تركيا ولا اسبانيا ؟ رايكم

[حنانك سر حبي]

بنات شرايكم ايهو الاونس والافضل من كل النواحي خصوصا الوناسه والاجواء الباردة
بسافر بعطلة نص السنة

اروح تركيا ؟
ولا اسبانيا مدريد وبرشلونة ؟

حدي محتاره والوقت قاعد يمشي ازم احجز ومحتاارة

مع العلم اني رايحة تركيا من قبل بس رحتها بالصيف مت حر وخيسه ف ماشفت كل شي فيها
واتوقع بالشتا احلا بوايد لاني احب البرد

اما مدريد وبرشلونة مو رايحتلها كلش ف مادري تسوى ولا ماتسوي

شرايكم

 

[Pink_Roses]

شوفي تركيا بالشتا باردة حيل انا رحتلها شهر 2 اللي طاف الصراحة حلوة بس ما استانست وايد لان موت برد ورحتلها مرة ثانية شهر 10 الجو كان روعة صج اعجبتني تقدرين تستمتعين بالمطاعم القعدات الخارجية اللي على البوسفور

برشلونة انا رحتلها من قبل بس مو شتا كان اخر شهر 9 بصراحة ما عجبتني الناس وايد خبونا فيها انا بنظري ما تسوى