[تذڪـر هذآ المڪآن آنـmeـآ وآنتـyouـه زمــآن]

[nanosh_]

]تذڪـر هذآ المڪآن آنآ وآنتــه زمــآن [​

​

السلام عليكم ورحمة الله وبركاته​

مسائكم فل – صباحكم ورد:eh_s(7):​

شلونكم شخباركم .. ان شاءالله تكونون بخير والله لايغير عليكم​

:rerrerek:​

انا متابعه قديمه لهالمنتدى وخصوصاً قسم الروايات وصارت عندي خلفيه بالروايات واقرا من اكثر من سنتين بس ماكنت متشجعه اني اكتب ليما صار الوقت اللي تشجعت فيه اكتب وحبيت اخصص هالروايه تكون حصرية لكم قبل لا انزلها بأي منتدى ثاني وسجلت بالمنتدى مع اني كنت متابعه بصمت:eh_s(9):​

​

ان شاءالله تحوز ع رضاكم وتعجبكم وطبعاً استقبل التعليقات بكل رحابة صدر وتأكدو ان الانتقادات تسعدني عشان اصلح اخطائي وامشي بالطريق الصحيح ومنكم نستفيد محد يتعلم من غير خبرة الغيير:eh_s(10):​

​

وما احلل اللي ينقل الرواية بدون النك نيم:eh_s(4):​

ملاحـــظه : القصه كتابتي انا ورفيجتي مو بروحي ;p​

وروايتنا راح تكون من فترة مراهقة ابطالنا الى شبابهم​

​

​

​

لوجين بـ 11 من عائله مقتدره وحيدة امها وابوها​

مواصفاتها : طولها 160 شعرها غجري اسود طويل بيضه بياضها حلو شفايفها صغيره بس ممتليه خشمها حلو جسمها جسم عارضات ازياء وفيها شامه بخدها تميزها وبخدها اليسار غمازه​

​

ميار: بـ 11 من عائله ايظن مقتدره وحيدة امها وابوها وهذا الشي المشترك بين تولين وميار​

مواصفاتها : شعرها لونه مايل للشقار وطويل خشمها صغير ملامحها طفوليه طولها 157​

​

غزل : بـ 11 من عائله مقتدرة من ناحيه البنات فا اهيه البنت الوحيده لكن عندها اخو متزوج​

مواصفاتها :متحجبه متينه شوي وعاديه​

واهمه بنفس المدرسه طبعاً وبنفس الوقت جيران من عمر وابهاتهم وامهاتهم اخوان دنيا​

​

طلال : بـ اولى جامعه ولد خالت لوجين​

مواصفاته: طويل ومعضل بس شوي مو وايد برونزي وعنده غمازات تشوق ومسوي قفل وعيونه ناعسه​

​

يوسف : بـ 11 بس المفروض 12 بس كان برا ولما رجع الكويت اخروه سنه دراسيه​

مواصفاته :جمـــيل وجنتل جسمه حلورياضي برونز ..عيونه كبيره وعسليه حلجه صغير خشمه سلة سيف وحدا ستايل طوله 176​

​

جراح : بـ 11​

مواصفاته ابيض شعره شوي كشه (فلافل) عيونه شقتهم حلوه ضعيف بس شوي قصير بس كله على بعضه مملوح طوله 159 طبعا بنفس المدرسه​

​

​

​

الحـــب اولـه شي يهيــم به .. قلـــب المحــب فيلقى الموت كاللعب​

يكون مبدؤه من نظره عرضـــت .. ومزحه اشــعلت في القلب كاللهب​

كالنــار مبدؤها من قدحة فإذا .. تضرمت احرفج مستجمع الحطب​

 

[nanosh_]

لوجين : هاي بابا هاي ماما​

عبدالعزيز (الاب) :هلا والله بعيون ابوج وين بوستي (ويمدلها خده)​

لوجين :احلى بوسه حق احلى ابو في الدنيا اموواااه​

امل (الام): وانا شنو نسيتيني شكله مالي شي (وتسوي نفسها زعلانه)​

لوجين :لاعاد انتي الخير والبركه اموووواه​

امل & عبدالعزيز: بعد عمري الله يخليج لنا ​

لوجين :ولايحرمني منكم يادنيتي​

امل (الام):الحلوه كاشخه وين رايحه​

تولين :شفيج ماما اسم الله عليج نسيتي انه بنوتج الشاطره عندها معهد يراجعلها دروسها عشان اصير الدكتوره جوجي عبدالعزيز احم احم​

عبدالعزيز (الاب): الدكتوره وجوجي ماينفع يا ابوج​

لوجين :بابااااا عندي انا كل شي ينفع ولا نسيت انا جوجي دلوعة ابوها يلا حبايبي انا تأخرت ع المعهد برووح قبل لا ولد اختج يذبحني (اطالع امها) مادري ليش بالشيني فيه​

امل (الام):ها عيل تبين اوديج نادي مختلط وماوراج ريال لا انا اخاف ع بنتي حبيبتي مالله ارزقج بأخوان بس ارزقج بطلال اخووج من بعد عيني​

لوجين(مخترعه):يممه اسم الله علييج بعدوينج واللي يكرهونج والله يخليلي طلوول ولا يغيره علي​

الام & الاب : ان شااءالله يلا روحي شكلج استانستي ع القعده​

لوجين : أي حدي قعدتكم ماتنمل يلا حبايبي سييي ياااا​

الام : الله يوفقج ويسخرلج عيال الحلال​

​

Stop​

نعرفكم على عايلة لوجين​

عبدالعزيز الابو :طيب ويموت على وحيدته لدرجة انه ما يحب يشوف لها دمعه ريال اهم ما عليه مرته وبنته وبنه نفسه بنفسه​

ام لوجين طيبه بس بحدود حازمه نوعا ما لان بنظرها ما يصير الاثنين يكونون متسيبين شبابيه واللي يشوفها يعطيها اصغر من عمرها​

لوجين طولها 160 شعرها غجري اسووود بيضه بياضها حلو شفايفها صغيره بس متروسه عيونها كبار فيهم جاذبيه بس عدستها سوده فيها شامه بخدها تميزها خشمها حلو جسمها جسم عارضات ازياء وتلفت الانتباه​

كتومه وايد ما تؤمن بالحب عندها حياتها اهلها ورفيجاتها ما ترضى عليهم جريئه ولها اسلوب بالحوار تقنع أي احد جدامها فيها خبال بس مو مع أي احد القريبين منها وايد حساسه ودلوعه احيانا​

​

*في المعهد الساعه 4:30 عصراً​

​

لوجين واقفه تنطر رفيجاتها وتسولف مع طلال ولد خالتها اللي مارضى يدخل الكلاس قبل لا يتطمن عليها لان شايفها (امانه عنده)​

​

لوجين: وااي طلول جد مالي خلق صدقني لو ما مستقبلي جان مافكرت اطب هني اخلص من المدرسه والحنه والرنه ادخل هني​

طلال : يلا ما بقى شي لجون​

*-- دق موبايل لوجين بهاللحظه--​

تولين :الوو هلا بالحلوين المتأخرين علي وييينج​

ميار (صديقة لوجين وجارتهم بنفس الوقت والامهات والابهات ربع فاعلاقتهم قويه مع بعض من الطفوله ع قولت ابوها خوات مو من بطن واحد)​

ميار :انا برا وصلت ثواني تغمضين تفتحين تلقيني عندج​

لوجين : اوك حبي انا تلقيني واقفه اول ما ادخلين تلقيني بويهج بااي ​

*--صكرت الخط ----​

رفعت عينها ع طلال اللي كان طول الوقت ساكت يسمع المكالمه طلال فهم نظرتها​

طلال :ادري امشي بكرامتي قبل لا انطرد​

لوجين : لا افا ماعاش اللي يطرد طلول وانا موجوده بس انا اطردك عادي ادري اموون (واطلع لسانها)​

طلال : مشكله الثقه يلا المهم انا بروح و لما تخلصين دقي علي لا اطلعين من الكلاس قبل لا اييج انتي تدرين معهدمختلط وانا ماتدبست فيج اوديج واييبج بسبت هالمختلط​

لوجين : اوكي والله حفظت هالاسطوانه اللي من قبل المعهد يبتدي تعيدها تبي اسمع لك اياها ماعندي مانع ;P​

طلال : لا ثنكس ماكو وقت لو في جان خليتج تسمعين يلا جاااو​

لوجين: جاوات بحفظ الرحمن​

*بهاللحظه وصلت ميار​

ميار : هااي جوجيو​

لوجين : هايات وينج طولتي​

ميار : انا وراج صارلي ساعه بس استحيت اناديج معاج وولد خالتج موجود​

لوجين: يااي ع الحياويه​

ميار:ههه شفتي شلون المهم ببلا سوالف زايده جم باقي ع الكلاس​

*لوجين اطالع بساعتها​

لوجين : نص ساعه بظبط الكلاس يبدي 5:10 والحين 4:40​

ميار :عيل امشي كافتيريا اذا في كافتيريا هني (اول يوم مسجلين)​

لوجين: أي طلول قالي انه في ورا كلاسنا بظبط و راواني كلاسنا​

ميار : اوك يلا امشي انا توني قاعده من النو وميته يوع قعدت مخترعه خفت اني متأخره وييت بسرعه​

​

* بالكافتيريا​

ميار : يلا انا بروح اطلب وبطلب لج معاي على ذوقي وماكو مجال للنقاش​

لوجين : يلا اوكيك​

*قعدت لوجين تلعب بفونها (سوني اركسون)وفجأه جنا احد صب عليها ماي بارد تذكرت شي​

ويي نسينا زووز خندق عليها قبل لا تجرم فينا​

* دق فون غزل اللي كانت حاطته سايلنت لانها بالكلاس اللي راحتله لما مالقتهم​

لوجين: يااربي شفيها ماترد لايككون زعلت (من طبع لوجين ماتحب تزعل احد حتى لو اهيه مو غلطانه )​

*ماحست الا ميار وراها​

ميار:سكنهم مساكنهم شفيج تحاجين عمرج​

لوجين :نسينا زوز ودقيت عليها ماترد اخاف زعلت​

ميار:ويي لاعاد شدعوه ما اتوقع زعلت اكلي الحين عشان ما نتأخر​

* وقعدو يسولفون وياكلون​

لوجين : يلا ميمي انا خلصت امشي نروح الكلاس​

ميار :اخاف مافي احد​

لوجين :ايي واذا ما في احد احنا اول يوم نداوم لازم نثبت ان مهتمين​

ميار : يلا شورج وهداية الله​

>ماراح اقولكم توقعاتكم لانه لحد الان مابينت الروايه عدل ان شاءالله اسألكم بالبارت اللي وراه <​

[لمــآ صدفـــــــ مره شفتكـ ـــــه تكلمـنا وسمعتكـ مشـيـت وقلبـــي وياكــ رحــت وماهــقيــت بـرجع ياولد ناس واسمع الي قبالكـَ يهوااااك]

 

[jojy]

بداااايه عجييبه كمليييييي بليييييييز

 

[tota 3asl]

كملي قلبي لا توقفين

 

[nanosh_]

PART "2"​

​

* راحو الكلاس لقو الباب مصكر​

ميار : ياربي عليج شفتي حتى البا ب مابطلو يالمجتهدة​

لوجين:أي وشنو يعني نبطل الباب​

(بطلت الباب انربط لسانها من اللي شافته )|​

ميار (تهزها ):جوجي شفيج دخلي (شافت لوجين متصنمه جان ادزها )​

* انصدمت ميار :|​

شافو المستر (الاستاذ)اللي كان معصب وفيه الضحكه ع اشكالهم اللي مبين فيها الخوف (المعروف عن هالاستاذ انه شديد ومايدخل احد بعده لانه عنده الالتزام بالمواعيد اهم من الدروس )​

المستر (صالح ):توالناس جان ماشرفتو​

تولين (استعادة قوتها):سوري مستر اول مره واخر مره احنا يدد هني هذا اول يوم لنا ومانعرف شي بالمعهد او سياسته​

(كان في بتين قاعدين يعقلون ع الموقف )​

نور : واي حدها واثقه بيدخلها مالقت الا هالمستر يدخلها مسكينه بأحلامها تدخل​

* ردت عليها اللي معاها الثانيه رفيجتها​

فاطمه : لا ماعليج صدقيني بيدخلها اهيه ورفيجتها​

نور : اللي يسمعج جنا ماتعرفين استاذنا​

فاطمه : انا متأكده انها بتدخل وقولي فطوم ماقالت​

نور : شنو اللي مخليج واثقه يا ست فاطمه​

فاطمه : ماشفتيها اليوم اول يوم لها وطاقتها سوالف مع ولد الاستاذ دلووع الاستااذ تلقينها طول هالوقت معاه تونسه شعبالج واسطه مو انا وياج​

*طول هالكلام اللي كان يدور بينهم كان يسمعهم صبيين قاعدين وراهم​

المستر واهوا كاتم الضحكه : اول مره والاخيره فاهمين​

لوجين & ميار : اوكي مستر​

*قعدو يدورون بعيونهم مكان شافو غزل تأشرلهم وراحو لها​

فاطمه : مو قتلج واسطات​

نور : أي والله صج مهزله​

(الولد اللي وراهم )​

يوسف : الواسطات حتى بالمعاهد​

جراح :شسالفة شكو الواسطات الحين​

يوسف : شنو ماسمعت البنات اللي جدامنا شيقولون عن البنتين المتأخرين​

جراح : قالولك يوسفو قاط الاذن عندهم​

يوسف : يقولك (وقعد يقوله اللي سمعه )​

جراح من صجك انت؟ صج مهزله​

يوسف : أي والله بس يخرب بيته هالـ طلال شنو محظوظ​

جراح : شفيك ع الولد​

يوسف :انت شفت اللي يكلمها ملااااااك يمشي على الارض وبعدين انا من كان عندنا العام ما احبه ياخي​

جراح : لاوالله ماشفتها كنت اكتب اللي ع الصبوره​

يوسف : طاح حظك​

جراح :اقول حط لسانك بحلجك وانجعم ابي انتبه​

* وانتبهو مع الاستاذ (بنفس اللحظات اللي كانو يتكلمون فيها يوسف &جراح كانو اكو ثلاثي يتكلم بزاويات ثانيه من الكلاس )​

لوجين :يالخاينه انتي هني وما تقولين في رفيجات اذكرهم​

عزل:شنو نسيتي انه ماعندي رصيد امس خلص ومامداني اعبي​

ميار:انتي يا اخت لوجين على أي اساس قلتي انه باقي نص ساعه​

تولين : شدراني انا شفت الساعه وقتلج​

غزل (اطالع ساعة تولين):اقول جوجي قبل لاتشوفينها روحي صلحيها الساعه اصلاً واقفه​

لوجين (انحرجت ماكانت تدري عن ساعتها بس ماسكتت): لوما انا يا اخت ميار مادخلتي الكلاس وانتي متأخره وبدون لاتنزفين( اطلع لسانها )​

* انتبه عليهم المستر وصرخ : لوجين مو كافي انج متأخره تسولفين بعد (اهوا يدري انه لوجين طعبها صعب وماتحب احد يزفها تكره المكان بكبره بس لازم يسوي جذي عشان يفرض احترامه مع الطلاب الاخرين ومايتمادون )​

- الكل استغرب شلون عرف اسمها وخصوصاً انها طالبه يديده بالمعهد وماسأل عن اسمها​

نور : شلون عرف اسمها :|​

فاطمه : شفيج حبيبة ولده شلون مايعرف اسمها​

(وطبعا في اذن وراهم مقطوطه عندهم مستمع لهم )​

غزل & ميار مندهشين شلون عرف اسمها​

لوجين: سوري مستر​

-وصل حق لوحيت مسج وكان من ميار​

"شلون عرف اسمج"​

وصل حق ميار مسج وكان من لوجين​

"ورا الكلاس اذكرج باللي قلته لج من قبل"​

- وانتبهو ع الشرح​

بعد ساعه ونص بظبط انتها الكلاس قامو البنات بيطلعون​

لوجين : لابنات قعدو معاي بنطر طلال قالي لا طلعين لما اييج​

غزل : زين قومي نقعد بالكراسي اللي ورا اللي عند الباب​

- وراحو يقعدون بالكراسي اللي عند الباب الكل كان طالع الا 2 جراح & يوسف (واحد منهم عيونه ماوخرت عن البنات )​

- قامو يطلعوون بهاللحظه انتبهت ميار​

ميار : ويي جرااح​

- سمعها جراح والتفت عليها بس ماعرف الصوت وبداخله يقول ياربي هالصوت مو غريب علي​

جراح : اوه ميمي من متى انتي هني متى سجلتي بالمعهد ووليش ماقلتيلي​

ميار : مادري انك هني وانا اول يوم هني مامداني اقولك​

جراح : ايي اوكي ان شاءالله ارتتحتي مني وكل شي عاجبج​

ميار : ويي بسم الله توني اول يوم مامداني احدد​

جراح (تفشل من سؤاله وبيرقع ) : لاماعليج ان شاءالله بترتاحين تطمني​

ميار : ان شاءالله​

جراح ( انتبه ع اللي متنح يمه ):اوك يا بنت الخال انا ماشي اشوفج باجر واذا محتاجه شي دقي علي (مايدري انها ماتعرف رقمه اصلاً )​

ميار : اوكي باي​

دخل بهاللحظه طلال وسلم على يوسف & جراح لانهم كانوا وياه بنفس المدرسة​

وطلعت معاه لوجين​

- لاحظ جراح لوجين واهيه طالعه مع طلال وتذكر انه هاذي اللي يتكلمون عنها بس احب يعلق الحين وعصب انه هااذي رفيجة بنت خاله​

طلعو جراح & يوسف .. ميار& غزل​

​

بنزلكم الـ part 3

كن لطيفا مع الناس في طريقك للصعود لأنك ستقابلهم مجددا في طريقك للهبوط

 

[nanosh_]

part 3​

في السياره​

طلال : ها لجون شلوون المعهد​

لوجين : واللي يعافيك صار فيني موقف مع ابوك حدا لا احسد عليه​

طلال : هههههههههه من صجج عاد اليوم اول يوم ليش شصار​

لوجين : شفت الحظ اسمع ياطويل العمر (وقالتله السالفه )​

طلال : ههههههههههه لا مو من صجج ماسوت عليج مره ثانيه تأكدي من ساعتج قبل لاتلبسينها​

لوجين : شدراني :​

طلال:هههههههههههههههههههههههههههههه​

لوجين: ان شاءالله اشوف فيك يوم يا طلال واضحك عليك​

وصلو بيت لوجين​

لوجين : ها طلول تزل معاي​

طلال : لابرجع البيت انام ماشوف الطريج​

لوجين : اوك نوم العوافي​

طلال : يعافيج يلا دخلي خنتأكد انج دخلتي​

لوجين : اوك الله لايحرمني منك يا اخوي العزيز​

طلال: ولامنج ويلا لاطولينها بأفلامج الهنديه واهيه قصيره​

ودخلت البيت مالقت امها ( امها ورا المغرب يمعتها مع رفيجاتها من عمر اللي اهمه جاراتها ) ولا ابوها ( ابوها العاده بالديوانيه )​

ركضت على طول على جناحها المكون من ( صاله وغرفه ومكتب وحمام وغرفه تبديل ) و على طول بطلت اللاب توب تكمل الروايه​

>> نخليها مع رواياتها​

في البيت المجاور لبيت لوجين​

دخلت البيت توجهت لصاله​

غزل : قوه يمه (ريهام ) (باست راسها ) قوه عمتي (ريم وسلمت عليها ) قوة خالتي امل ( ام لوجين ) قوه خالتي نوره ( ام غزل ) قوه جميعا​

كلهم : هلا حبيبتي يقويج​

-كلهم جيران الا ريم زايرتهم ومتعودين يجتمعون بعد صلاة المغرب​

ميار : ويي عمتي طافج منو معاي بالمعهد​

ريم (العمه):منووو​

ميار : المحروس ولدج جراااحو​

ريم : ايي انتي طلعتي بنفس معهده اهوا بعد مشترك بمعهد بس ماتوقعتكم نفس المعهد​

ميار : ولاا بعد نفس الكلاس​

ريم : يلا زين اشوا عشان امج تطمن عليج معاج احد ذبحتنا مع اليوم تحاتيج​

الام ( ريهام ) : أي والله الحمدالله يارب اللي خليت وليدي جراح مع بنيتي ميار​

نوره ( ام غزل ) :الحين انتو تطمنتو على بناتكم معاهم اخوانهم انا المسكينه بنيتي منو معاها​

امل ( ام تولين ): معاها اللي احسن من عيالنا ربج وعيالنا ماراح يقصرون معاها ان شاءالله اهيه بعد رابيه معاهم​

- دق موبايل ريم وكان جراح​

جراح : الو يمه وينج​

ريم: شفيك كله مستعيل الناس تسلم​

جراخ : السلام وينج​

ريم : بيت خالك خالد شعندك​

جراح : صج بيت خالي خالد عندج ميار​

ريم : أي كاهي عندي​

جراح : زين عفيه يمه عطيني اياها ابيها​

ريم : انزين .. ميار تعالي​

ميار : خذت الموبايل : هلا جراح امر​

جراح : مايامر عليج عدو بس مالاحظتي انه ماعندي لا رقمج اليديد ولا ايميلج اليديد المهم اخذي رقمي من موبايل امي ودزيلي ايميلج اذا ممكن​

ميار : تامر امر افا عليك وصكته ( وخذت رقمه ودزتله الايميل )​

وكملو سوالفهم​

بالبيت االمجاور لبيت غزل​

غزل دخلت و ع طول تركض ع شقة اخوها الوحيد ( راشد ) متزوج (دانه ) مرته حليوه وتحب غزل وراشد يشتغل طيار فا مايكون عندهم وايد​

اطق الباب​

بطلت لها ستي خدامه ( دانه )​

غزل : ستي وين ماما دانه​

ستي : ماما دانه داخل ينطر انتي اهيه يطلب مطعم ويشتري فلم​

غزل : الله ونااسه ( وتركض ع الصاله )​

غزل : هلووووو​

دانه : اهلين وسهلين حبيبتي من اليوم انطرج​

غزل : كاااني وصصلت يلا شغلي الفلم متشوقه​

دانه : ويي شدراج اني مجهزه فلم​

غزل : شرايج يعني وكالة الانباء ستي قالتلي​

دانه : وهاذي ماتخلي شي ماتقوله المهم يلا خنشغل الفلم​

وشغلته وقعدو يطالعون وياكلون​

اما عند بيت ميار​

- الكل رجع بيته وميار صعدت غرفتها وشبكت دخلت المسنجر​

لقت اضافه قبلتها لانها تدري من جراح ولقته اون لاين​

دخل عليها​

jra7: هلا وغلا بنت الخال​

meme: هلا فيك​

jra7: شلونج​

meme: الحمدالله زينه وانت​

jra7: دووم .. انا بخير الحمدالله​

meme: ثانكس​

jra7;ولوو​

jra7: اقول ميور شلون رفيجتج تولين​

meme: شعندك تسأل شنو عجبتك​

jra7 :تعرفيني مو مال هالسوالف بس جذي حبيت اطمن ع رفيجات بنت خالي​

meme : شمعنى سألت عن توتي ليش مو غزل​

jra7 : بصراحه هالبنت مو عاجبتني ومابي بنت خالي تماشيها انا سامع عنها كلام وخايف عليج الصاحب ساحب​

meme: (ماعطته مجال يشرح لها ) لوسمحت جراح انا مارضى تقول عن اختي جذي وانت عارف شلون انا مع تولين وشنو اهيه بنسبه لي لوسمحت لاتكمل وماتقدر توخرني عنها اوكي​

jra7: سوري مو قصدي بس انا خايف عليج انتي بنت خالي وسمعتج من سمعتي​

meme: مشكور ماله داعي تخاف علي انا اعرف اختي اكثر من اني اعرفك​

خلاص عذريني اسفين اخت ميار ماراح ابطل هالموضوع مره ثانيه جرحته)jra7​

meme: يكون احسن بعد سويت معروف​

اوك انا بفصل تامرين على شي تضايق من اسلوبها معاه مع انه بنظره ماسوا شي ) jra7​

meme:أي ياليت تشيل خواتي من راسك انت معاي بالمعهد مو عشان تتحكم فيني​

جراح فصل بدون لايقولها باي لانها حيل جرحته مع انه بنظره انه كان يبي مصلحته ومو قصده شي واهيه ماعطته مجال انه يبرر اكثر​

ميار : عصبيه شوي ماترضى ع رفيجاتها اللي بنظرها خواتها وهالحب لبعض من اهمه صغار وبنظرها اللي يرشهم بالماي ترشه بالدم​

ميار : ويي فصل شكلي زودتها معاه شوي لا احسن خليه يتعلم محد يقرب صوب خواتي ( ميار مثل تولين ماعندها لا خوات ولا اخوان وحيدة اهلها وغزل تشبههم بأنها ماعندها خوات )​

صكرت ميار اللاب توب لانها عصبت من كلام جراح وشافت الساعه لقتها 10 راحت انسدحت بفراشها وقعدت تفكر​

ميار : شنو هالكلام اللي طالع عن تولين اللي سامعه جراح معقوله يكون جذاب بيوخرهم عني بس ولا صج في شي شلون ماسمعناه ليما نامت​

تولين : نامت واللاب توب مبطل واهيه تقرا الروايه​

غزل : قاعده مع ابوها وامها ومرت اخوها يتعشون وبعدها تنام​

يوسف : يفكر بس بشنو الله واعلم​

جراح : متضايق ويفكر بالموقف اللي صار وماتعشا انسدت نفسه ونفس ميار فكر لما اغلبه النوم ونام​

طلال : نايم من اول مارجع البيت​

​

آختــر ]كـلآمـك[قبل ان تتحدث ​

وآعط للخيار وقتاً كآفياً لنضج الكلام ​

فالكلمات كالثمآر تحتآج وقت كآفي حتي تنضج ​

​

هذيل ابطالنا وعرفتوهم طبعاً ماندري اذا في ابطال يدد ويوسف راح تكون الشخصيه الغامضه باللروايه اللي ماراح احدد شخصيتها من خلال البارتات هاذي بعكس باقي البطولات اللي راح تتحدد شخصياتهم البارت الخامس​

حالياً قولولي شنو تشوفون شخصيات ابطالنا واللي حابينها تكون & توقعاتكم​

ودمتم سالمين​

​

 

[Zainabo]

حبيبتي بداية القصة حلوة يلا ناطرينج

 

[nanosh_]

بداااايه عجييبه كمليييييي بليييييييز

حياتي تسلمين نورتي
يشرفني انج اول الي يردون ع الروايه
واتمنى انج تكونين من المتابعات لها

 

[nanosh_]

كملي قلبي لا توقفين

ان شاءالله راح اكمل وعندي بارتين جاهزين بس ابي اشوف التفاعل

 

[nanosh_]

حبيبتي بداية القصة حلوة يلا ناطرينج

تسلمين
ومن عيوني بس ابي اشوف تفاعل وانزل بارتين

 

[_توتة الكتكوتة_]

Hello
Shlonich Sha5barich ?? << Keelesh Mo Ga3dah Tsolif
WoOoOoOoOoOoW
Etha Bdayt'ha Chithy .... Shlon B3deen
QAWEYAH
Bs Ehya TOLEN Wela LOJEN ? L2ny Jad T5arba6t -.-
7lewah I Like Her
Myar T'thakerny Eb My Self (a) Maaa Artha 3la My Friends Keelish !! L2nhom 9iiij 9iij 5waatiii
Ghazal Malha Mwaqiif Wayed So Ma 7kamt 3leha Now
Jarah I Like His Attitude !! L2n Mbayen Ena 5ayef 3leha Min Klam Il.nas Bs il.mafrooth Ma Ya7kim Chithy
Talal 7leeeew W 6ayeb Allah Y5aleh Lha Ensha2 Allah ;;* 3jabny

WAITING My Dear <3

 

[άGώâ ми àώàŁ]

Y36ech al3aafyaa
khoush Rwayaa Nan6r altaakmlaa!
Shaaklha TSHAWG!

 

[jojy]

عجيببه والله بس في سؤال ضعت شويه الحين تولين اهياا لوجين مووو لووول

وثااانكس ننطرج

 

[nanosh_]

عجيببه والله بس في سؤال ضعت شويه الحين تولين اهياا لوجين مووو لووول

وثااانكس ننطرج

حياتي والله حياج مرورج الاعجب
اهيه حالياً لوجين كنت حاطتها تولين بس ماي فريند ماعجبها الاسم
اتمنى انج تكونين من متابعين الروايه

 

[nanosh_]

y36ech al3aafyaa
khoush rwayaa nan6r altaakmlaa!
Shaaklha tshawg!

الله يعافيج حبيبتي
تسلمين واتمنى انج تكونين من متابعين الروايه

 

[nanosh_]

hello :d
shlonich sha5barich ?? << keelesh mo ga3dah tsolif
wooooooooooow
etha bdayt'ha chithy .... Shlon b3deen
qaweyah
bs ehya tolen wela lojen ? L2ny jad t5arba6t -.-
7lewah i like her
myar t'thakerny eb my self (a) maaa artha 3la my friends keelish !! L2nhom 9iiij 9iij 5waatiii
ghazal malha mwaqiif wayed so ma 7kamt 3leha now
jarah i like his attitude !! L2n mbayen ena 5ayef 3leha min klam il.nas bs il.mafrooth ma ya7kim chithy
talal 7leeeew w 6ayeb allah y5aleh lha ensha2 allah ;;* 3jabny

waiting my dear <3

اهلين وسهلين نورتي الروايه حبيبة قلبي
تمام الله يسلمج وان شاءالله انج تكونين بخير

اهيه لوجين بس سابقاً اول ماكتبت الروايه كانت تولين بس عشان ماي فريند غيرتها بس انتي الي تبينه راح يصير تبينه تولين او لوجين كل شي عشانج بيصير

حبيبتي انتي مو احلى منج
اتمننننننننننى انج تكونين من متابعين الروايه

واتقبل اي نقد

 

[nanosh_]

ملاحظه اتقبل اي نقد بأي شكل من الاشكال وتأكدو انه نقدكم يفرحني ما يزعلني

 

[nanosh_]

​

Part 4​

نوور ينفذ من النوافذ الى أعين بطلاتنا وابطالنا معلناً ابتداء يوم جديد​

​

7:00صباحاً​

تررررررررررررررررن تررررررررررررن تررررررررررررن​

>مدت ايدها وصكرت منبهه المتعوده يقعدها كل يوم حق المدرسه​

ماري : lolo your parents are waiting on the dinning table​

ميار : I am coming​

قعدت وراحت وغسلت ويهها وفرشت اسنانها ولبست ملابسها وظبطت شعرها واستعدت استعداد كامل للمدرسه​

بنفس هاللحظات​

لجون ماما حبيبتي يلا قوومي وراج مدرسه​

لوججين : اوك ماما كاني قعدت​

امل (الام): يلا حبيبتي انا وابوج ننطرج تتريقين معانا​

لوجين : ان شاءالله ماراح اطول عليكم دقايق بس​

وقعدت واستعدت​

صووت العصااافير قعد غزل اللي متعوده انا تقعد ع صوتهم​

وبدلت وتجهزت وراحت تتريق مع امها وابوها ومرت اخوها​

​

ميار : الحمدالله شبعت يلا ماما يلا بابا انا بروح المدرسه تامرون على شي​

الام : توالناس حبيبتي ماكليتي شي​

ميار : الحمدالله يمه شبعت مابي اتأخر على البنات​

الاب : اوكي حبيبتي روحي الله يوفقج​

​

ركبت السياره بنتلي مع السايق اللي حاطينها لهم اهلهم سياره مشتركه حق البنات بما انهم بنفس المدرسه وبنفس العمر واكثر من خوات​

ميار : جوو طق هرن عشان تطلع لوجين​

جوو : اوكي​

طوووووووووط طوووووووووووط​

لوجين : كاا صوت الهرن يعني وصلت ميور يلا جاااااو​

عبدالعزيز&امل: موفقه​

وطلعت حق ميار​

لوجين : صباح الخيير​

ميور : صباح النووور حبيبة قلبي .. يلا جو بيت زوز​

طووووووط طووووووووووط​

غزل : يلا كاهمه وصلو البنات باااي ( وركضت برا )​

ركبت السياره​

ميار & لوجين : صبااح الخيير زووز​

غزل : صباح النووور والووورد وكل شي حلو بالدنيا​

* وصلوو المدرسه​

وابتدا الطابور وصارت الحصه الاولى​

بتدو البنات الحصص بكل اجتهاد ونشاط ليما صارت الفرصه الثانيه​

البنات يسولفون ويضحكون الا وحده منهم سرحانه من الصبح​

لوجين : ميور شفيج من الصبح مو على بعضج وسرحانه في شي مضايقج​

ميار ( شنو تبيني اقولج تبين اقولج انه ولد خالي شاك فيج ): لاحبيبتي لا يهمج مافيني الا العافيه بس مو نايمه عدل​

غزل : اووه اوه مو نايمه عدل شنو مسهرج ميمي اكيد تفكرين فيني​

ميار : ويهج كنت اشوف فيلم​

غزل : ياعييني يا عينيي​

نروح عند مدرسه الصبيان​

يوسف :اخيييه جراحو بصراحه بنت خالك ورفيجاتها كل وحده احلى من الثانيه​

جراح( رفع حاجبه ) : مالك شغل فيهم انتبه لدراستك احسن لك​

يوسف : زين يبه شقلت كليتني​

جراح : سلامتك يبا ما قلت شي​

يوسف : زين شفيك متضايق ومو على بعضك​

جراح : لا مافيني شي​

يوسف : تخش عن الكل بس ماتخش علي انا اخوك واعرفك اكثر من نفسك​

جراح : مادري شقولك​

يوسف : قول اللي مضاييقك يمكن اقدر اساعدك​

جراح: امس كلمت بنت خالي وقلتلها لاتماشي رفيجاتها اللي تمشي مع طلال ياخي انا مارضى على بنت خالي تماشي هالاشكال وقبت بويهي وقطت علي كلام شكبره بصراحه حييل ضايقتني بكلامها خلتني جنا واحد بشارع يكلمها ماجنا ولد عمتها​

يوسف : انت غلطان مو مفروض تقطه بويها جذي شي طبيعي بتتنرفز مفروض تنطر شوي​

جراح : شدراني انا بعد ان بتصير ردت فعلها جذي انا ابي مصلحتها وانت تعرفني ما لف ولا ادور​

يوسف : ماعليه خلها وربك يحلها يوم يومين وبتنسى هالسالفه​

جراح : زين قوم يلا نرجع حصصنا​

يوسف : من صجك عبالك برجعك وانت بهالحاله​

جراح : ها عيل وين نروح​

يوسف : ماعليك ماراح نحضر نروح نلعب كوره قدم مع استاذ الالعاب وناخذ ورقه منه​

جراح : تصدق خوش حل حتى انا مالي خلق احضر​

ومر اليوم الدراسي على مايرام​

ورجعو البيت وتغدو وكل واحد ولاهي بشغله​

وصاار وقت المعهد​

ميار مرت البنات وراحو​

ميار : لوجين ماقلتيلنا شسالفه المستر شعرفه بأسمج​

غزل : أي والله شسالفه​

لوجين: شفيكم نسيتو انه المستر ابو طلوول ولد خالتي يعني هذا ريل خالتي عرفتو​

ميار : اهااا والله انج مو سهله واسطات حتى بالمعهد​

لوجين : افا عليكم اعجبكممم​

-وصلو المعهد​

ميار : امشو على طول القاعه نقعد هناك لما تبدي الحصه​

لوجين : أي والله مالي خلق انزف​

غزل :يلا امشو بلا هذره زايده​

وراحو الكلاس وقعدو فيه يسولفون ويضحكون​

وصلو يوسف & جراح​

ميار انتبهت حق جراح بس نزلت عينها جنا مانتبهت​

اما غزل فا اهيه اللي مانزلت عينها عن واحد منهم شوي وتاكله بعيونها وكأنه عاجبها​

يوسف : كاهيه بنت خالك قوم اعتذرلها​

جراح : بس انا ماغلطت​

يوسف : أي ميخالف ولو بس زعلتها قوم اعتذر​

جراح : شورك وهداية الله​

بهاللحظه دخل طلال يطمن على لوجين اذا تبي شي ولا لا​

قعد جراح يراقب الوضع ويوسف حس برفيجه انه عصب​

لوجين قامت تكلم طلال​

ماقدر يتحمل جراح وقام يروح عند ميار خايف عليها لحقه يوسف​

ميار مانتبهت لهم كانت تلعب بالفون اهيه وغزل​

سمعو كلام طلال & لوجين​

لوجين : هلا طلول​

طلال : اهلينات ها محتاجه شي​

لوجين : لا حبيبي مو محتاجه شي​

طلال : اوكي انا رايح ديري بالج على نفسج​

تدخل بهاللحظه يوسف وسلم على طلال وجراح راح عند ميار​

جراح : قوه ميار​

ميار : هلا​

جراح : امم زعلانه​

ميار : لاعادي بس ياليت ما تدخل​

جراح : ولايهمج المهم انا حبيت اطمن عليج ناقصج شي​

ميار : لا تطمن مو ناقصني شي​

يوسف سحب طلال​

يوسف : يلا امش نقعد كاهو المستر عند الباب​

جراح : انزين يلا امش​

وطلع طلال من الكلاس ​

وابتدا الاستاذ الشرح وانتبهو معاه من دون أي مقاطعات او حوارات جانبيه​

وانتهت الحصه​

غزل ماكانت معاهم كانت تخطط طول الحصه​

ميار & لوجين: غززل غزززل​

غزل ( سرحانه ) : هلا شنو​

ميار : يلا بنرجع البيت​

غزل : يلا اوك​

تصادفو عند الباب لوجين & ميار & غزل & يوسف & جراح > جذي كان ترتيبهم​

غزل استغلت هالفرصه ودعمت يوسف​

غزل : سوري ما انتبهت​

يوسف : لا عادي​

ميار & لوجين: استغربو حركتها بس توقعو انه صدفه​

وهذا بارت 4 وعشانكم راح انزل 5 بعد وان شاءالله اشوف تفاعل

تـــدري اني احبك وهم عليــــك اغــــأر
( و )
تدري سكوتي اهوا اكبر عيوني

 

[sweet gairl]

كملييي حياااتي رواااايتج تينن .........<3*

 

[nanosh_]

Part 5​

8:00​

لوجين : ميمي توقعين حركه زوز قاصدتها ولالا​

ميمي: لاويي حرام لانظلمها شكو قاصدتها لا ماتوقع ​

لوجين : يمكن صح ليش لا الظليمه شينه ​

ميمي : المهم ماعلينا شبتسوين بأمتحان باجر حدي متوهقه ​

لوجين : ماكو الا نغيب وناخذه مؤجل على الاقل نشوف من البنات شنو ياهم​

ميمي : تصدقين ماكو الا جذي اوك ماعندي مانع ​

لوجين : خلاص عيل بما انه بنغيب نسهر اليوم انا وياج بالمسن اوك​

ميمي : افا عليج ولايهمج ​

لوجين : عيل خلاص حلو اكلمج بالمسن ​

ميمي : اوك قلبوش سي يا ​

لوجين : وعليكم السلام ورحمة الله وبركاته ;p ​

ميمي : شكو ​

لوجين : مادري جذي كيفي ​

ميمي : ههههه اوك باااي ياحلوه ​

لوجين: بايات ​

سهروو بليل وغابو ​

الصبـح 7:30 ​

لوجين : اووووف يهالازعاج منو الي يدق الحين ​

لوجين : اووف الووو ​

غزل : لاوالله صج وينج مو جنا تأخرتي ​

لوجين ( ويي نسيت اقولها ): زووز سوري نسيت اقولج اني بغيب ماراح اعرف احل بالامتحان اليوم وميمي بعد بتغيب ​

غزل : لاوالله وانا اخر من يعلم اوووك ماشي يلا ماعليه حتى انا بغيب اداوم مع القطاوه مثلاً يلا احلام سعيييده ​

لوجين( مالها خلق تبرر) : وانتي اسعد ​

الساعه 4 ​

لوجين : اووووف شفيهم علي اليوم كلهم يدقون بنااااام ياعالم ​

لوجين : ياربي الووووو​

طلال : لاوالله شنو نايمه ولا شنو بظبط ​

لوجين : هاشتبي انت ثاني اكو احد يدق الصبح ​

طلال : الصبح ! ياااشقوول الساعه 4 العصر​

لوجين : هااا @@ متى وشلون ماقالولي ​

طلال: الحمدالله والشكر يالله كملنا بعقلنا قومي قومي ربع ساعه وانا عندج اذا ماكنتي جاهزه بروح ماراح انطر الست هانم تخلص ​

لوجين : زين زين اوف الحين بقوم يا اخي بس لو سمحت تأخر شوي ​

طلال: اشتغل عندج انا خلصيني ربع ساعه وانا عندج ​

لوجين : اوف زين الحين اذلف عني عشان يمديني اخلص ​

طلال : طاع ماكو اسلوب ذلفي (سده بويها )​

لوجين : الحمدالله والشكر بس شلون انا ماحسيت بالمنبه يلا خنقوم بعدين اتفاهم مع نفسي نشوف لنا حل​

قامت تجهزت وخلصت وطلعت ع طووول حق طلال لانها نقعته المسكين ​

طلال : لا لا حلفي جان مانزلتي ناطرتني اصعدلج يعني ولا شنو ​

لوجين : يووه طلووول خلاص اخر مره ماحسيت بنفسي نمت​

طلال : شنو ماداومتي اليوم ؟​

لوجين : لاماداومت عندي امتحان ومالي خلقله ​

طلال : لاخوش عذر حدج بتنجحين ​

لوجين : الله يسمع منك ​

طلال : طاع مصدقه روحها ​

لوجين : اقول طالع جدامك ولا تحبط فيني مالي خلق ترا ​

طلال: زين زين بس لاتاكليني ​

لوجين : مليييق ​

طلال : طالع عليج ​

لوجين : ياربي ماراح اخلص اليوم من هالعله ​

طلال : لا ماراح تخلصين مني ​

لوجين : يووووه منو داعي علي اليوم ​

طلال:خدامتج المسكينه ​

لوجين : شنو مخليتك محامي عنها ​

طلال : اقول كاهو معهدج فكيني منج ​

لوجين : واااي فكه يلا باي ​

نزل طلال معاها ​

لوجين : نعم مضيع ليش نازل خلاص حفظت المكان ​

طلال : لا ولو انتي امانه برقبتي لازم اوصلج ​

لوجين : ياااربي عدي اليوم على خير ​

دخلو داخل ​

دخلت القاعه على طول​

لوجين : واي الحمدالله انه للحين ماوصل المستر ​

لقت ميار & غزل ورا ويمهم يوسف وجراح ​

لوجين: غريبه شمقعدهم معاهم وانا شكو اروح اقعد عند ميور وخلصنا مالي شغل بهالاثنين ​

ميار : اهليين جوجي وينج ليش متأخره ​

لوجين : اوف واي راحت علي نومه لو مو طلال مقعدني ولا جان ما ييت ​

غزل : زين سوا اول مره يسوي شي صح بحياته ​

لوجين : اسم الله عليه اصلا اهوا كله على بعضه صح بـ صح ​

يوسف ( يكلم نفسه ) : بعد ماترضى عليه عشتو ​

لوجين ( بينها وبين ميار ): هذيل شعندهم يمنا ​

ميار : مادري يينا لقيت جراح حاجزلنا هالمكان ماحبيت افشله ​

لوجين : اها اوكي ماشي ​

ميار : لا يركض ​

لوجين : هههههه برا برا​

دخل الاستاذ​

الاستاذ : السلام ​

اليوم ابي اوزعكم لانه عندنا شغل جماعي فا ابي مجموعه المطلوب انهم شخصين ومايزيدون عن 3 اشخاص الحد الاقصى ​

غزل لقتها فرصه ​

نطت انا مع يوسف شررايك يوسف ​

كلهم على ويوهم علامات استفاهم​

يوسف ( ماحب يفشلها ) : أي اوك ماعندي مانع ​

لوجين ( تكلم ميار ) : ويي شفيها هاذي استخفت ​

ميار : مادري عنها​

جراح :ممكن اصير معاكم​

لوجين : أي تفضل ​

ميار : ها أي أي حياك ​

​

الاستاذ : اوك يلا بوزع عليكم الشغل وابتدو ​

ميار : لجون عطيني مقص ​

جراح : تفضلي ​

ميار : مشكور​

لوجين ( مجيكه على يوسف & غزل ): سبقتني ​

جراح : هههه أي شفتي شلون اني اسرع منج​

لوجين : لالا هاذي استخفت رسمي مو من صجها ​

ميار : شنو شفيج ​

لوجين : واي فشله شوفي غزل تتميع عند الولد شبيقولع عنه ولد الناس ​

ميار ( بطلت عيوووونها ): وييي ابيه ​

الاستاذ : خلص الوقت الي ماخلص شغله يقدر يكمله مع زميله بعدين ​

راحو ميار & لوجين عند غزل لانه الي تسويه اوفر ​

ميار & لوجين : يلا غزل خلصنا ​

راح جراح عند يوسف ​

غزل : اوكيييه بس ويت يوسف ممكن رقمك عشان نكمل شغلنا ​

يوسف ( شفت جرأه بس مثل هالبنت ماشفت ): ها أي اوك تفضلي 99......​

غزل : اوك ميرسي ​

جراح منصدم من الوضع ​

دقت عليه امه ​

امه : قوه جراح​

جراح : ها نعم أي هلا هلا يمه << منصدم الولد ​

امه : ويي شفيك بسم الله المهم اسمع اخذ ميار بنت خالك معاك ييبها لانه السايق مو فاضي وانا اصلا بيت خالك ​

جراح : ان شاءالله يلا باي ​

جراح : ميار راح تردين معاي لانه امي بيتكم وسايقكم مو فاضي ​

ميار : ها شنو بس انت معاك رفيجك
جراح : ماعليج من رفيجتي راح نوصله اول واحد وانا الي راح اقعد ورا مو اهوا
ميار : بس فشله
جراح : لاعادي ماعليج انا معاج

ميار : خلاص اوك شسوي بعد ​

​

وصل طلال وسلم وراحت معاه لوجين​

راحو ميار & جراح & يوسف ​

وراحت بروحها غزل انقهرت انها ماراحت مع ميار ​

بالسياره : ​

ميار : يوسف سوري على الي سوته غزل اليوم ترا اهيه مو جذي بس مادري شفيها ​

يوسف : لاعادي ماعليه ​

جراح: عادي مو شي يديد على رفيجاتج وحده تروح مع واحد كل يوم والثانيه تتميع عند رفيجي ​

يوسف ( عصب بس مايدري ليش عصب ):جراح عيب شهالكلام الي تقوله ​

ميار : جراح انا جم مره قلتلك مالك شغل برفيجاتي ومو انت الي تحكم عليهم اوك​

جراح : انا لو مابي مصلحتج جان ماقلت هالكلام اخر شي تطلع بنت خالي تماشي بنات مايستحون ​

ميار : رفيجاتي يستحون وانت اطلع منها مالك شغل ​

دقت بهاللحظه لوجين ​

ميار : الو هلا لوجي ​

جراح : كملت كلميها بتقولج عن مغامراتها ويا الفارس الي معاها ​

لوجين ( سمعت ) : شيقول هذا ​

ميار : لوجي بعدين اكلمج باي ​

ميار : انت شنو شسالفتك شفيك على رفيجاتي مو من حقك تكلم عنهم​

جراح : لااا صج ماتكلم عن وحده كل يوم رايحه وراده مع واحد ​

ميار : شنو يعني شفيها ( قصدها انه عادي ولد خالتها )​

جراح : نعمممم شنو شفيها ليش ان شاءالله لايكون انتي بعد مقزرتها طلعات مع شباب ​

ميار ( دمعت عيونها لانه يتهمها بشرفها ) : نعم انا ابوي مربيني احسن تربيه مو ناطرتك ​

يوسف : بس هدو هدو ​

ميار : ماتسمعه شيقول ​

جراح : ماقلت شي غلط عيل شنو عادي رفيجتج رايحه راده مع واحد​

ميار : انت شفيك الحمدالله والشكر أي عادي كاني انا الحين راده معاك​

جراح : تفرق انا ولد عمتج ​

ميار : واهوا ولد خالتها ​

جراح ويوسف ( بغى يغمى عليهم من الصدمه ): نعممممم​

ميار : أي ولد خالتها شفيكم ليش انصدمتو ​

وصلو بيت يوسف فانزل بدون لايعلق ​

جراح : سكت طول الطريج ​

وميار : قعدت تبجي لما وصلو بيتهم ​

وصلو البيت ​

نزلت ميار من السياره ​

جراح ( مسك ايد ميار ):وقفي بكلمج شوي ​

ميار : مابيني وبينك كلام خلاص الي سويته كفايه ماكفاك انك طلعتني زباله جدام رفيجك مايكفيك انك شكيت فيني ماكفاك انك طعنت بشرف رفيجاتي شتبين مني شقصدك من هذا كله (مشت وخلته)​

جراح : ميار ميار وقفي وقفي شووووي ​

جراح ( لحقها وصرخ ) : ميااار اناااا .......​

​

............................ ​

ليما هني واوقف وابي اشوف رايكم ​

*
العــــفو دام العـــــفو للمقتدر ..3 >.. قدرك ربي علي قلب يبيك
اما يذبحني جميلك وتغفر ..3 >.. ولا انا ذابحني ذنبي قبل اجيك