ترشحتي للتربيه ؟؟ متى دقو عليج ادخلو حبيباتي

[غزلان الشماليه]

مرحبا بنات انا قبلوني بالتربيه ويوم الاحد6/3 رحت قدمت اوراقي وقالو ندق عليج بعد3اسابيع انا بعرف هم يدقون علا اي اساس الحروف الابجديه ولا اللي قدمو مبجرومنو دقو عليها بنفس الاسبوع

 

[عنـــآق ..!]

ترس توالناس عليج ..
انا قبلوني اخر اربعه ولا اليوم ماشفت رقمهم
رحت لهم امس قلت بسال بشوف نفسي دخلت
اسمي بالحهاز قالت انتي خالصه اوراقج من زمان
قلت مادقيتو علي قالو مادري عنهم بس اوراقج من زمان
خالصين ولازم تفحصين بسرعه
يعني انتي احسبي لنفسج ثلاث اسابيع و راجيعهم




و بالتوفييييييييق











*

 

[بنت الكويت 25]

نصيحة سواء تم قبولكم بوزارة التربية او اي وزارة حكومية ثانية لا تنطرون يدقون عليكم روحوا انتو راجعو ودشوا بخشومهم والله ما تخلصون اوراقكم الا اذا انتو بنفسكم رحتوا راكضتوا بنفسكم للاسف في كثير موظفين يقولون نبي ندق وما يدقون

 

[غزلان الشماليه]

واي من صجهم هذول شهالكسل خل يحللون معاشهم شوي والله صح ع قولتكم مو فاضين تخيلو وانا اعبي الملف زعجوني يالله يالسوالف ماقدرت اركز ولا عاد الموظفه ماكلفت نفسها تتاكد من الاوراق الاصليه قالتلي عطيني نسخه من كل شي باردين بصراحه

 

[ام مهاوش]

انا ترشحت وزارة التربيه وقالو بندق ولا دقو رحت ولقيت اوراقي خالصه وخذيتهم ورحت سويت الفحص

 

[ميمي 86]

انااا يووم الاحد رحت قدمت اوراقي وقاالولي ندق عليج
صدمتوووني ليش مايدقووون 

 

[Angel_store]

اب اب اب

 

[●•∫ استثنآئيهـ]

بنات شنو شهادتكم ؟

 

[بآشة الخود]

انزين بنات انا سجلت بالديوان خريجة الجامعة
ودزوا مسج لي انه تم ترشيحي للعمل << وما حطوا لي موعد ؟

يعني شلون اروحلهم وانشب لهم ؟

 

[! بــدويه وآآيــد !]

،


انا دقو علي باسبوعين بس ورفيجاتي بعد راجعو هالاسبوع دقو عليهم الاسبوع الي وراه
بس وحده من رفيجاتي مسجينه صار لها شهر مادقو عليها
يعني حظ نصيب اوراقج تطيح بايد رباديه والا تحلل معاشها بس نطري ٣ اسابيع وروحي

وباشه حبيبتي اذا طلع اسمج تراجعينهم خلال ١٥ يوم

والي سالت عن تخصصاتنا انا دبلوم اتصالات وملاحه