ترضين ريلج يقول لج هالشهر مافي سوق ؟؟ حتى لو كانت الفلوس فلوسج !!!

[Princess Lady]

:bbbiu:

مرحبا بنوتات :balo:

بدش بالموضوع ...




الأسبوع اللي طاف شفت برنامج خالد وأسيل اللي هو هي وهو

وشفته شاري عشاء من برا له ولزوجته ورتب الطاوله وشموع ورد .. قلت الله يهني سعيد بسعيده ..

بس اللي صار اليوم صدمني







تخيلوا يا بنات هم صار لهم فتره يشتغلون بالام بي سي وأكيد معاشهم لا يقل عن 1000 دينار كويتي

أو يمكن أكثر

المشكله أسيل راحت السوق وشرت شنطه في السيل ... وخالد تم يحاسبها يوم راوته الشنطه وقال احنا اتفقنا مافي سوق هالشهر ولازم نوفر ولازم ولازم

المهم ثاني يوم راحت مع صديقتها وشافت بلوزه وعجبتها جآن تآخذها :016:

وتخشها في كبت المطبخ تخيلوااا لان ما تبي خالد يعطيها محاضره

وخالد طبعا صاد البلوزه وتم يقول ليش ما توفرين وليش شريتي وليش وليش

وقالت له اوك انا بينزل معاشي وبعطيك المبلغ اللي انسحب من البطاقه قال لا احنا عايشين مع بعض ولازم نوفر بنروح شقه ثانيه وبيجينا بيبي عقب و و

عقب قال المعاش معاشج وانتي كيفج .. بس انتي مش عادتنا واحد ؟؟ احنا عايشين مع بعض .. ويقول لها انا من سنه وشوي ما شريت لي شي
قصده انه معاشي مع معاشج واحد

قام وقص البطاقه بالمقص :eh_s(1):

:050103nbh_prv:

انا انصدمت صراحه يعني اختها نفسها تشتغل في ام بي سي وشوفوها في صباح الخير يا عرب مطربه نفسها الله يهنيها وبروش شانيل وطقم كارتير .. وقريت مره مقابله لها تطرش فلوس لعيالها لانهم عايشين مع ابوهم



أوك اذا أسيل حابه كيفهم لكن احس هو يجبرها

أنا قبل كنت أشوف مواقفه معاها بس قلت عادي لكن اليوم لا انصدمت

قبل يقول الغساله هالكثر ميزانيتها والفرن هالكثر

وتم زعلان من ام زوجته عشان ما يبي شقه كبيره



الصرااااحه لو زوجج سوى لج جذي بترضين ؟؟؟

اوك ساعديه بالمعقول لكن يتحكم ان هالشهرين مافي سوق !!! لا تشترين ماركه !!!





نبي تجاربكم اللي عايشينها بخصوص هالموضوع .. مانبي قطه زغنططه ( حزب الطماشه ) تنقز وتقول لا والله لا راويه نجوم السماء والله لا أطلق ... :016:





وثانكيوووو

 

[om_dodo]

سعدنى انى اول الردووود
لا موعادى انه يقولى ماكو سوق اتاْزم نفسيييين صررررراحة
عسى الله لا يقوووووووله
اب

اب

 

[ماني من الناس]

لا والف لا شكو اهو بمعاشي انشالله احرقه ,,,,,,,,,,,,
:dddds:
وشنو احنه متزوجين مشتركين مع بعض نوفر حق شنو ,,,وليش الجمع تبي توفر وفر بروحك

تبي تشتري بيت اشتر بروحك ,,,,,,,,من وين لي فلوس اشتري لك بيت انشالله يدوب المعاش يكفي شهر وحتى لو جمعت بعد خمسين عام لين قعدنا عالعكاز بتاخذ لك بيت وبتموت فيه لوول

الواحد يعيش اليوم بيومه وانا مو مجبوره اتبرع له عشان يشتري له بيت ,,,,,,,,

شكو شركاء,,,,,,,,

ولين انا قررت اني ما اشتغل واقعد بالبيت اهو بيضيع مثلا ولا بيطر من الناس !!!!,,,,,,,,,,ولا بيطلقني لاني ما اصرف عالبيت

مد ريلك على قد لحافك ولا تدخل احد باحلامك ,,,,,,,,,,,,شكوحلمه يشتري بيته شكبره يخليني انا اضغط على نفسي واعطيه معاشي


لا والف لا


عبالهم احنه مقصه وحبيبتي وحبيبتي

مو كل حلوه ما عندها مخ,,,,,,,,,,,

 

[ELFAD3Ah]

رد : ترضين ريلج يقول لج هالشهر مافي سوق ؟؟ حتى لو كانت الفلوس فلوسج !!!

ماله شغل انا الي قاعده اتعب واشتغل مو اهو الي يحدد في سوق ولا لا لو من فلوسه ممكن بس دام ان من فلوسي لا والف لا

 

[مدام تنازلات]

عادي اذا نمر في ظروف وقاعد نجمع حق شي مهم وهو بيت الزوجية مافي مانع وبعدين انا اشوفه يقصر على عمره وانا ما أساعده وقاعده أصرف يمين ويسار ! حرام مايصير

 

[kindar]

رد : ترضين ريلج يقول لج هالشهر مافي سوق ؟؟ حتى لو كانت الفلوس فلوسج !!!

البرنامج مفبرك

وكله تمثيل بتمثيل

بس يبون يسوووون اكشن وحركات عرفتي

ويمثلون حياة المتزوجين

باختصار اعتبريه مسلسل ولا تعتقدين انه صج

 

[اشتياق]

شدعوه صج؟؟
يبا فلم هندي
ما اشتهي هالبرنامج ولا اشوفه

 

[شيخه الحلى]

إذا كنت متفقه معاه اني ما اصرف هالأشهر عشان نيمع اكيد مايصير اشتري
لنه اهوا بالمقابل مو قاعد يشتري وقاعد ايمع

اهوا على حسب
إذا في اتفاق غلط اكسر الإتفاق
إذا مافي اتفاق لا والله مايصير يقولي لاتروحين السوق

 

[ذهب ابيض]

ما احب هالبرنامج

عادي يمر شهر ما اروح بس ها شهر مو اكثر

 

[نـــووونـــا]

رد : ترضين ريلج يقول لج هالشهر مافي سوق ؟؟ حتى لو كانت الفلوس فلوسج !!!

شفتها مسكينه مايسوا عليها ..

بس اتوقع شقتهم غاليه كانها بمنتجع فخم وبدبي يعني نار لو راتبهم ٢٠٠٠ دينار ..

انا لو يحرمني من السوق اسبوعين اموت بعدين اذا اهو ما وافق اطلع مع اهلي وخلي سي سيد يستانس بقراراته ..

..

..

 

[ماني من الناس]

صدقوني بنات اعرف وياي رفيجتي سوريه هنيه انزين وابوها طول عمره اهو وامها ييمعوون فلوووووس عشان يشترون لهم بيت بسوريا ,,,,,,,

انزين عاد شنو الابو الحين وصل عمره 60 وهو يجمع وبناته كبروا بيتزوجون,,,

يعني اهو مو فاهمه يجمع حق شنو ما بقى من العمر شي وما بيعيش الا اهو وزوجته بهالبيت والله بياخذ امانته بعد عمر ,,,,,,,,

يعني عيشوا روحهم طول العمر يجمعون ويتغربون ويضغطون على عمرهم واخر شي البيت فاضي,,,,,ومأثث

ونفس القصه دكتوره كانت ويانا بالجامعه اهي في 80 وليحين تجمع تبي تشتري لها بيت ثاني بتركيا عشان تموت فيه ههههههه اكيد يتطنزون وهم عندهم اوردي بيت بس فراغه يشترون لهم كذا بيت وما عندهم عيال ومتغربين بس عشان يجمعون فلوس.

 

[Stylista_Q8]

المسلسل كله تمثيييل بتمثييل

وغصب يسوون اكشن .. بس المووهم نرجع للسؤال،،

امم ماقدر امسك رووحي عن السوق بس كلش كلش بشتري اشيا بسيطه .. وسعرهآ معقووول

يعني العوض ولا القطيعه :$

 

[KOKO_284I]

رد : ترضين ريلج يقول لج هالشهر مافي سوق ؟؟ حتى لو كانت الفلوس فلوسج !!!

حكم الاوي شنو انسوي : )

بس ماله حق كل واحد له معاشه اهو شكو

 

[جــــاذبية]

رد : ترضين ريلج يقول لج هالشهر مافي سوق ؟؟ حتى لو كانت الفلوس فلوسج !!!

عادي وأقل من عادي
ليش يمه لازم كل شهر وأنا بالسوق طاقتها فرارة
للحاجة وللمناسبات لأني ما أحب أفتر بالسوق على غير سنع وجهة نظري ..

 

[اكابر]

اانا اساسا ما احب السوق.. لانه ان رحت بشتري الاكو والماكو ..

بسنفس الوقت ما احب اذا قررت اروح اسوق يمنعني ..

لانه بالاخير لازم نتهاوش ..

 

[njoom1]

رد : ترضين ريلج يقول لج هالشهر مافي سوق ؟؟ حتى لو كانت الفلوس فلوسج !!!

اي عادي لان انا ما اروح وايد السوق .... وروحة السوق كل شهر ملاقه صراحه انا ما اعرف اروح سوق واطلع فاضيه يضيق خلقي ف اختصرها وماروح وايد بين فتره وفتره

 

[ماني من الناس]

upppppppppppppppppp

 

[منوة القلب]

وانا اشوف انه عادي

بعض الحريم بس كذا تروح لسوق عشان الفرفره والدوجه وتشري اشياء مالها داعي

ليش زوجي ماله شغل بمعاشي اذا كان محتاج ماراح تعطونه ليش الانانيه

طيب لو افترضنا انكم مو موظفات ماراح تطلبين منه فلوس وراح يعطيك وبنفس زينه

طيب وش راح يكون موقفكم لو يقولك لا ماراح اعطيك انا طول هالشهر تعبان وشقيان وانتي تاخذينها بارده مبرده

هو صح ان الزوج من واجباته انه يصرف على البيت بس مافيه مانع يكون فيه تعاون ومشاركه بينكم

 

[ريتااجي]

رد : ترضين ريلج يقول لج هالشهر مافي سوق ؟؟ حتى لو كانت الفلوس فلوسج !!!

إذا كنا متفقين إن إحنا نيمع

ماازعل لو يقول لي لاتروحين السوق

الحين انا اروح السوق وامتع نفسي واشتري لي وهوه ضاغط على نفسه

اذا مارحت السوق هالشهر بروح الشهر الجاي او اللي بعده

ماراح يطير السوق

 

[MISS-_-FLOWER]

رد : ترضين ريلج يقول لج هالشهر مافي سوق ؟؟ حتى لو كانت الفلوس فلوسج !!!

اسيل وعمران صج ممتزوجين ولا تمثيل ؟؟؟