ترضين تتزوجين من شخص ابوكِ مختاره لك !

[دلوعةمآمآ]

السلام علييكم ورحمة الله وبركاته

صبايا

اليوم كلمتني وحده من صاحباتي وهي مخطوبه لها فتره

و من ضمن السوالف انصدمت ان ابوها هو اللي خاطب لها الرجال!!

يعني مكلم الرجال عن بنته !! تقول يحبه وتمنااه لي وكلمه عني !!وطبعاً هوَ وافق

تقول عاادي الممثل يقول أخطب لبنتك قبل لاتخطب لولدك !!

صبايا انا حطييت نفسي مكانها مُستحييل ارضى ابوي يخطب لي !!

يعني فرضاً بُكره لاسمح الله من اول خِلاف بيني وبينه بيقول أصلاً ابوك ِ هو اللي خاطبني لك !!

واكيد أنتي طايحه بكبده :eh_s(14):
مُمكن البعض منكم يشوفه شيء عاادي بس انا اشوفه إهانه كبيره بحق بنته وكرامتها!

سؤالي لكم تقبلين تتزوجين من شخص ابوك ِ هو اللي خااطبه لك ؟

بصراحه

 

[granted]

Nooo
الله لايحطني بهالموقف لو ابوي سواها برفض واللي يصير يصير انا مو سيارة يعرضها على مشتري

 

[get over it]

طبعا المتعارف بين الناس انه عيب ..
وشلوون جذي ؟
وهذيل مايبون بنتهم ..
بس لو ما ابوها شايف ان الريال كفوو ووده يحط بنته بايد امينه ماقاله ؟؟
بنته هذي قطعه منه رباها كل هالسنين مو متعايز من السنين اليايه ..


وعمر بن الخطاب رضي الله عنه عرض بنته ( حفصه ) رضي الله عنها على ابو بكر وعثمان ..
لان كان يدور مصلحه بنته ..


من وجهه نظري الموضوع مافيه شي ..
بس الله يعينه على مجتمعاتنا ...

 

[aṕriliå]

مستحيل !
شنو طايحة بجبد نفسي أنا ؟!



أعرف وحدة خطبها واحد وغصبوها عليه ، وزوجها عقب درا انها مغصوبة عليه
بدال لا يحز بخاطره قلب السالفة عليها ، اذا صارت بينهم اي مشكله قالها : أنا أخذتج من أبوج والا انتي ماحد أخذ برأيج !!!


مسكينة المرة الغلط دايم عليها : (

 

[M!SS.LOBY]

يا أختي ابو البنت يبي الستر للبنته

شاف يمكن نصيبها واقف كلم واحد من معارفه عادي حلال

 

[غرور 9]

شفيها عادي يابنت الحلال

وبعدين ثقي تماما انه راح يعاملج بالحسنى ومايزل ولا بكلمة عليج
تدرين ليش لانه قدرج واحترامج من احترام ابوج الي فضل هالريال ع كل الريايل الباجيين

 

[امـ خــزامـى]

انا اشوف اانه عادي جداااااااا

انا زووجي مع انه اقل من عااادي بس عشان ابووه غني
3 ارباع بنات عايلتهم معرووضات عليه بس رااااااااااااااااااافض يقول اعذروني ماابي قرااابه
والله العظيم الى شهر عسلي البنات من قهرهم يدقون عليه وبالاخير يوم يأسوا صاروا يتصلون فيني
ومافي كلمه شينه ماقالوها من قهرهم



انا اقول لو الرجال مو مقتنع مارح يتزوجها وليش اصلا بيفكر انها طايحه بكبد ابوها يمكن ابوها الكل يتمنى يناااسبه


واكيد شافها واعجب فيها

وكل شي يبان اذا صدق ابوها يبي الفكه منها ولا شاري رجال سنع لبنته الغاليه

 

[زوجة عزيز]

اذا كان الريال مافيه عيب ارضى اما اذا كان لاسمح الله ابوها طمعان فيه او في فلوسه او شي من هالنوع لا طبعا ماارضى لو شيصير كل وحده اتعرف اطباع ابوها وشفيه يفكر في ابهات يبيعون بناتهم وهالشي لازم الوحده ماترضاه لروحه لان الريال اهني بيعايرها وبيسترخصها اما اذا كان ابوها شايف انه الزوج المناسب وماكان له هدف من هالزواج اوافق عادي

 

[Ranoon]

شلون الأب يقول للولد شرائك تخطب بنتي !!!


أحس غلط صراحة !!
وفشلة


كل بنت ونصيبها وزواج او بدون
زواج مو نهاية العالم

 

[لمسات فتاة]

مافيها شي

ومثل ماقالت وحده من البنات ان عمر بن الخطاب عرض بنته حفصه ..

هذا بالشرع طاعه يتقرب بها العبد لله تدرون ولالا؟؟

بس المشكله شنو المشكله بالمجتمع الي كل شي عنده عيب وفشله !

بس لو كل واحد يعرف الشرع عدل جان اي موقف يصير له يمكن يكون بالشرع . . ويرتاح ولا يلتفت لكلام الناس

اما الي تقول يعايرني باجر اذا تهاوشنا !!
اذا اخلاقه حسسنه مستحيل يقول هالكلاام
وانتي مو مشكله قعدي مع الوالد قوليله يبا ليش اخترته لي شنو شفت فيه !! قوليله انا ابي واحد صالح ومن هالكلام !!

وصدقيني ابوج اكيد يحبج ويبي لج الخير ومهما كان الاب ما يبيع بنته بالعكس يسلمها للرجال الصالح ..

 

[مذهلة2013]

انا مااحب جذي

 

[رنيم الروح]

طبعا المتعارف بين الناس انه عيب ..
وشلوون جذي ؟
وهذيل مايبون بنتهم ..
بس لو ما ابوها شايف ان الريال كفوو ووده يحط بنته بايد امينه ماقاله ؟؟
بنته هذي قطعه منه رباها كل هالسنين مو متعايز من السنين اليايه ..


وعمر بن الخطاب رضي الله عنه عرض بنته ( حفصه ) رضي الله عنها على ابو بكر وعثمان ..
لان كان يدور مصلحه بنته ..


من وجهه نظري الموضوع مافيه شي ..
بس الله يعينه على مجتمعاتنا ...

كلامي من كلامها وهالشي عادي اعرف بنت خالي خطب لها واحد يعرفه والحمدلله عايشه سعيده ومثل الاميره عنده وصار الزواجها الحين 27 سنه

 

[هدوووشه]

عادي مافيها شي بنت جيراننا تقولي كان يفضفض واحد لأبوها ويبي بنت الحلال وكذا وابوها معجب بشخصيته واخلاقه
قاله عندي بنت ومن هالكلام ومشاءالله تزووجت من اسبووعين الله يهنيها

 

[دلوعةمآمآ]

nooo
الله لايحطني بهالموقف لو ابوي سواها برفض واللي يصير يصير انا مو سيارة يعرضها على مشتري

آميين يارب
الله يرزقك باللي تتمنينه

نورتي الموضوع

 

[دلوعةمآمآ]

طبعا المتعارف بين الناس انه عيب ..
وشلوون جذي ؟
وهذيل مايبون بنتهم ..
بس لو ما ابوها شايف ان الريال كفوو ووده يحط بنته بايد امينه ماقاله ؟؟
بنته هذي قطعه منه رباها كل هالسنين مو متعايز من السنين اليايه ..


وعمر بن الخطاب رضي الله عنه عرض بنته ( حفصه ) رضي الله عنها على ابو بكر وعثمان ..
لان كان يدور مصلحه بنته ..


من وجهه نظري الموضوع مافيه شي ..
بس الله يعينه على مجتمعاتنا ...

اهو لاعيب ولاحرام لكن مجتمعنا مايتقبلها
مشكوره نورتي الموضوع

 

[دلوعةمآمآ]

مستحيل !
شنو طايحة بجبد نفسي أنا ؟!



أعرف وحدة خطبها واحد وغصبوها عليه ، وزوجها عقب درا انها مغصوبة عليه
بدال لا يحز بخاطره قلب السالفة عليها ، اذا صارت بينهم اي مشكله قالها : أنا أخذتج من أبوج والا انتي ماحد أخذ برأيج !!!


مسكينة المرة الغلط دايم عليها : (

هذا اللي ينخاف منه المعاير من اول مشكله!
مشكوره نورتي الموضوع

 

[دلوعةمآمآ]

يا أختي ابو البنت يبي الستر للبنته

شاف يمكن نصيبها واقف كلم واحد من معارفه عادي حلال

اهو حلال مافيه شيء لكن مو حلوه بحق البنت
يمكن لاسمح الله يعايرها زوجها في المستقبل

مشكوره نورتي الموضوع

 

[Patcholli]

لا طبعا فشله
وةعلى قولتج باجر اقل خلاف بيعايرني ويقول اهلج عرضوج علي وكسرتي خاطري ووافقت لانج طايحه بجبدهم ومبتلشين فيج
لا يبا فشله وعيب الصراحه
اوكي اذا سألو الابو عندك بنت يقدر يتكلم ويقول اي بس انه يقوم بنفسه ويخطب والله فشله واحراج كبير


عيل شرايج اعرف وحده اهي خطبت الريال لوول
خطبها وشافها الشوفه الشرعيه وماعجبته
عقب ماراح البنت تعلقت فيه وظلت تفكر فيه وماتبي غيره
بعد شهر امها دقت على امه وقالتلها بنتي ماتبي غير ولدكم وتعلقت فيه
وتم الزواج والحين عندهم عيال

بس تعالي شوفي الكلام الي قالوه عنها واشكره حمواتها يقولونلها اي قلنا عنج ماتستحين وطايحه بجبد روحج .. :/

 

[nour el denya]

تختلف حسب المجتمع
أنا بالنسبه لي احسها صعبه

 

[يستفزني غلاك]

يمكن من كثر مآآآاائتمنى أنه يأخذ بنته قال شرائك أزوجك بنتي واككيد الرجال مؤمغصوب إذا مائبي بيقول مابيها بسس يمكن يحسبه مثل ولده.