كلهم حراميه ومتفتحين حييل روحى بورصه ونامى واستانسى وارتاحى خصوصا حديقه اللونا بارك بالليل كل الكويتين فيها للساعه 1 بالليل ةفيها سوق يهبل حق الهدايا يهبل والالعاب والمطاعم والجو اللى يرد الروح

توكلى على الله وروحى هذا اذا لقيتى حجز هههههههههههههه
الله يسهل امركم يارب وان شاء الله نشوفكم هناك يارب