تربية اسلامية متوسط ثانوي .. جامعة الكويت ..

[ابلة اسلامية]

السلام عليكم ورحمة الله وبركاتة


والله مااادري شلون ابدي .. بس بما اني ماااعرف اكتب مقدمات ببلش ع طول < عيل هذا شنو :eh_s(10):

المهم

والله انا محتااارة وخااايفة ونفسيتي متغيرة ... ودي ابجي والله مااادري شفيني :eh_s(16):

انا ان شاءالله ع السنةالياية يمكن اتخصص وانا ودي اتخصص تربية اسلامية .. طبعا اخترت هالتخصص لان بصراحة ابي اتفقه بديناا وابي الاجر وابي اعلم ... والـــخ

السؤال اللي لبنااات تخصصي المستقبلي القريب باذن الله ..
شرايكم بهالتخصص .. سهل .. صعب .. حلو ... مو حلوو .. دكاترته زيينين .. بالعربي عطووني نبذة مصغرة عنه .. اتمنى بس البنات اللي متخصصين اسلامية متوسطة وثانوي يجاااوبوون لاهانوااا ..
وبس
ويزاكم الله خير
:eh_s(17):

 

[سكررة]

يا عمرررري انتي ليش تبجين بالعكس انا اشوف انه احلى تخصص وحتى دكاتره الشررريعه عسللللللل يهبلوووون ماصادفت دكتور بالشريعه مززعج او ظالم كلهم عسل و يمكن تسمعين كل الي حولج يقولونلج الاسلاميه صعب ومادري شنو انتي سمعي من اذن وطلعي من الثانيه ترا الاسلاميه يهببل وانا متخصصه اسلاميه دراسته حلووه واكيدجد بعض المواد فيها صعوبه وكل تخصص لابد يكون في صعوبه يعني عاااادي ي قلبي بالتووووووفيق

 

[ابلة اسلامية]

يزاج الله الف خير سكررة ..
بس انا خايفة من التجويد .... يقولون لازم يكون صوتج حلو وما الى ذلك .. بس انا ماااعرف اجود استغفرالله

 

[سكررة]

ولو حبيبتي ماسويت شي ,,, التجويد مو لازم صوتج حلو اهم شي النطق الصحيح وصدقيني سهالات اذا خذيتي تجويد اسمعي الايه المطلوبه من القراء المعروفين مثل العفاسي وحاولي تسمعين نطقه للايات او موشرط العفاسي اي قارئ جيد

 

[ابلة اسلامية]

يااابعد جبدي انتي والله :*
انزين انا الكورس الياي ان شاءالله باخذ ..
علوم قران .. والدعوه الى الله .. واحوال شخصية .. عادي اخذهم مع بعض . ولا يصير ضغط علي .. وهالمواد سهله ولا صعبه ..
ادري اني اذيتج حيااتي بس تكفين تحمليني لان مااعندي احد متخصص اسلامية

 

[سكررة]

يا عمررري لا اذيه ولا شي وانا حاضرة وبالخدمه لاا يردج الا كيبوردج علوم قران الماده حلوة وسهله خذيتها عند جميل المنيع وجبت بي بلس لكن هالدكتور مشكلللله اذا كنتي تغيبين لا تغيبين ابدا عنده اما امتحاناته سهله ماااي وكلها من النوت والنوت نظامه سؤال وجواب وحفظي يوم الامتحان وبالتوفييق والدعوة الى الله هم سهللله والكل يمدحها وباخذها وياج الكورس الجاي باذن الله واحوال شخصيه شوي فيها حفظ انا كنت مسجلتها عند يوسف الشرراح الكل يمدحه ويهببببل لكن الصدمه باول يوم طلعت لنا دكتورة وكل خميس امتحان وتكدش وتعبت وياها واخر شي سي فنصيحه احوال شخصيه اخذيها عند دكتور زين وهي ترا حسب الدكتور لان الماده حلوة مو ذيك الصعوبه

 

[ابلة اسلامية]

يزاااج الله الف خير يا سكررة ..


يعني لو اخذهم بكورس وااحد مراح يكون ضغط علي .. يعني انا ودي ع الكورس الياي اخذ احوال والدعوه وعلوم قران وجماليات ادب يعني مو ضغط علي ولا عادي ؟

 

[FoFa stylish]

اهم شي الدكاتره يعني جماليات هيفاء السنعوسي او مشاري الموسى بس و لا غيرهم الماده حيل صعبه

موفقه

 

[ورور92]

الله يوفقج حبيبتي والله زين ما تسوين احلى تخصص ! :*



سامحيني بس بدش عرض @@

سين سؤال.. شوي غريب!

اذا وحدة بالتربية وتبي تخصص اسلامية يصير ما تلبس عباية !؟؟؟؟؟؟؟

اهيا تربية مو شريعة ؟؟؟؟ فشلة و لا عادي؟؟

 

[ابلة اسلامية]

مشكووورة فوفا .. وسكررة حياااتي ماااقصرتي والله

ورور .. والله انا البس بدل
وادخل فيهم الشريعه عادي .. انتي لبسي اللي يريحج ..
بس انا شكلي بحوول للعباااية .. صج اني احب البدل .. بس الله يهديني ويهدي الجميييع


سكررة عفية اخر سؤال



يعني لو اخذهم بكورس وااحد مراح يكون ضغط علي .. يعني انا ودي ع الكورس الياي اخذ احوال والدعوه وعلوم قران وجماليات ادب يعني مو ضغط علي ولا عادي ؟

 

[بنت احلام]

الله يعين سكره خخخخخخخ بالتوفيق للكل

 

[ورور92]

أبلة اسلامية .. عدل كلامج .. بس ما تحسين ان الدكاترة يتنرفزون او شي !!
ويبالغون بالمسألة !@@ يحسسونج انج كفرتي :/


---------

وبالنسبة لسؤالج اذا انتي زينة بالحفظ ما يصير عليج ضغط

انا ماخذة مادة عقيدة وايد حلوة وسهله وصراحة بجهدي كله خذيت A والكلاس كله c ,d,f من الدكتور
و فقه عبادات حلوة وسهله بعد
وجماليات ادب انا ماخذتها عند مشاري الموسى اول كورس له درسني
رووووووعة يعطيج بس 8 اسئلة تحفظينها واييج منها 6
والمشاركة والغياب ماعليه درجات ..

والتخصص حلو وايد و ممتع و يفيدج دنيا و آخره و سهل .. كل دكاترته روووعة الا ما ندر

اختي قبل شريعة وتقولي كل شي

و كل شي بيد الدكتور حتى لو المادة صعبة يسهلها واللي عليج تشدين حيلج :*

والله يوفقج ويسخر لج الدكاترة و المواد و الشعب ويسهل عليج الدراسة و تييبين كل قريداتج A :*

 

[#الخشف#]

التخصص حييييل روووعه ولاصعوبه ولاشي بالعكس انا اشوف ان اسهل تخصصات كلية التربيه والحمدلله انا الحين ع وشك اتخرج ولاعانيت فيه ابدا الا في بعض المواد الخاصه بكلية التربية او مواد العربي اداب بس الباقي سهالات وربي يوفقج وييسرلج التخصص

 

[ابلة اسلامية]

مشكوووورين بناات بزاكم الله الف خير

اختي ورور .. والله انا الكورس اللي طاف كنت ماخذه مادة بالشريعة وكنت البس بدل .. والله ما حسيت بشي اصلا ولا الدكتور نفس علي او من هالاشياء .. بس حسيت شكلي غلط لان اغلب البنات عبي الا انا بدلة .. بس ان شاءاالله هالكورس بلبس عبي .. مو للدكاتره لا والله لربي
وبالتوفيق للجميع ..
وشكر خاااااااااااااااااااااااااااااص لاختي الغالية سكررة يعطيها ربي الف عافية