ترضين ريلج يتزوج عليج في هالحالة؟؟؟

[صاعقة بيوتي]

السلام عليكم ورحمة الله وبركاته

​

ابيكم كلم المتزوجات والطموشات بعد تتخيلون لوكنتي متزوجة وماجبتي عيال وطلع العيب فيج يعني عقيم ترضين ريلج يتزوج عليج جاوبو يابنات بصراحة وبعيد عن المثالية شنو بتسوين اذا تزوج عليج بتمين معاه ولابتطلبين الطلاق ولابتشرطين انه تقعدين معاه بس مايقرب منج ولاشنو ؟؟؟؟​

 

[شادن33]

حبيبتي اولا يعتمد اذا انتي تحبينه اكيد مابترضين ان ينحرم من العيال
واذا لا عاد شي ثاني شلي يخليج تصبرين عليه غير الحب سبحان الله
وسالفه انج تشرطين عليه انه اتمين معاه بس مايقرب منج هذي موعدله وحرام اصلا

 

[سفييره الكويت]

اهم شي انه يعدل لانه الله سبحانه امر بالعدل ومسأله العدل مسؤوليه كبيره جدا عليه بل صعبه ولكن اذا يبي يتزوج عليج

يتحمل المسؤوليه..واذا كنتي تحبينه صبري ولو انا افضل الزوج والزوجه الاوفياء بس للاسف اغلب البشر تركض ورى مصالحها..

 

[SARAH34]

انا عمري 34 ولسه ماعندي اولاد :yaaaaaarb:

بس انا مافيني حاجه وكل الدكاتره يقولو مافيكي مشكله وزوجي كمان مافيه مشكله

بس يعني لو يتزوج علي مدري ايش اعمل انا احبو وهوا كمان

ماتوقع يتزوج علي لان مافيني مشكله بس لو تزوج راح اعمل كدا:eh_s(11):

 

[دآنة آلرشآيده]

انا شخصيا اذا لاسمح الله طلع العيب فيني
اطلق طلاقي وخليه يتزوج ويروح بطريجه
بس انه يتزوج وانا على ذمته مستحيل ارضى ​

 

[popa]

بصراحه محد يرظه تنحط على راسه شريجه
ياما ناس عاشو بدون عيال
والي تحس انها عادي يتزوج عليها ريلها
وماتحرمه من العيال وماراح تحتر وتبجي وتتعذب
خل تخليه

 

[برنسيسة2007]

صعبه
اسال الله العلي القدير ان يحميني واخواتي المسلمات من الشريكه

 

[ام فواازي]

انا بعيد الشر مستحيل اشور عليه هالشور بس اذا هو قرر واصر بقراره برضى بعد شسوي هذا حقه و بقعد معاه ليش اتطلق وافلس من الولد والرجل يمكن الله يرزقني ويمكن زواجه خيره لي. محد يدري بالغيب
يعني عقيم ومطلقه منو بيخطبني بعده والكل عارف مااجيب عيال اقعد معاه اذا معاملته زينه وخايف الله فيني بس اطلب منه يعدل بينا

 

[FJ style]

مع ام فوازي ^^


الله لا اييب هاليوم

 

[نبض السعودية]

والله اختي لو انا ماراح ارضى انه يتزوج عليه راح اطلب الطلاق وبخليه يروح في حاله وانا في حالي مااقدر اتخيل نفسي مع شريكه ولا بعد تخلف منه وانا لا اريح دماغي من البدايه وانفصل عنه واللي تحب زوجها وحابه تعيش معاه اكيد انها راح ترضى *

 

[miss swan]

اعرف وحده جذي ريلها تزوج عليها وكانت راضيه
بس هاااا صبر عليها عشر سنين ماتزوج وبس ومع هذا سعيده معاه
انا عندي احسن من تتطلق​

 

[حبيبي مالكني]

اذا كنت مايب عيال ومافي امل من علاجي
مابيدي شي راح ارضى يتزوج علي
بس الله لاأيب هاليوم ان شاء الله

 

[sanyoretaQ8]

صعبه

 

[احلى بحرانية]

مادري هالموضوع وااايد افكر فيه
دعواااااااتكم احمل
كل ماقولة خل نروح نجيك شنو المشكلة يرفض يقول خلينا جدي واااايد احسن
يوم الي الله كاتب لنا بصير عندنا يهاال
ويوم الي يطلع العيب فيني ماراح احرمه من شي اذا بيزوج خل يزوج من حقه يشوف عياله
ومستحيل اطلب الطلاق لني اموووت على لتراااب الي يدوس عليه
صح ياخذ وحده على راسي صعبه بس لجل اشوفه مستانس بستانس له

 

[تذكر خافقي رمحك]

طبعا من حقه
وإذا شفت نفسي ماصبر
أطلب منه الطلاق

 

[ابرارعبدالله]

لا انا لو سمح الله مايبتله عيال وطلع العيب فيني ماراح ارضا يتزوج على لان ماحب احد يشاركني فيه

ولا ابيه يطلقني لان ما اقدر استغنا عنه

خل يتحمل ويكسب فيني اجر

 

[أكذب عليك]

موضوع حساس
قبل اسال زوجي هالسؤال يقول لو فيني عيب بطلقج مستحيل احرمج
ولو فيج العيب بتزوج عليج بس مستحيل اطلقج

الرجال حسبته غير مهما حب وعشق بيمل ويفكر بالعيال
عادي تحصلين مرا زوجها مايجيب عيال تتحمله سنين وسنين بس ماتخليه
اما الرجال للاسف واقعي اكثر

عورتي قلبي ع هالموضوع لانه جد هالموقف حيييييييييييييييييييل سخيف
والله يبعده عن كل المسلمات يارب ولا ي\وقهم الحرات

 

[الـفـجـر الـبـعـيـد]

اخليه يتزوج حرام احرمه والعيب مني

 

[Le chat]

اذا وده يتزوج ويشوف ذريته وانا احبه طبعا اخليه يتزوج ولا اني اتطلق واشيب بروحي او اقترح عليه انه نتبنى يتيم ومرت اخوي ترضعه ويصير ولد اخوي بالرضاعه واربيه يونسني ويملي حياتنا وناخذ اجر

 

[&&&&&&&&]

اذا انا احبه ما راح احرمه من الأطفال

واذا اهو يحبني ما راح يجرحني وراح يعاملني زين وخصوصا اذا سعيت انا لزواجه

ودي وتقديري ​