تذكري معانا أيام تجهيزج قبل عرسج

[فجر الخجول]

السلام عليكم
انا عروسه وعرسي بعد شهر دخلت هالقسم لان انتو ياخواتي اكثر ناس بتفيدونا
تعالي تذكري معنا اكتبي لنا تجربتج وشنو صار معاج بالتفصيل الممل
من قبل ليلة عرسج بثلاث ايام شنو سويتي شنو كان نظامج
وببوم عرسج جم ساعه قعدتي وش سويتي ومتئ رحتي صالون اي صالون كنتي حاجزة
وشنو سوو لج من دخلتي الصالون بضبط
ياليت تشاركونا تجاربكم نفيد بعض
الله يوفق يارب الجميع

 

[بسمه غلا]

اب
اب
اب

يلاااااا يالمتزوجااات تعالووو قولو لناااا ​

 

[iLLuMinaTion]

خوش موضوع

 

[بنوته ستايل]

احم احم اول شي الف مبروووك والله يتمم عليج..

وبالنسبه لقبل العرس كان احلئ ايام جنها حلللللللم قبل العرس بثلاث ايام كان عندنا استقبال وانا ماطلعت من البيت وقبل العرس بيومين رحت الصالون سويت شيره كامله وركبت اظافر وووو قبل العرس بيوم رحت الصالون بعد سويت مساج وحمام وبرافين جسم وجبت وحده بالبيت تسوي حواجبي<<متعوده عليها..

ورحت طبيب الاسنان سويت تنظيف عادي وبعدها اهلي ودو اغراضي وجتني رفيجتي للبيت سوالف<<استغل اخر دقيقه بالعزوبيه لووول..

وبليل قعدت اقرا سوره البقره كامله ..اي نسيت اقولكم قبل العرس بثلاث ايام اقرا سوره البقره كامله <<حيييل ريحتني
وبعدين طار النوم نمت بس ساعتين ورحت الصالون<<نصيييحه نااامي وارتاحي لان ليلج طويييل..
الصالون كان بس اناااااااااااااااا ورفيجتي وامي واختي الصغيره حييييل اخذت راحتي((صالون بريجيت))

تريقت بالصالون وسولي جلسه نظاره وحطيت مكياجي وسويت شعري ((شكلي حيييييييل عجبني الحمدلله))
وطلعت من الصالون رحت البيت <<لان بيتنا قريب من الصالون..لبسست وقعدت اصور معا خواني وخوالي وعمي وبعدين قعدت اصور بروحي ..واخوي الكبير يدرس برا وطيارته بنفس يوم عرسي وصار تأخير ع الطياره قلت ماراح اروح الصاله الا لما اصور معا <<تنحت خخخخخ
ووصل الساعه١٠ بليل صورت صورتين وطيران للصاله دخلت ع الساعه ١١او١٠ ونص<<عادي لان ماكو معرس..
ودخلت الصاله كان واااااااو بس تخووووووف من دخلت وانا اررررررررجف ماقدرت اوقف<<بس الحين اقول ياليت ترجع الايام وادش الصاله بعد..
وااممم وبس طلعت في غرفه بالصاله جا المعرس فيها وقعدنا نصور معا اهله..وطلعنا رحنا فندقنا وصورنا بروحنا ..


وبسسسس ��

 

[بنوته ستايل]

<<جني كتبت قصه حياتي..!!

 

[Gifts&Occaions]

لي عودة للموضوع

 

[فجر الخجول]

اخيرااا نزل موضوع صارلي ثلاث ايام كاتبته انتظر موافقة الادارة
يسلموووو يااحلا ادارة
بنتوتة اذكرج يوم تجهزين يااااي كنتي بحوسة
الله يوفقج ماقصرتي ع نقل تجربتج
يلله يابنوتات فيدونا بتجاربكم

 

[MiSS B.K]

اااااب

 

[فجر الخجول]

اب اب

 

[نبض آلخفوق]

من وين ابتدي ياجرح الندي>> خفي علينا خخخخ

ياااااااحلوها من ايام التجهيز ولوية التجهيز رغم التعب كانت ايام حلوه ....
قبل عرسي بأسبوع حجزت بالصالون برنامج العروس حمامات وهالسوالف....
وقبل عرسي بيوم حفيت جسمي كله وسويت حمام الحنا وحفيت وجهي بشمع وحواجبي حف وصبغ وسويت بدكير ومنكير وقصيت شعري كنت صابغته قبل العرس بـ 3 ايام وركبت اظافر حق رجولي وفتحت اذني من فوق حق الكشخه لبوهباش خخخخ>> طلع مو كفو ... المهم نرجع نكمل
ونمت ليلة عرسي الساعه 3 الفجر كنت شابكه هني حضرتي واقرق وجنه العيد لووول ولا جنه باجر عرسي ... المهم نمت 3 الفجر وقعدت 8 الصبح تسبحت وأكلت 7 حبات تمر العجوه عن العين .. وامي فديتها شربتني ماي مقري عليه ... وزهبت اغراضي للصالون ورحت الساعه 11 وصلت الساعه 12 وسوولي جلسة نظاره وجددوا لي البدكير والمنكير... ومكياج وتسريحه وصورت مع خالاتي ثنتين وامي هناك وعقب رحت الصاله دخلت الساعه 10 ونص والحريم كلها تطالع حاشني ابو الركب لوووول وبوهباش مادخل الصاله >> ذابحه المستحى عشتااو
صورنا بغرفه وصوروا معانا امه وخواته وعمتي ...
ورحنا شقتنا صورنا وتعشينا عقب وفججت تسريحتي بالحمام وبدلت ومسحت الميك اب وتعطرت ولبست قميصي بسس نصيييييييييييييييييييييييييييييييييييييييحه لاتمسحون الميك اب ولا تبطلون التسريحه حددي تمرمطت انا كنت ناويه ما امسح الميكب ولا ابطل التسريحه بس من الخرعه كنت ابي اطول بالحمام>> جود بوهباش ينام خخخخ بس ماكو فكه يحاول يبطل الباب بس الحمدلله كنت قافلته وطفا علي ليت الحمام اهئ اهئ قال يالله بسرعه اطلعي باجر ورانا سفر الصبح
المهم عيز الريال وهو ينطر جان اطلع لقيته نايم استانست عقب لما جيت بنام وطلع قاعد وانقض على الفريسه خخخخخ >> بخرعكم لووول ... وبس الصبح حماي وصلنا المطار وطرنا وتيتي تيتي مثل مارحتي جيتي >> شكووو

 

[عاشقة الدوحة]

الله يهنيكم بنات

بس مافي وحدة فيكم اذكرت ان الرجال قال الدعاء اللي يقوله الزوج ليلة عرسه،،،
احس انها احلى لحظة

 

[امـ خــزامـى]

^^^^
ماشاءالله صحيح شي يطمن اذا شفتي شريك حياتك يدعي ويبدا حياته بدعاء

للاسف ماقاله زوجي

وبالنسبه لي الاسبوع اللي قبل زواجي كئييييييب جدا

لان توفى عمي وصديق ابوي
الله يرحمه ويغفرله وكان ثالث يوم العزا هو يوم زواجي طبعا اتبهذلت
واجلت الزواج وزوجي عصب وتوتر لان فيه ناس عازمهم من برى الرياض وبيجون يحضرون
وتوترت انا جداااااااااااااا عمي توفى وهم زواج
ومادري وش بيصير علي
كان زواجي يوم الجمعه واجلنا وخليناه يوم الاحد طبعا حاولت فيه ااخره اكثر
بس زوجي رفض قال حجوزات السفر والتذاكر كلها بتروح علي بالاخير وافقت لان اصلا مافي حفلة حريم بس رجال
والحمدالله على كل حال


اتمنى اعيد زواجي واسوي حفله وانزف وقبل زواجي بكم يوم اسوي حمام مغربي واتجهز لعرسي وحبايبي حولي

راحت علي خلاص وان شاءالله اسويه لبنتي حبيبتي

 

[فجر الخجول]

نبض الخفووق هههههه اذكرج بليلة عرسج بنات بتجنع يخرعونج
وام خزامى فديتج مو مهم حفلة والزف المهم توافيق وتكونين سعيدة مع زوجج

 

[أبله أريج]

كنت اعصاااااااااااااااااب ما ابي ادكر

 

[جـــواهر]

موضوع حلو


ماسويت عرس

 

[منال $]

موضوه جدا نايس
لي عودة

 

[فجر الخجول]

ابلة اريج جواهر الله يسعدكم جواهر انا نو بس اقصد عرس انا اقصد ترتيباتج صالون وحف وبرنامج مو شرط عرس
منولة حياج في انتظارج

 

[am faisal]

اذكر شى واحد
ريحة مجموعة برايفت كولكشن

 

[BeNt PaRiS]

تعالي تذكري معنا اكتبي لنا تجربتج وشنو صار معاج بالتفصيل الممل
من قبل ليلة عرسج بثلاث ايام شنو سويتي شنو كان نظامج

كنت بس اجهز اغراض الجمعيه+ الصيدليه ( شامبو + صابون جسم + و غيرهم بعد )

وببوم عرسج جم ساعه قعدتي وش سويتي ومتئ رحتي صالون اي صالون كنتي حاجزة

نمت 1 او 2 و قعدت 8 من الخرعه و رحت الصالون 9 و قعدت هناك .. صالون حنان دشتي

وشنو سوو لج من دخلتي الصالون بضبط

بس لبسوني روب عشان يميزون العرايس بالروبات و اهتموا فيني و ادخل عندهم بدون رقم ، يعني اكل على راحتي و بعدين ادش براحتي و اسوي شعري براحتي و حجزت سويت و امي و خواتي بالسويت و انا معاهم و اذا صار دوري طقوا علينا الجرس وناسه

ياليت تشاركونا تجاربكم نفيد بعض
الله يوفق يارب الجميع


موفقه و عسى ربي يتمم عليج ان شاء الله

 

[mima]

احلى ايام
استمتعي بكل لحظه لايفوتك شي تدلعي على اهلك وعليه :>

ليلة الزواج نمت بدري الساعه 12 وصحيت الساعه 11 الصبح وقعدت مع اهلي وبنات خالاتي ومو متوتره من شي
رحت المغرب للقاعه لان الكوافيره بتجيني فيها وزينتني وكنت راضيه عن شكلي
كان مسوي لي كوشتين وحده لي وله لانه مابينزل للصاله والثانيه بالصاله
جا تصور معي كانت قمة الرهبه والخوف ومواقف تضحك وبعدها نزلت للصاله
لحظة الزفه احلى شي ودك تعيدينها بكل مافيها
بعدها طلعت ع السياره ورحنا الفندق وانا من الرهبه ضميانه حدي ريقي ناشف وهو بالسياره ماسك يدي ويرحب ويسولف ويتغزل وانا مو مركزه بس ابي مويه ههههههههههه
وصلنا الفندق وساعدني انزل العبايه وحب جبهتي وقعد يبارك لنفسه ولي ان الله تمم على خير
كنت متفقه معه من ايام الملكه مايجيب عشا انه يجيب تشيز وعصير بس
قطع التشيز واصر ياكلني واكلته وبعدها قال تبين اطلع عشان تبدلين او تبين تروحين الحمام
قلت له لا اطلع :>
المسكين طلع من السويت وقالي اذا خلصتي اتصلي علي رحت فكيت تسريحتي وكنت قايله لها لاتحط لي مثبت طلع شعري حلو لما فكيت التسريحه وبدلت ملابسي وجددت عطري وكلمته وجا
وقالي يالله نصلي الوتر وصلينا ركعتين واوترنا وبعد الصلاه حط يده ع راسي وقعد يدعي
وقالي بنسجد شكر ان الله تمم لنا واجتمعنا وسجدنا شكر
وبعدها مرت الليله سوالف وصار اللي صار وعدت بسلام :>

ادري كتبت مقال :> مو رد