تربية بيبي كات

[DaLa3 BeBe]

السلام عليكم

خواتي عندي بستشيركم اللي خبره بالقطاوه

ودي اربي لي قطوه صغيرونه مع اني مرات اوسوس واخاف لأن اذا كان بالبيت اطفال او وحده حامل اخاف يضرها يضرهم يمكن تقولون طعميها بس احس موكافي لان شعرها يطير بكل مكان ولا اشرايكم

وشنو شعور اني اربي قطوه حلو ولا صعب ولا ممكن تتخلى !

ووين احصل قطوه نظيفه وسليمه وشلون افحصها عد ما اشتريها ولا قبل

مادي قولولي كل شي عنها

وثنكيووو

 

[Hard-to-get]

ودي اربي لي قطوه صغيرونه مع اني مرات اوسوس واخاف لأن اذا كان بالبيت اطفال او وحده حامل اخاف يضرها يضرهم يمكن تقولون طعميها بس احس موكافي لان شعرها يطير بكل مكان ولا اشرايكم
بالعكس انا قطاوتي مايطيح شعرهم وحدهم نظاف

وشنو شعور اني اربي قطوه حلو ولا صعب ولا ممكن تتخلى !
وايد حلو

ووين احصل قطوه نظيفه وسليمه وشلون افحصها عد ما اشتريها ولا قبل
تلاقين الي مربينهم ابيت وايد نظاف لا تاخذين من جاخور ولا مزرعه نصيحه حتى بت زون وسخين انصدمت من القطوه الي ياييبينها ولا يبون يبيعونها اب 200 دينار اهوه لو يعطيني 200 ويقول اخذيها ماني ماخذتها

مادي قولولي كل شي عنها

اهيه عموما نظيفه واذا يبتي 2 راح يهتمون ابعض تلاقينهم يلحسون بعض ويتنظفون :eh_s(7):

وثنكيووو[/QUOTE]

 

[افراح كبيره]

كلامها صح اشتر ثنينه يلحسون بعض وينظفون بعضهم :friends:

 

[♥ بقآيآ آنسآنه ♥]

انآ آقول مو شرط ذكر ولا انثى
اذا طعمتيه واهتميتي فيه مايسوي شي لا عقم ولا يضر شي
بس اذا بتشتري سيده روحي الطبيب البيطري يكشفت عليه اذا سليم آو لآ
و انآ اقول اذا بتشترين من 3 شهور واكثر علشان تعرفين تتعاملين معاهم
وانآ كآن عندي ذكر ونثيه و يابت 3 عيال والله مآشفت منهم شي هآديين
وانآ انصحج اذا بتشترين من 3 شهور وفوق
و لازم تكشفين عليهم قبل لا تدخلينهم البيت
علشان لا يضر اي احد اذا كان مو سسسليم

واتمنى اني افدتج

 

[Relaxe]

والله انا ماعرف بالقطاوة

ونفس ماقالوا خواتي اشتري ثنين كل واحد يهتم بالثاني
بس انتي لما تشترين افحصي عليها وانا انصح بالانثة احسن اما الذكر ازعاج انا جربت الله لا يوريج ...

 

[golnaz]

شوفي حبيبتي اول شي الذكر احسن لأنه الذكور اذكى من الاناث
ثانيا لو تحاتين الشعر اخذيلج سيامي مو شيرازي لانه السيامي ما يقط شعر
ثالثا بخصوص نظافته شوفي دام القطو قاعد ياكل و يشرب اكل نضيف و بين يوم ويوم لازم تسبحينه و مو قاعد يختلط مع قطاوة الشوارع الي دوم بالزبالة تأكدي انه نضيف بس من يصير عمره شهرين او ثلاث لازم تودينه البيطرة يعطونه ابرة التحصين و بجذي خلاص لا تحاتين من ناحية النضافة
بالنسبة للتربية اذا تييبيلج قطو عمره بالاسابيع او شهر بالكثير تقدرين تتحكمين بتربيته اكثر لانه بيكون صغير و راح يتعلم عليج و على طريقة تربيتج انتي
انا يبت قطوي كان عمره اسبوع عاملته مثل الياهل بالضبط لازم كل جم ساعه تعطينه حليب و على طول لازم تكون تحته مثل قطعة خامة سميكة على اساس اذا وصخ لا يوصخج و بين يوم ويوم لازم تسبحينه و ادفينه و تعطينه حنان
باختصار يبيله خلق .. انا قطوي سويتله كلهاذه الحين مشالله عليه كبر و تعلق فيني لا ويحسب انا امه بعد لووووول
اذا عندج اي استفسار بعد انا بالخدمة
بالتوفييييق انشالله

 

[DaLa3 BeBe]

يعطيكم العافيه ماقصرتو

 

[مشاعل الروح]

عندي لك نصيحه لا تربين قطاوه ربي سلاحف يهبلون خصتن البريه

انا عندي سلحفاه عمرها ثلاث سنوات شاريتها صغيره

 

[last-moon]

يسلمووووووووووووووووووووووووووووووووووووووووووووووو

 

[tnkora]

بنات. شوفوا. السيامي مةل الشيرازي. يطيحون شعر. بس علشان تقليلين تساقط الشعر
سبخيها اهتمي فيها
مشطيها. وما راح. يصير لها. ويصيرلج شي

واهم شي التطعيم وقص الاظافر وشيلوا الافكار. الي الناس الجاهله. زارعينها براصكم

انها تييب عقم. اهي تييب بحاله وحده. ان ما طعمتيها وسبحتيها

اشكثر. حمل. اعرفهم. عندهم قطاوه وولدو ما شاء الله عليهم

وعيالهم ما فيهم شي ولله الحمد. بس الناس. الي يقولون جذي ما عندهم خبره

وتربيتهم حييل وناسه. ويفضل تاخذين. نثيه. لان. بوجود وحده راح تنضف. نفسها وبوجود ثنتين هم رتح. ينضفوون ويفضل تاخذين

النثيه. هذى شي يراجعلج. اذى تبينهم. ينزاوجون ولا لا

انزين

واذى تبين اي معلومه عنهم تعالي. موضوعي تلي مثبتينه. فوووووو ق. انزين

وان شاء الله اكون فدتج

 

[••لـوسـي••]

golnaz فديتج كفيتي ووفيتي انا اللي عندي قطو عمره شهرين وللحين ما طعمته وقاعده احاتي بس ان شاء الله بوديه البيطري عشان يطعمه وارتاح .. مشكوره واايد​