ترضين احد من العامه يبوس عيالج ؟؟؟!

[No0oR]

صباح الخير على أحلى كويتياات
:eh_s(17):


بقول لكم موقف و أنتو حكموا

قبل اسبوع كنا بأحد الاماكن الترفيهية
و بنت اخوي شايله بنتي ام 4 اشهر
يات وحده منقبه مع احترامي لكل المنقبات
قالت حق بنت اخوي ممكن ابوس و تاشر على بنتي !
أنا لفيت قلت نعم ؟ قالت ممكن ابوسها ؟
مادري شلون يتني الجرأه و قلت لها لا و مشت
مع أني لما اتنح ما أتحجى بكثير من الاحيان
سؤالي هل ترضين ان احد من العامه يبوس عيالج ؟!
و قصدي بالعامة مثلا بالسوق او اماكن ترفيهيه و قربت وحده
قالت لج ببوس ضناج ترضين ؟؟؟

هل رده فعلي طبيعيه ؟
ولا لا

و اقول حق البنت سامحيني بس أنا ماعرفج :eh_s(17):​

 

[لومية]

اي خو عادي شدعوة
مافيها شي

 

[ديانا سبنسر]

اي عادي ليش لا حرام يمكن محرومة من الضنى واستانست على الياهل وجت تبوسه ليش التكبر والغرور

 

[No0oR]

مو تكبر ولا غرور

بس انتي تضمنين ان مافيها امراض مثلا

و بالنسبه يمكن تكون محرومه مافكرت فيها الصرراحه

انحصر تفكيري بالناحيه الصحيه

 

[حكاية لليلة]

حرام والله احرجتيها
بس والله عادي ما فيها شي بالعكس ليش ماتحب البنت هذا دليل انها حبت بنتج والله يخليها ليج ...........

 

[@ دهن العود @]

اي عادي ليش لا

 

[الأميرة كيرارا]

بصراااحة أن ما أحب
بس يمكن في ناس محرومين من العيال وقلبهم يزوغ على أي ياهل
يعني في استثناءات

 

[om al ghaleen]

انا ماآحب بس ماارد اي احد

\\

 

[غلاي امي وزوجي]

ايه عادي ما فيها شي

 

[بنت الوفا]

اي عاد مافيها شي الجاهل يخلون الوحد يحبهم غصب

 

[دمثة]

عادي حبيبتي لا توسوسين لاوخرت امسحي وجهاا بمنديل مبللل وسمي عليها والمعوذات وخلاص

 

[FA9LA*_*]

رد : ترضين احد من العامه يبوس عيالج ؟؟؟!

ما عندي عياال داااشششه لقاافه > مو متزوجه اصلاا

 

[كشفو سر الهوى]

اي عادي ما فيها شي

اخليها تبوسها و تلمها اذا تبي

قبل اسبوع تسولف علي رفيجتي تقولي شافت بيبي يهبل تقول ما ادري شلون صرت جريئه و قلت لامه ببوسه جان تبتسم الام و قالت عادي

بعدين سبحان الله الاطفال ينحبووووون وودج تاكلينهم حتى لو كانت البنت محرومه او لا عادي

بس و الله كسرت خاطري البنت ههههههههههههه

 

[[[ عيون جابر ]]]

واي حرام عليج
اي عادي لو عندي بنيه واحد بيبوسها بالعكس استانس ان بنتي محبوبه ليش افشل الناس واوسوس تصرفج غلط

 

[رضاهم جنه]

عااااااااااااااااااااادي

ليش زمنا تغير ؟؟ حتى بوس الجاهل نخاف منه ؟؟

واتركي الوسواس عنج بس قبل لا تطلعين لاي مكان حصني بنتج بالاذكار وخلاص

 

[درة أهل الطولات]

مسكينه فشلتيهااااا

لو انا بالعكس راح استانس

 

[أحبج يمه]

رد : ترضين احد من العامه يبوس عيالج ؟؟؟!

اهو صح شي يخوف بحكم انج ماتدرين منو اهي وهل اهي نظيفة
بس ماعليه تبوس الياهل يمكن البيبي يشوق الله يحفظه

 

[Q8tya_GirL]

اي عادي طبعا
وكذا مره اطلع مع اعيالي و يستاذنون مني انه يبوسونهم واقولهم اي عادي
الصراحه ما احب ارد احد

 

[No0oR]

أنا والله ماكان قصدي بس مشكله لما اتنح

مشكوورين بنات عالردوود عجبتني فكره المنديل المبلل و ان شاء الله ما رد احد مره ثانيه


و الله يرزق كل محرومه ان شاءالله
و حزب الطماشه ان شاء الله يرزقهم بالزوج الصالح

 

[ANON AL-A]

اي والله عادي
والله يرزق كل محرومه يارب